رتبها

بمناسبة إني في السوق العقاري المصري بقالي تلات سنين، حابة أعمل ثريد عن أفضل مطورين عقاريين في مصر ككواليتي و استثمار ناجح حسب كل فئة سعرية بالترتيب،
هبدأ بأغلى مطورين واللي هما أصحاب أعلى عائد على الاستثمار وكواليتي وسرعة في البيع في الكاتيجوري بتاعهم، وطبعاً على القمة تيجي:

١- إعمار مصر
المطور الأفضل في الشرق الأوسط حسب مجلة فوربس العالمية، وصاحب أشهر قرية سياحية في الساحل: مراسي، إيجار الستوديو فيها بيبدأ من أول 15 ألف لليوم
وصاحب مشروع ميفيدا اللي إيجار الشقة الغرفتين فيه بيبدأ من 45 ألف في الشهر غير مفروش
والمشروع التالت هو أب تاون كايرو

٢- سوديك
سوديك بتنافس إعمار دايماً على أعلى كواليتي وأعلى ROI في السوق، وفي السكني سوديك أعلى من إعمار في المقياسين، إيجار الستوديو في إيستاون وصل ل48 ألف في الشهر
وهي رقم ٢ لأنهم لسة مسلموش مشروع في السواحل يعدي مراسي، ولكن مشروع Ogami راس الحكمة لما يتسلم متوقع إنه يعدي مراسي

كواليتي التشطيب و اختيار الألوان والتفاصيل في سوديك وتهدير الشقق أفضل بكتير من إعمار، وكذلك الكوميونيتي كمان سوديك الناس اللي عايشة فيها تعتبر Old Money مش نوفو ريش
مشاريعهم في القاهرة:
-Villette Sodic
-Eastown
-Allegria
-Vye and Karmell
مشاريعهم في الساحل:
-Caeser
-June
-Ogami

٣- أورا (نجيب ساوريس)
بالرغم من إن أورا لسة مسلمتش أي مشروع لكن البيع والشراء فيها قوي جداً عشان إسم ساويرس، العملاء بيكسبوا في السنة average عشرة مليون في الشاليه في مشروع Silver Sands في الساحل،
أول مطور يبني أبراج سكنية فخمة في مصر في شرق وغرب القاهرة مكونة من 33 دور!

أورا مستخدمة مواد خام للتشطيب والدهانات مستوردة عشان كدا متوقع إنها هتسلم كواليتي ممتازة بجانب موقع المشروع Zed West في قلب الشيخ زايد، و مشروع سيلفر ساندز في الساحل أول مشروع يتسلم في راس الحكمة وهو من ضمن سلسلة منتجعات سياحية عالمية عاملاها عيلة ساوريس في اليونان وأمريكا

٤- نيو جيزا
نيو جيزا للي ميعرفش هي rebranding لمجموعة الجمال, صاحبها محمود الجمال (حما جمال مبارك)، سلموا واحد من أفضل المشاريع في مصر: مدينة نيو جيزا في أكتوبر بجامعتها ومدارسها، و واحد من أجمل مشاريع الساحل: Seashell
وبالمناسبة أغلب الممثلين والمذيعين المشهورين عايشين هناك

٥- أوراسكوم (سميح ساويرس)
ناس كتير متعرفش إنه أوراسكوم عندها فرع مطور مش بس مقاولات،
أشهر مشروع سلموه طبعاً هو أكتر منتجع سياحي luxurious في مصر كلها: مدينة الجونة
إيجار الشاليه في الجونة بيبدأ من أول 50 ألف لليلة الواحدة،
مشاريعهم في مصر:
-O West في أكتوبر
-Makadi Heights

الناس اللي بتقولي متكلمتيش عن طلعت مصطفى

أنا نسيت شركة مهمة جداً لازم تتحط في التوب بتاع class A وهي المراسم،
شركة المراسم ملك لمجموعة بن لادن السعودية و أثبتت كفائتها في السوق المصري كمحافظة على المشروع والتشطيب و الصيانة والتسليم في الميعاد وقيمة ايجارية عالية
مشروعهم في التجمع fifth square وفي الساحل marbay

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد