رتبها

شفتوا لقاء "نواف النجم"؟ 👀
بما ان اللقاء ترند بسردلكم ابرز النقاط او الاشياء اللي تكلم عنها باللقاء 👇🏻👇🏻

"نواف" باللقاء تكلم عن حياته الشخصية والعملية بشكل مختصر وصرح باشياء كان اول مره يتكلم فيها للناس ولجمهوره
ومن ابرز الأشياء اللي صرح فيها هي جنسيته الحقيقة رغم ان الكل يعرف جنسيته بس لأول مره يقولها في لقاء وقال انه هو عراقي من ام كويتية ووالده توفـ،،ى وهو عمره 7 سنوات يعني كان طفل لما ابوه توفـ.ى ووالدته ربته بالكويت هو و أخوانه وكانت حالتهم المادية سيئة

وقال ان والدته فتحت له هو واخوانه شركة بأسمها
بس عشان تحط لهم اقامات تحت اسم الشركة عشان محد يأكل حقهم بحكم انهم مو كويتيين
و قال انه اصعب مرحلة عاشها بحياته لما كان عمره 18سنة .. وقتها انحكم عليه بالسجـ،،ن لمدة ثلاث سنوات وطبق منها سنة وشهر

والحكم عليه كان بسبب هوشة سارت بينه وبين احد وانحكم عليه بسبب الهوشة لانها تسببت بإتلاف لأموال الغير
وقال انه بعد ماقضى جزء من محكوميته وتم العفو عنه وطلع من السجـ،،ن بدأت فعلياً قصة كفاحه مع الفلوس والشغل .. واشتغل كـ مراسل في شركة والدته وبنفس الوقت اشتغل مندوب توصيل

وقال ان راتبه وقتها كان 80 دينار كويتي يعني 980 ريال سعودي وقسط سيارته وقتها كان 82 دينار يعني كان ياخذ راتبه ويزيد عليه دينارين ويسدد اقساط سيارته .. يعني راتبه كان كله يروح للقسط

وبعدها واحد من اصدقاء "نواف" لما شافه قاعد يكد ويتعب على نفسه وهو صغير عشان يحسن وضعه المادي اقترح عليه انه يدخل عالم التمثيل وقال له ترى هذا المجال راح يطلع لك ذهب
وفعلاً "نواف" قرر انه يدخل عالم التمثيل لهذا السبب يعني بسبب وضعه المادي السيئ وفي اللقاء قال بصريح العبارة انه دخل التمثيل عشان لقمة العيش ولا هو من الأساس مايحب التمثيل ولا يعتبره هواية

ودخل الفن .. ومثل لأول مره في مسرحية "قناص خيطان" عام 2002 وللأسف ان اول دور اخذه وطلع فيه قدام الناس كان دور واحد شـ،، اذ

وفي وقت عروض المسرحية كان موجود "طارق العلي" و "عبد الناصر درويش "ووقتها اعجبهم اداء نواف وإتقانه للدور وطلبوا منه انه يمثل معهم في مسرحية "قدها ونص" وياخذ نفس الدور الشـ،، اذ والولد الدلوع 🥲💔

و"نواف" وقتها وافق على طول لأنه ماكان مصدق انه بهذه السرعة راح يشتغل مع ممثلين كبار زي "طارق العلي" و "عبد الناصر دوريش"
و ما كان مُدرك سوء الدور وعواقبه وصورته العامة من بعده ! وكان همه المادة وبس وانها فرصة ذهبية له انه طلع مع اسماء كبيرة

وفعلاً وقتها اخذ دور الشـ،، اذ والدلوع للمره الثانية وهذا كان ادائه في المسرحية ..

