رتبها

مقارنة ممكن؟
الدراسة في مصر VS الدراسة في تركيا
جزء من تسويقنا للجامعات المصرية بيكون قائم على المنافسة مع الجامعات الموجودة في السوق الاقليمي وعشان دا يحصل بنحتاج دراسات ومقارنات بامكانياتنا مع فرص الاخريين.
١-تابع
#شيرين_هلال
#مصر_للمصريين
#الطالب_المصري_أولى_بجامعاته

من أقوى المنافسين للجامعات المصرية في منطقة الشرق الأوسط هى الجامعات التركية وعشان كدة روحت اشوف اخبار الشروط والتكاليف ايه هناك؟
تركيا من الدول الجاذبةللدراسة والمعيشة بحكم طبيعتها السياحية وامكانياتها الجبارة في التسويق لقوتها الناعمة في الافلام والمسلسلات
استنى عليا🤦🏻‍♀️
-٢تابع

اللي انتشرت بين المجتمع العربي والافريقي انتشار النار في الهشيم.
وعشان اطبق صح دخلت على كليات الطب تحديدا.
لقيت ان الدراسة هناك بتنقسم لجامعات حكومية واخرى خاصة.
دراسة الطب في الجامعات الحكومية التركية وعددهم 129 جامعة برخص التراب
Oh lalala 🥸
ليه بقى؟
-٣تابع

لان اغلب الجامعات دي بتدرس بالتركي ومحدش هيحتاج اللغة التركية برة تركيا ولا هينفع يعالج المرضى بالتركي في البلاد العربية او الاوروبية ولا حتى الافريقية، نشرات الأدوية المستوردة والنظام الطبي كله قائم على الإنجليزية و عشان كدة عدد قليل أوي من الجامعات الحكومية قررت تمنح فرصة
-٤👇

التعلم بالإنجليزية مع مضاعفة المصاريف عن القسم التركي، لأن عائق اللغة ممكن يدمر كل مساعيها لجذب الطلاب ودا خلا تركيا تتنازل في مصروفات الجامعات الحكومية لكن عوضتها في رسوم دراسية ناااااار حرفيا.
بس برغم اعتمادها سياسية منفتحة على استقطاب الطلبة الأجانب
-٥تابع

إلا إنها متنازلتش عن مجموع القبول في الكليات وإشترطت مجموع لا يقل عن 90% والقبول عادة بيتم من 95% كمان. 😇
دا غير إشتراطها لإمتحانات قبول تخص اللغة في الحالتين سواء التركية أو الإنجليزية و برضو لازم مجموع عالي.🤓
-٦تابع

المفاجأة بقى كانت في دراسة الطب في الجامعات الخاصة هناك تكاليفها أعلى بكتير!
أولا كلها بتدرس الطب بالإنجليزية، ومصاريفها بتبدأ من 16الف دولار لحد 32 ألف دولار في السنة الدراسية الواحدة دا غير الرسوم الباهظة طبعا.
-٧تابع

مع تكلفة المعيشة في تركيا المرتفعة للطلبة اللي بتتراوح ما بين 300-750 بحسب إمكانيات كل طالب
اللي لو قارنها بتكلفة المعيشة للطالب في مصر هنلاقيها ما بين 200-400 دولار على أقصى تقدير يعني المعيشة لو هيقضي 10 شهور الدراسة في تركيا على أقل تقدير هتبقى ب3000 دولار في السنة
-٨تابع

غير مصاريف السفر رايح راجع كل سنة ووو بينما في مصر هتبقى 2000 دولار فقط، ودي أرقام بيحسبها الأهالي والطلبة قبل التقديم في الجامعات بالخارج.
طيب مش هنختلف على ان هناك فرق كبيييير في تسعير الجامعات الحكومية المصرية بالمقارنة مع تسعير نظيرتها التركية 😤
-٩تابع

