رتبها

Trendy Taraf | تَرف

10 تغريدة 13 قراءة Aug 16, 2024

تخيلوا ان ذول البنتين من سنة تقريباً سووا مشروع دخل لهم 4 مليون دولار في السنة 💸
تتوقعون وش مشروعهم؟ 👀
اتوقع لما اقول وش مشروعهم محد راح يتخيل ان هالمشروع اللي اشتغلوا فيه طلع لهم هالدخل 💰💰

اللي دخلهم 4 مليون دولار بالسنة هو السلايم 👀💸
فتحوا مشروع سلايم وساروا يبيعونه عبر موقع وعبر حساباتهم .. وكانوا هم بنفسهم يسوونه ويبيعونه

في بداية مشروعهم قالوا ان راس مالهم كان 2000 دولار بس! ولما فتحوا المشروع ما جاتهم طلبات لمدة 6 شهور وهذا الشيء حطمهم كثييير وكانوا خلاص راح يوقفون

بس بعد كذا قرروا انهم يتوجهون للتسويق عن طريق التيـ،،ك تـ،،وك .. وانصدموا ان الطلبات ما وقفت اببببداً من بعد مقاطعهم ! وان مبيعاتهم كانت كل فترة تزيد
وفعلاً ترى التيـ،،ك تـ،،وك يعتبر من اقوى المنصات للتسويق بالمحتوى هو والريلز حقت الانستـ.. قرام 🤝🏻

وعاد هم طريقتهم في التصوير فننننانه وتعتمد على تقنية الـ ASMR اللي تخليكم تنشدون للمقطع وتحسونه مرييييح وحتى الاصوات فيه على انها غريبة الا انها مريحة وتشدكم تكملون باقي المقطع 🤣 وكثيير يعتمدون هالطريقة في محتواهم

ويصورون بكاميرا الجوال فقط يعني لا معدات تصوير ولا شيء من الجوال تقدرون تطلعون باحلى واقوى تصوير واحلى فديوهات 🤳🏻 والاضاءة اذا ما عندكم اضاءة زينه الشمس تكفي وتوفي وتعطيكم احلى واجمل اضاءة ☀️

المهم بعد ما زادت مبيعاتهم وكبر مشروعهم قدروا يفتحون مصنع خاص فيهم متوفر فيه كل ادوات صنع السلايم ووظفوا فيه 14 شخص يساعدونهم في صنع السلايم وتجهيز الطلبات💰

وعلى الرغم من انهم دخلوا رقم كبير من المشروع وفي وقت قياسي .. سنة وحدة 👏🏻
إلا انهم قالوا ما يفكرون ابداً انهم يعتمدون على هذا المشروع كـ عمل تجاري دائم بس يقولون انهم مازالوا للان يتفأجون كل سنة ان مبيعاتهم تزيد اكثر من السنة اللي قبلها 💰

اهنيهم انهم استغلوا هبته في ذروووته وبدعوا فيه هذا انا اسميه استغلال الفرص 👏🏻👏🏻
وانهم كبروا ووسعوا الموضوع لييييين قدروا يستمرون للان حتى بعد ما راحت هبته .. لانهم مستمررررين وما استسلموا وكملوا بنفس القوة بالمحتوى والتسويق وبإبداع 👏🏻