وللاسف بعد انعرضت المسرحية نواف بدأ يعاني من كمية التنمـ،،ر و الشتـ،،م في كل مكان يروح له بسبب الدور اللي ظهر فيه مرتين
ووقتها قال انه فعلاً فيه ناس صدقوا انه فعلاً شـ،، اذ لان هذه كانت بداية ظهوره للجمهور وفي المرتين اللي ظهر فيها ظهر كذا ! فالناس اخذوا عنه هذه الصورة

وحتى قال ان "طارق العلي" و "عبدالناصر درويش" لما طلبوه للمسرحية كانوا متوقعين انه فعلاً شـ،، اذ بس بعد ما اشتغل معهم وعرفوه عرفوا انه شخص سوي ولا له في هالخرابيط و وافق على الدور عشان الفلوس فقط

فلما طلع باللقاء تكلم عن ندمه انه قبل هذه الادوار واهان نفسه واساء لسمعته وسمعة اهله في ذيك الفترة عشان المادة

المهم..
بعدها نواف مثل في مسلسل "رحلة انتظار " عام 2005 و مسلسل "أسد الجزيرة" عام 2006 ومسلسل "واقعي" عام 2007 وتوالت ادوار ونجاحات نواف ليييين غيروا الجمهور رأيهم ونظرتهم له وتقبلوا وجوده وتمثليه

وعلى الرغم من ان نواف دخل التمثيل من 22 سنة إلا ان عدد مسلسلاته وعدد ادواره البطولية تعتبر قليلة جداً مقارنة بالسنوات اللي قضاها في التمثيل وهو قال انه ممكن يكون السبب في هالشيء هو علاقته مع المنتجين يقول لان المنتجين يعطون الأدوار والمسلسلات بناء على علاقتهم مع الأشخاص وهو ما كانت تربطه علاقة قوية مع أي منتج

وبعدها المذيع سأل "نواف" سؤال وقال له ليش زملائك اللي بدأوا معاك في التمثيل اليوم تعدوك بمراحل وسارت اسمائهم من انجح الأسماء عكسك !

وهذا كان جواب نواف .. قال ان الممثلين في ذاك الوقت كانوا يسوون قروبات وهو وقتها ما اندمج ولا دخل مع ولا قروب لان قروباتهم ما كانت تناسبه لا مادياً ولا اخلاقياً ولا نفسياً

وقال لو انه في ذاك الوقت دخل في أي قروب كان زادت نجاحاته وخصوصاً من الناحية المادية بس هو اختار انه يريح راسه لأن هالأشياء ما تناسبه ولانه سار اوعى بعد الدورين الاولى اللي اخذها

وعلى سياق كلامه عن قروبات الممثلين
قال ان "حسن البلام" في ذاك الوقت كان عنده قروب كامل وقوي جداً و"حسن" طلب من"نواف" انه ينضم لقروبه وقال له حياك معنا .. حلوين ؟ حلوين

ووقتها كان نواف راح يوافق ويروح مع حسن قبل ما يشيل فكرة القروبات من راسه .. وسار شيء صدمه !

انصدم ان واحد من اصدقائه المقربين كان موجود في القروب نفسه حق حسن وقال لـ"حسن البلام" انه ما يبي نواف يكون موجود معهم في القروب ابداً ! هذا وهو ونواف اصدقاء مقربين 👀

و"نواف" وقتها انصدم وحس بالغدر لأن الشخص اللي رفض انضمامه لقروب حسن البلام كان مو بس من اصدقائه المقربين الا كان يعزززه كثير .. وبعد هالموقف ما راح مع اي قروب

وعلى الرغم من ان "نواف" ما ذكر اسم هذا صديقه اللي يقصده ابداً إلا ان "فهد البناي" طلع ورد على كلام "نواف" بسبب ان الجمهور تكلموا وقالوا ان فهد هو الشخص المقصود اللي تكلم عنه نواف

وهذا كان رد "فهد" على "نواف"

وبعد كلام فهد اللي نزلته لكم بالسنابات .. فجأة بعده بيوم تصور هو ونواف سوا بسناب وكان نواف يقوله اني ماقصدتك ابد .. وواضح ان نواف لما شاف رد فهد قام يوضحله انه ما يقصده وتقابلوا سوا عشان يوضحله سوء الفهم وامورهم زي اللوز