شوف يا سيدي كما هو معلن (لحد دلوقتي) عن المصروفات لكلية الطب جامعة القاهرة و الجامعات الحكومية من 6000 دولار غير ال 1500 دولار بتوع التسجيل في الاول
اما الجامعات الخاصة فعندك رينج واسع من 7000 دولار احد 20000 دولار تقريبا
-١٠تابع

هو صحيح في كلام ان المصاريف في الطب الحكومي السنة دي ممكن ابقى 8000دولار بدل 6000 بس معنديش تأكيد من الوزارة على دا
دا فيما يخص المصروفات
طبعا حضرتك هتسأل :طب هو تركيا تصنيف جامعاتها ودراسة الطب فيها إيه بالمقارنة بجامعات مصر هقولك
-١١تابع

بحسب المنشور من التصنيفات فجامعات تركيا دخلت حديثا ذيل التصنيفات الدولية ما شاء الله يحسب تقييم الجودة QS 921
بينما جاءت جامعة القاهرة في المرتبة 371 وجامعة زي عين شمس أخدت المركز 721.
يا ما شاء الله يعني🙄
-١٢تابع

أما في تصنيف جودة أخر إسمه شنغهاي للجامعات، قيم أفضل واحدة فيهم الحكومية جامعة إسطنبول أخدت 990 بينما كليات الطب في مصر إبتدت من 301 و إنتهت عند 901، يعني أقل تصنيف لجامعة عندك أعلى من أعلى تصنيف عنده!
طيب هي ليه تركيا قادرة تستقطب كل الطلاب دي بالرغم من عدم تصنيفها؟
-١٣تابع

الحكومة التركية بتتعامل مع التعليم للأجانب كجزء من استراتيجية واسعة جدا للتمدد التركي في مناطق النفوذ التابعة لها، أعلنت عنها في الثمانينات بتوقيعها عدد من البروتكولات مع دول العالم وبالفعل بدأت في بناء بنية تحتية تعليمية قوية من بناء جامعات ومدن جامعية وتدريب لمرشدين تعليم
-١٤👇

وتصميم رحلات مخفضة للطلبة لعمل تعريف بالجامعات قبل التقديم والدراسة غير إنشاء شبكة دعاية إليكترونية وتعاقدات مع وكلاء تعليم في كل الدول المستهدفة. وبدأت الإستراتيجية تؤتي أُكلها في 2014 لدرجة إن الدولة أعلنتها بشكل صريح بعد ما وصل عدد الجامعات على مستوى الدولة لـ165 جامعة
-١٥تابع

"الأعداد مفتوحة للطلبة الدوليين"ما عدا كليتين فقط وهما الطب البشري وطب الأسنان. بعد وصول عدد الدوليين300 ألف طالب متوزعين على عدد الجامعات المذكور وهو 165 جامعة، يعني تقريبا 180 طالب في كل جامعة، ودا عدد يعتبر معقول لما يتوزعوا داخل الكليات المختلفة في الجامعة الواحدة.
-١٦

طبعا في برامج تعليمية أخرى في معاهد ومراكز تدريب ضمن هذا الرقم، لكن واضح إنهم في وسط سياستهم المنفتحة على جذب الطلبة مكانش غايب عنهم الحفاظ على
"جامعتهم الحكومية وتصنيفها"
-١٧تابع

نيجي لحالة مصر بقى هنلاقي إن كل ما تملكه مصر من إجمالي الجامعات لحد 2022 هو 109 جامعة ، نص الرقم دا ويزيد من الجامعات تم إنشاءهم تباعا في العشر سنين اللي فاتوا فقط، مقسمة الجامعات المصرية كالتالي:
49جامعة حكومية
4جامعات أهلية دولية
20جامعة أهلية منبثقة من الجامعات الحكومية
-١٨👇

