مساء الخير ، خلطة كيف تكون انسانا قابل للايذاء في الثريد حديك الخلطة اللي تطحنك في مطحنة الاذى :
كلمة ( لا ) برة حساباتك ، وعلى طول موافق على اي حاجة ، يعني لايمكن ترفض اي طلب تحت مبررات بالجملة المهم انك موافق على طول الخط
اي احد يقول عنك اي كلمة تصدقها على طول ، ومسموح للناس مهما كانت صلتهم يعلقوا في لى كل حاجة فيك من غير ماتعبر عن عدم قبولك للي قالوه بكلمة ( انا لااقبل الكلام ذا ولو تكرر حعمل…. ) الحدود سايحة
وقتك واعصابك وافكارك كلها بخشيش على الكل الا انت ، تدور حوالين نفسك عشان ( الرضا ) ورضا مش موجود ولا حيجي اصلا
احلامك وطموحاتك مجلس مناقشة عزومة والكل ياكل فيها ، عاملها بوفيه مفتوح للي رايح واللي جاي
اي شخص مار في سكة حياتك يحاول يحسسك ( بالتقصير واشعال مشاعر الذنب المرضي) وليس الصحي ، تروح تاخذ المشاعر بالحضن من غير حتى ماتسأل نفسك انا فعلا عملت كذا ؟ وهل ابغا اغير ولا لأ؟ لانه من حقك لوحدك قرار تغيير نفسك او لا
تلبس هموم واحزان غيرك ، يعني تسمح لاي شخص يشكي لك همومه في اي وقت حتى لو انت في مناسبة سعيدة تخصك برضة تسيب الفرحة وتعمل من نفسك ( مخدة الاحزان ) وتعيش تفكر كيف تنقذه طب ماتنفذ نفسك الاول !
تدخل في نمط متكرر من العلاقات المؤذية وتخلق لنفسك معاناة ( مازوشية نفسية ) وتفضل تدور في نفس الحلقة المفرغة وتحس انك ضحية طوال الوقت
مصاريفك كلها لغيرك وانت مش موجود على الفواتير غايب عن محفظتك ياما هدايا لغيرك او مصاريف لغيرك وانت لا
القبول بالاقل في كل حاجة ، قبول الفتات من التواصل والفتات من الدعم والفتات من الاهتمام
ولا اي مجهود يبذل عشان نفسك في اعتمادية وتواكلية واستسلام انك لا تتعالج ولا تتغير ولا حتى تفكر ، او تروح للمعالج وفاكر انه عنده ريموت كنترول حياتك مش شخص يساعدك على الوعي وقرار التغيير بيدك المهم انك تشوف مفتاحك ضايع فين
كلامك لنفسك كله تقليل قيمة ونقد ولوم وبهذلة ، ولو شخص مدحك لاسمح الله تقلب عليه او تشكك في صدقه ( ماحضرته تعودت على كله ضرب ضرب 😂) وصارت الشتيمة ( مود )
جاري تحميل الاقتراحات...