لازم نعمل حمله لدفع الدولة الى تسديد المديونيه المحليه عن طريق نقل ملكيه الشركات والاراضى المعروضه للاستثمار الى المصريين بتحويلها الى شركات مساهمه محليه ضخمه والناس تكسب بدل المستثمر الخارجى لان هما كدة كدة مستلفين كل فلوس الناس الى بالبنوك طيب ماتسدد الديون دى بفلوس الناس تشترى

تخيل لو عمل كدة مصر تتخلص من ديون قرابه ٧ ترليون قروض داخليه وفوايدهم اضرب ٧ ترليون فى ٢٥% يعنى حوالى ١.٧ ترليون فوايد كل دة هاينتهى فورا وتبقى ميزانيه مصر مش مديونه محليا وترتفع الملاءه بيها وكمان الفلوس دى مش هاتروح اى حته هاتفضل بالبنوك قابلة للاقراض تانى لان هاتتنقل فقط من حسابات افراد الى حسابات شركات مصربة بالبنوك برضه والفرق ان مافيش فوايد مضطر تدفعها للناس واناس هاتكسب حلال من الاستثمار عائد عالسهم اكبر من سعر الفايدة ونخفض الفوايد لاقل شىء ٥% ونستغنى عن الاموال الساخنه وكمان نقدر ننقل ملكيه بعضهم بالدولار زى مصر للطيران والبنوك والشركات الكسبانه والناس هاتكسب حلال وتختار الجمعيه العموميه مجلس الادارة ومسئول امامها سنويا ويتعزل ويتسجن ويتنفخ لو مادارش صح وسعر السهم هوا الى هايحدد بقاء الادارة مش الدوله

يعنى ببساطة حررت الملكية وخلقت نقود جديدة ٩ ترليون جنيه وسددت مديونية محليه هائله والشركات والبنوك هايتم ادارتها افضل وحتى السكه الحديد والبريد وتخلصت من خدمه دين ضخمه وكمان عندك فرصة تقلل الفوابد لاقل درجة سنويا وتقدر تقترضهم تانى بعد مااصبحو لصالح الشركات بالبنوك بس بموافقه الشركات المرة دى

المشكله ان الديون المحليه بتؤثر علينا يمكن زى الدولار لكن مافيش حد يجرى وراها ويقولهم سددوها لا صندوق النقد ولا بنوك اجنبيه ولا سندات فى بورصات دة مال سايب ماحدش بيدور عليه اصلا والديون دى بتحملنا كدولة فوايد قد الموازنه ومستحيل الدولة تسددها الا بالطريقة دى ، انتم مش بتستحرمو فلوس البنوك اهو لقينا حل والاسهم هاتبقى مشاركة اسلاميه بالملكيه وارباح حلال للمساهم ولكل الدوله ونخفض الفايدة علشان الاقراض ييبقى رخيص للمشاربع والمصانع والسلع سعرها يقل ويحصل رواج اقتصادى وماعندك عجز موازنه هاتوفر فلوس للاستثمار بدلا من دفعها فوايد من لحمنا برضه

تخيل فوايد الدين المحلى تقترب من ٢ ترليون جنيه من لحمنا بتتجمع من الضرابب والرسوم يعنى لو وفرنا الرقم دة ووجهناه للتعليم والصحه والنظافه هانبقى فشر اليابان

شركة زى مصر للطيران تخيل لما تبقى شركة مساهمه وتجيب لها عضو منتدب مدير شركة امريكى بفريقة ولا لواءات ولا كوسة ولا مسخرة ، ومع توافر راس المال من حملة الاسهم مصر للطيران تبقى اجمد من طيران الامارات فى ٥ سنين بس وتبقى انت كمواطن بتختار الادارة وكل سنه بالجمعيه العمومبة تقيل مجلس الادارة وتجيب غيرة لو ربح السهم ماعجبك

عاوز تبيع حصه مؤثرة للغير بيع ٤٩% لشركة اجنبيه وحق الادارة يكون من الجمعيه العموميه ايضا يعنى المستثمر لو مش عارف يدير يتم اقاله مجلس الادارة وتغييرة