23جامعة خاصة
7 أفرع للجامعات الأجنبية بالعاصمة الإدارية
10 جامعات تكنولوجية
بالإضافة لعدد كبير من المعاهد.
بس طبعا مفيش إقبال عليها وهيبقى ليه في إقبال إذا كانت الكليات المصرية بتقبل طلبة من غير مجموع وشايلين مواد.
لحد هنا ومعادش في كلام يتقال😤🙊
-١٩تابع

لكن تِفضل شوية أسئلة عالقة في الذهن:
ليه معندناش سياسة معلنة بالمراحل لو بنستقطب طلبة دوليين؟
ليه محدش طلع يكلمنا عن الأعداد اللي زادت بشكل غير مسبوق من الطلبة الوافدين لدرجة إننا بناخد الأعداد من الشهود على الدفعات اللي بعضهم بيوثقوا الأعداد في بعض كليات القمة تخطت ال50%؟
-٢٠👇

في حين إن اللائحة للطلبة الوافدين في الكليات متتعداش ال10%
وليه منافستنا في استقطاب الطلبة الدوليين تبقى بقبول غير المتفوقين منهم؟
خصوصا في جامعتنا الحكومية ذات التصنيف الأعلى بفارق يتعدى 25% من المجموع المطلوب لدخول كليات الطب؟؟؟
-٢١تابع

في حين إن سياسة الدول اللي سبقتنا في هذه الإستراتيجية بدأت من 40 سنة وكمان لم تتنازل الجامعات الحكومية فيها عن مستوى مجموع عالي لا يقل عن 90% وبعضهم بيشترط 95% غير إمتحانات اللغة، لضمان قبول طالب متفوق ومتمكن من الدراسة باللغة المستخدمة للتعليم في كليات الطب؟؟؟؟
-٢٢تابع

لو احنا بنسوق لنفسنا مع فقدان تركيا لنقاط مهمة بالمقارنة معانا
*حاجز اللغة
*وجودها في ذيل التصنيف
*سوء الاحوال الجوية بالنسبة لطلبة البلاد الحارة
و حاجة خليتها في الاخر عشان الحبابيب
ليه احنا خطتنا البيعية باسعار اقل من قيمة "السلعة" المباعة؟
-٢٣تابع

معلومة خليتها في الأخر عشان أدي الأتراك حقهم،دا واجب علينا يعني
نقطة مهمةتخص دراسة العلوم الإنسانية بيستفيد منها أي دارس للخطط تسويق لما يقدمها لصانع القرار،وهي"دراسة المجتمعات". معلوم للقاصي والداني إن تركيا من البلدان شديدة العنصرية والمعروفةبكراهية الأجانب (ما عدا البيض)
-٢٤👇

المواطن التركي "عموما" شديد التعصب لقوميته التركية لدرجة إنه مش بيتعلم لغات ولما حصل مؤخرا وبدأ يتعلم لغات عشان إحتياجه لمخاطبة "مناطق النفوذ التركي المستحدثة" مش بيستعمل اللغة دي في الحياة العامة في غير أغراضها وممكن يغضب لما يطلب منه يتكلم بغير التركية أو يسمع الأجانب
-٢٥تابع

تتكلم لغات وخصوصا العربية. كمان تركيا جوا نفسها مقسمة لعنصرين بالأساس، من وقت تأسيس الجمهورية التركية في 1923، التركي الأبيض والتركي الأسود-الأسود، مش الأسود اللي نعرفه لا . المقصود التركي: الأبيض دا النخبة التركية اللي بيربطوا نفسهم بأوروبا بعيدا عن محيط الشرق الأوسط
-٢٦تابع

ودي النخبة الثقافية التركية واللي نسبة كبيرة من الشعب بتتطلع لها. أما التركي الأسود هو مجتمع الأتراك المحافظ (أردوغان وجماعته+المجتمع الأناضولي) ودول مكانش لهم أي نوع من السلطة أو الثروة قبل منه. فلما بدأ التركي الإسود ياخد حرية التعليم والملبس والسلوك ،
-٢٧تابع

