رتبها

« #ثريد_تكتيكي »
↓عن↓
[تحليل فني لأسلوب ارني سلوت]
الثريد يحتوي علي👇🏻
• شرح تكتيكي لاسلوبه مع فاينورد
• شرح نقاط القوه الي قدر يعملها لفاينورد
• شرح تكتيكي للمشاكل الي بتقابله و ازاي بيحلها؟
• واشياء أكثر
ريتويت و لايك و استمتع👇🏻

ارني سلوت في ظل حيازه الكوره
بيلعب (2-3-2-3)
بيعتمد علي تيمبر يدخل كلاعب 8 بجانب ستينجز
وده بيحصل علشان يخلي الباكين هارتمان و جيرترويدا يدخلوا في نص الملعب مع ماتس ويفر
وده علشان يبقوا ثلاثي في نصف الملعب
ويقدروا ينقلزا الكوره بسهوله من مرحله لـ مرحله
التكملة👇🏻

لان لو ويفر لوحده في نصف الملعب
بدون ما يدخل معاه الباكين
هتلاقي ثنائي مهاجمين الخصم
قادرين يقفلوا عليه مسارات التمرير
و هيبقا صعب جدا علي فاينورد ينقلوا الكوره من مرحله لـ مرحله
التكملة👇🏻

ودي صوره لاثبات و كمان توضيح الفكره
هتلاقي سلوت بيلعب (2-3-2-3)
و زي ما بيان تحت الاثنين المهاجمين بتوع الخصم
مش قادرين يمنعوا ثنائي قلوب دفاع فاينورد من أنهم يخرجوا بالكوره
وده لان في مع قلوب دفاع فاينورد ثلاث خيارات تمرير
بالتالي بيبقا سهل عليهم الخروج بالكوره

اول مشكله بتواجه ارني سلوت
وهي قدام اي فريق بيلعب (4-3-3) بدون الكوره
ثلاثي هجوم الخصم بيقدر ساعتها يقفل مسارات التمرير
علي الثلاثي الي بيبقا علي الدائره بتاع فينورد
الي هم و يفر و الباكين
س/سلوت بيحل المشكله دي ازاي؟
ج/👇🏻

الحل أنه بيخلي المحور ويفر أو ايا كان مين موجود
ينزل يبقا كمدافع ثالث مع الاثنين الموجودين
و لاعب الـ(8) تيمبر أو ايا كان مين موجود بينزل يبقا ثالث في نص الملعب مع الباكين
وبكدا هيضمن أنه يقدر ينقل الكوره بشكل أفضل شويه من الشكل الي فات

ودي صوره للاثبات و كمان توضيح الفكره
هتلاقي المحور نازل يبقا كمدافع ثالث مع الاثنين القلوب دفاع
و الباكين داخلين في نص الملعب
و لاعب الـ(8) نازل يعوض مكان المحور
بس في مشكله كمان بتواجهه في نفس الجزئيه دي
س/ما هي المشكله
ج/👇🏻

المشكله أن لو في خصم بيلعب (4-3-3)
بيبقا سهل يخلي الاثنين الي في نص الملعب
يضغطوا علي الباكين
و راس الحربة يراقب اللاعب الي بينزل يبقا كأنه محور
ويخلي الوينجين مسؤولين يضغطوا علي ثنائي الدفاع و المحور الي بينزل يبقا ثالث معاهم
وكل ده بدون ما يتأثر دفاعيا لان حتي ستينجز ممسوك

بس ارني سلوت بيحل المشكله دي بفكرتين
الأولي والي هي البديهيه
أنه يعتمد علي الكور الطويله لخيمينز وهوا ينزلها للي جاي من ورا لـ قدام
الحل الثاني الذكي جدا
أنه بيخلي خيمينز ينزل بجانب ستينجز علشان يعملوا زياده عدديه علي المحور
س/ليه بيعمل كدا؟
ج/👇🏻

بيعمل كدا علشان
يخوف لعيبه و مدرب الخصم أنه يضغط بشراسه
علشان ساعتها ممكن تحصل مشكله للخصم
لان اي حل فردي من لعيبه فاينورد يقدر يوصل بيه الكوره لـ ستينجز أو خيمينز هيعمل تفوق كبير جدا لفاينورد
بالتالي اللعيبه هتتشتت مش هيعرفوا يضغطوا بشراسه ولا لاء
بالتالي هيتخلق عندهم ثغرات

سلوت في مرحله الخروج بالكوره من تحت ضغط الخصم
بيعتمد علي الحارس بيجلو يبقا كمدافع ثالث
و المحور ويفر بينزل لوحده علشان يستلم و يسلم الكوره
لما سلوت بيخلي الحارس يبقا كمدافع ثالث
كدا بيجبر الخصم أنه يضغط علي الثلاثي الحارس والاثنين المدافعين
يضغط عليهم باثنين لعيبه
التكملة👇🏻

