📌 ثرد اعتقالي
للمرة التانية ما نفسي احكي شي لكن للاسف مضايق جداً من الحصل
يوم ٨ يوليو تم اعتقالي من قبل الجيش في مدينة بورتسودان عن طريق الخليه الامنية المشتركة قبل مواعد طيارتي بي ١٤ ساعة التهمة لي الليلة ما عارفه شنو تم التحري والتحقيق معاي لمدة ١٢ ساعة ذلة وقلة ادب
للمرة التانية ما نفسي احكي شي لكن للاسف مضايق جداً من الحصل
يوم ٨ يوليو تم اعتقالي من قبل الجيش في مدينة بورتسودان عن طريق الخليه الامنية المشتركة قبل مواعد طيارتي بي ١٤ ساعة التهمة لي الليلة ما عارفه شنو تم التحري والتحقيق معاي لمدة ١٢ ساعة ذلة وقلة ادب
شهر كامل قاعد في بورتسودان اعتقلوني قبل يوم السفر بي ١٢ ساعة، تم اعتقالي قدام الوالدة والاعتقلني قال ليها "الغي ليهو تذكرتو لانو حيقعد معانا كتير" طبعا الاعتقال كان عربية كامري مظلله موديل السنة النزلو من العربية شايلين مسدسات دا غير الاتنين الجو العربية شايلين كلاشات
انا ما عارف انا حميدتي ولا شنو المهم في التحقيق المتحري قال لي انت كنت مشارك في سقوط معسكر الاحتياطي الخرطوم و الدفاع الجوي ٦١ مع انو ماف دليل وكانو مصرين انو انا عندي ميول سياسي مع انو انا والله ماعندي سوداني بسيط كنت بحلم بي وطن وكل توجهاتي كانت في مصلحة المواطن
وكل همي انو الناس تتعد المرحلة دي بي اخف الاضرار، المهم التفاصيل كتيرة وبعد دخول في مفاوضات مع قائد الخلية بعد قال لي مافي زول بجيبو هنا ساي طبعاً طلس ساي، شرحت ليو انو انا عندي تذكرة ومطار ومستقبل قال لي يعني عشان عارف الدعم السريع ما عندو مستقبل في البلد دي عاوز تسافر 😭 ضحك بس
علي كل حال الحمدلله قدرت اتخلص من الكابوس دا قبل المطار بي نصف ساعة، برضو بشكر مديرة الصالة القدرت تلقي لي مقعد في الطيارة بعد كان الرحلة اتلغت، الحزينة في ناس كتار قاعدين في الخلية بالايام لم يتحرو معاهم وماعندهم ذنب، برضو ربنا يحفظ الوالدة انو كانت صبورة ودعواتها الصادقة
المهم انا كتبت الثرد دا عشان غالبا خايف ما اشوف السودان تاني قريب اتحشينا من البلد دي بكل الطرق الممكن تتحش بيها، اخر شي قدرت اعرف عن طريق مصادري الناس البلغو فيني ما حرحمكم طبعا كعادتي يعني و Karma is a bitch والما عرفتهم الحساب يوم الحساب انشاء الله
جاري تحميل الاقتراحات...