بدأ الأبيض يمارس عليه العنصرية الشديدة و فضل المجتمع التركي في انقسام لحد ما بدأ أردوغان يفرض قوانين ويمارس سلطة إدانة للتصرفات دي ، متصورا إنه بكدة هيقضي عليها، لكن طبعا دا عمره ما حصل. مع بداية الهجرة السورية اللي تزامنت مع زيادة أعداد السياح (خصوصا العرب)
-٢٨تابع

و صاحب التوقيت دا زيادة أعداد الطلبة الأجانب (العرب و الأفارقة) ومع تدهور الأوضاع الاقتصادية وإنفتاح الحكومات الأردوغانية على التسهيلات للاجئين والمهاجرين، بدأ جزء كبير من التركي الأسود يحس بخيبة أمل لأن مكتسباته من الحرية والإنتعاش الاقتصادي سحبها منه السوري والمهاجرين
-٢٩تابع

فبدأ يضم فكريا مع التركي الأبيض و نشوف حركات عنيفة ضد خد عندك: السياح العرب+الطلاب الجامعيين+المهاجريين
يا سيدي الفاضل وصلت العنصرية بالأتراك إنهم بيهددوهم بالقتل علني في الشوارع مع تكرار جرايم الخطف والإغتصاب للطلبة. يعني كمجتمع للطلاب هو غير آمن بنسبة مش قليلة.
-٣٠تابع

يعني كل اللي اتقال بيرجح كفة مصر علميا و اجتماعيا وثقافيا-لانك لو حسبت وحدة اللغة وتجانس العادات والتقاليد المصرية مع اغلب بلدان الطلاب الوافدين، مع وجود الازهر وامكانياته الكبيرة لطلبة الدول الافريقية والاسيوية المسلمة هتلاقي ان كفة مصر ترجح،
ليه التنازل عن ما تستحق مصر؟
-٣١👇

ليه الطالب القليل علميا؟
ليه التساهل في شروط القبول؟
ليه حتى الجامعات الخاصة متاخدش مصروفات تليق بالفرصة؟
ليه الاعداد الكبيرة فجأة في وقت قصير؟
ليه مش بتعلن عن استراتيجيتك عشان احنا كمان نساعدك؟
في كتير ليه وفي كتير عشان ايه؟
ميحلهاش الا ان القائمين على الملف في الدولة يوضحوا
-٣٢

بعد الكلام دا، رجاء العلم بإني مش طالبة غير التوضيح من وزارة التعليم العالي، إذا كنت مش هعرف ألاقي المعلومات اللي بتخص أعداد الطلبة الوافدين منشورة ومعلنة ولا قادرة أربطها بمنطق قانون تنظيم الجامعات ولائحته التنفيذية، يتفضل إن الوزارة ترد بتفصيل عن خطتها والأعداد المقبولة
-٣٣تابع

دخلت على أي أساس
النقاش والمكاشفة هتساعد في الحفاظ على السلم الاجتماعي. مش صحي أبدا وإحنا في مرحلة التنسيق، المصري يحس بالظلم لما أولاده المتفوقين ميقدروش يحصلوا أمانكنهم المستحقة في جامعات بلدهم اللي اتبنت على أكتاف أجدادهم، بضرايب مدفوعة من اللحم الحي
إحنا فين من خطتكم؟
-٣٤تابع

ولادنا بيجروا جري الوحوش،والحملان النعسانة بتاخد مكانهم!
السؤال مش عيب والإجابة المفروض مش سر،لأنها جزء من العمل العام
وقبل ما أمشي بحيي كل الأيادي اللي بنت صروح عظيمة من الجامعات الجديدة في وقت قياسي وأفكرها بإن الصروح القديمة محتاجة نظرة لأحقيتها والإستحقاقية فيها.
#شيرين_هلال

المزيد من هذا الكاتب

مواضيع ذات صلة

الأكثر اعجابا

المزيد من هذا الكاتب

مواضيع ذات صلة

الأكثر اعجابا

فك الثريد