رتبها

امبارح كان عيد ميلاد مراتي، اللي هو يوم ٣١/٧ يوم غريب فشخ بس احنا بنقول عليه مميز يعني 😂😂.
الحقيقة احنا لما اتعرفنا علي بعض كنا احنا ال ٢ في وقت vulnerable جدا و كنا عرفين خطورة انني ندخل علاقة جديدة بس هي قالتلي اغرب جملة ممكن حد يقولها رداً علي جملة انا معجب بيكي،

قالتلي for me its win win situation
اللي هو انا شايفاك كويس و عاجبني ف لو نجحنا تمام، لو لأ ف انا كسبت شرف المحاولة و مضيعتش فرصة اني اكون مع حد كويس ( من وجهه نظرها يعني).
و الحقيقة صراحتها المطلقة دي شدتني ليها اكتر و اتفقنا اننا لو كملنا مع بعض ف لازم نضيف لبعض استقرار و نجاح

ف ديما كل واحد بيحط نجاح الشريك بتاعه اولويه عنده اللي هو انا عايزك تكوني ناجحه في شغلك و انا عايزاك تنجح في الكارير بتاعك، عندك امتحان يبقي ده الاولويه دلوقتي لينا .. مثلا اجلنا خطوبتنا ٥ شهور لحد ما اخلص ستيب ٢، بعدها ركزنا اوي اننا نتخطب و ليه لأ منتجوزش

ف اتجوزنا في ٣ شهور بس، حتي وقتها الفلوس جزعت شوية ف يا إما نعمل فرح يا إما نسافر honey moon كويس، ف قررنا نحط الفلوس في سفرية كويسة و سافرنا بالي، لاننا قررنا نعيش ل نفسنا و نعمل زكريات لينا و الفرح بالنسبالنا هيصه زيادة و احنا مش دي شخصيتنا ف مش لازم نعمله علشان غيرنا بيعمله

لما فرشنا الشقة عملناها علي مزاجنا مرحناش جبنا ٥٠٠ الف حاجة ملهاش لزمة و نيش و حاجات زيادة اوي يعني، علشان نكون زي الناس لأ احنا جبنا الحاجات اللي لزمانا بس و فعلا بعد الجواز لاقينا حاجات محتاجنها و جبناها سوا. واحدة واحدة

ملخص الحوار ان الجواز قرار صعب جدا بس ممكن بنجح لو حطيتوا قواعد بتاعتكم انتوا و انكوا تتحكموا في قرارتكم و حتي الخناق يكون ليه إطار محدش يتعداه و اهم حاجة المشاركة و ان الحياة خد و هات و اعملوا ذكريات كتير سوا لانها اللي بتفضل.
And To my partner, another year of loving you more❤

المزيد من هذا الكاتب

مواضيع ذات صلة

الأكثر اعجابا

المزيد من هذا الكاتب

مواضيع ذات صلة

الأكثر اعجابا

فك الثريد