وهو فعلاً ممكن ما كان يقصده وتحليل الناس وكلامهم هو اللي خلا فهد يطلع يتكلم .. رغم ان رده كان اندافعي ونواف ما قال اسمه 🤷🏻‍♀️

المهم..
بعدها نواف تطرق لأجره اللي ياخذه من المسلسلات وقال على الرغم من انه دخل التمثيل عشان لقمة العيش إلا ان الأجور اللي ياخذها كانت قليلة ولاهي على قد تعبه

وقال انه مره مثل مسلسل كامل 30 حلقة واخذ "4الاف دينار كويتي" يعني تقريباً 49 الف ريال سعودي
وفي المقابل كانوا اغلب الممثلين اللي زيه وبنفس مستواه ياخذون مايقارب "30-40الف دينار كويتي"
يعني من 367-490 الف ريال سعودي

وقال انه قبل كم يوم كان موقع عقد مسلسل جديد بـ "2000 دينار كويتي" وذكر ان السبب ورا اجوره القليلة هذه هو خوفه من انه يزيد السعر وما يسير احد يطلبه لأنه بالنسبة له لقمة عيشه ودخله مرتبط بالتمثيل ولو وقف عن التمثيل راح يتضرر مادياً

وفي مره ذكر انه أخذ اجر عالي جداً على غير العادة والأجر اللي اخذه كان من "حياة الفهد" لأن هي وقتها كانت منتجة المسلسل وهي اعطته المبلغ من غير لا تناقشه لأنها عارفة بظروفه وعارف انه داخل التمثيل لهذا السبب

على العموم بنهاية اللقاء نواف تطرق للموقف اللي سار له مع "طارق العلي" وخلاه للأسف يخسر وجوده على المسرح بسبب طارق ..

قال انه زماااان طلع وتكلم عن مسرحية "عائلة قرقيعان" اللي شارك فيها مع "طارق العلي" وذكر انه قبل تمثيل المسرحية كان بينه وبين "طارق" اتفاق انه لما يضـ،،ربه بالمسرحية يضـ،،ربه مره او مرتين والضـ،،ربة ما تكون حقيقة اساساً مجرد تمثيل .. حلوين ؟

بس يقول نواف انه في وسط المسرحية انصدم انه كل دقيقتين طارق معطيه كف وبقوة .. وبعد تصوير المسرحية طلب من "طارق" انه يقص مشاهد الكفوف عشان لا تنعرض بالتلفزيون بالشكل هذا لانها اساءة له حتى لو تمثيل لانه بالغ طارق بالكفوف

بس انصدم نواف ان المسرحية انعرضت كاملة وما قصوا منها اللي طلبه ! وهالشي ضايقه وطلع وتكلم عن الموضوع وانه انا طلبت منهم يقصون المشاهد .. الخ

وقال انه بعد تصريحه هذا "طارق" اتصل عليه وعاتبه وللأسف "نواف" اعتذر منه وبرر له في اكثر من لقاء انه بس تكلم لان الموضوع ضايقه ولا يقصد الاساءة لطارق العلي واتوقع انه اعتذر منه عشان لا يخسر شغله
وفعلاً وقتها "طارق" قرر يستبعد "نواف" نهائياً من المسرح .. وقال نواف بعدها انا خسرت شيء اسمه مسرح لاني صرحت بهذا الكلام عن شيء ضايقني زمان وبالتالي طارق العلي زعل مني

و"نواف" واضح من كلامه باللقاء انه ندمان وتمنى لو انه ما تكلم من الأساس عشان لا يخسر وجوده على المسرح

وبس والله هذا ملخق اللقاء 🤝🏻
استنتجت اشييياء كثييير من اللقاء ودروس للحياة 👏🏻 وش الشيء اللي استنتجتوه من كلامه ومن الاشياء اللي مر فيها وتعتبرونها درس فعلاً بالحياة ؟