من الحاجات اللي بتميز المؤمن وبتخليه دايما في حالة من الهدوء والسكون حتى في وسط الازمات انه دايما عينه وباله فالجنة وشاغل نفسه بيها. مهما كان غني وحاله ميسور او كان فقير وحاله متعسر, تلاقيه فالحالتين حاسس انه مش من أهل الارض وانه مسجون فالدنيا وَنَفسُه تتوق وتشتاق الى السماء.
اي حاجة تحصل بيستحملها ويتعامل معاها بشكل سليم بدون مايتعلق بيها سواء كان سراء فيشكر او ضراء فيصبر.
فالوقت اللي حد ممكن يقول “امتى اموت وارتاح, امتى ربنا ياخدني وارتاح من الهم ده” هو بيقول “الواحد اشتاق للجنة, اشتقنا لرؤية الله سبحانه وتعالى, امتى بقا نروح الجنة”
هو بقا متيم بالجنة ومشتاق ليها من كتر ماسمع عنها وعن نعيمها وتفاصيلها وعرف ايه المطلوب والتمن اللي محتاج يدفعه للفوز بيها. هو ذاكر كويس ونفّذ التعليمات المطلوبة منه فكان جزاءه ان ربنا أدخله جنة الدنيا زي ماقال ابن تيميه: “إنّ في الدينا جنة من لم يدخلها لم يدخل جنة الآخرة، قالوا: وما هي؟ قال: إنها جنة الإيمان"
فاللهم اجعلنا من المتقين وادخلنا الفردوس الأعلى بغير حساب ولا سابقة عذاب
وهسيبلك سلسلة راااائعة للشيخ محمد خيري هياخدك فيها في جولة للجنة ونعيمها واللي مستنيك فيها ومتأكد ان قلبك هيتعلق بيها بشكل محصلش قبل كده وهتفكر بعد كده بدل المره الف قبل ماتعمل معصية او تتكاسل عن طاعة ممكن تضيّع منك الجنة
والله المستعان 🌷

سلسلة حدِّثنا عن الجنة | سلسلة هتاخدك من وسط الدوشة والصداع اللي بقا مالي حياتنا لعالم السماء 💚
youtube.com