لما يضغط عليهم باثنين لعيبه
وكدا هوا خلق للخصم نقطتين ضعف
الأولي أن الخصم لما يضغط باثنين مهاجمين علي الحارس و المدافعين
هتلاقي المهاجمين بيحاولوا يقفلوا مسارات التمرير علي ويفر
وده مش هيحصل
لان ويفر ده مش صنم و لاعب قادر دائما يتحرك بدون الكوره و هوا فاضي و يستلمها بسهوله

يبقا اول مشكله بيخلقها للخصم أن المحور بيبقا فاضي أو شبهه فاضي
المشكله الثانيه أن لما المحور يبقا لوحده
كدا بتلاقي الخصم بيتجبر يضغط عليه بلاعب كمان من الاثنين الي كانوا بيبقوا مراقبين تيمبر و ستينجز
ودي المشكله الثانيه
أن هيبقا في اثنين لعيبه من فاينورد علي واحد بس من الخصم

بالتالي هيبقا سهل جدا علي سلوت الخروج بالكوره
لان الاعب الي مراقب ويفر الي هوا هيضغط عليه اول ما الكوره تتلعب و ويفر يبدء يتحرك
واول ما يضغط عليه هتلاقي تيمبر وستينجز فاضيين
بكدا تكون الكوره لو وصلت للمدافع اليمين يقدر بسهوله يلعبها لـ ستينجز ونفس الكلام لو وصلت للمدافع الشمال

وده gif للاثبات و كمان توضيح الفكره أكثر بكتير من الصور
هتلاقي الحارس لما لعبها للمدافع اليمين
و بدء ويفر يتحرك راح ضاغط عليه لاعب الخصم
وساب تيمبر و لاعب الـ(8) الثاني لوحدهم
بالتالي قدر تيمبر يستلم الكوره و هوا فاضي تماما و يسلمها للباك الشمال
الـ(gif) من الاثليتيك

في مشكله كمان بتواجه سلوت بس
بيحلها
المشكله بتظهر قدام اي فريق يكون هدفه من الضغط
أنه يحافظ علي خطوطه أكثر ما يكون حابب يضغط ضغط عالي شرس
وده شئ بيقابل سلوت كثير أمام فرق كثير من الدوري الهولندي
س/ايه المشكله؟
ج/👇🏻

المشكله أن الخصم الي بيبقا هدفه أنه يمنع سلوت من التدرج بالكوره
أكثر من أنه عايز يضغط بشراسه ويرجع الكوره
بالتالي عادي يخلي الاثنين المهاجمين يبقوا كل شغلهم أنهم يمسكوا المحور ويبقوا معاه دائما
بالتالي زي ما باين مفيش اي ثغره يقدر سلوت يخرج بالكوره منها
س/ايه حل المشكله
ج/👇🏻

سلوت حل المشكله بأنه بقا يخلي الباكين هارتمان و جيرترويدا
يدخلوا مع ويفر و يشاركوا في عمليه الخروج بالكوره
و بكدا ثنائي هجوم الخصم هيبقوا مش عارفين يمسكوا مين ولا مين
لان خلاص بقا في ثلاثه مش واحد
ولو اتضر لاعب من محاور الخصم يضغط
هيسيب تيمبر و ستينجز لوحدهم علي واحد فقط

بس في مدربين كثير فاهمين
لما بيشوفوا سلوت خلي الباكين يشاركوا في عمليه الخروج بالكوره
بيخلوا هما الوينجين بتوعهم يدخلوا مع الباكين بتوع فاينورد
وبكدا يكون برضوا قدر يقفل علي سلوت
بس سلوت بيستغل جوده لاعب عنده و بيساعده في الخروج بالكوره وضرب خط ضغط الخصم
س/مين اللاعب؟
ج/👇🏻

سلوت لما بيشوف الخصم عمل كدا
بيخلي تيمبر و ستينجز الاثنين ينزلوا و يقربوا من ويفر
وده علشان يسحبوا معاهم الاثنين المحاور الي ماسكينهم
وده علشان يستغل قدره خيمينيز ك مهاجم محطه و يقدر يلعب ليه الكور الطويله
و خيمينيز ينزلها بسهوله للي جاي من ورا
لـ قدام

فكره من أفكار سلوت و هي بتحصل قدام الفرق الي بتلعب (low-block)
يعني قدام الفرق الي بتركن الأتوبيس
بيعتمد علي الاثنين الاجنحه يمسكوا الخط
وده علشان يخلي الباكين بتوع الخصم
يقربوا منهم
وبكدا يكون عمل الي عايزه أنه يوسع المسافه بين الباكين و المدافعين بتوع الخصم
س/ليه؟
ج/👇🏻

بيعمل كدا علشان
لما يوسع المسافه بين الباكين و المدافعين بتوع الخصم
يقدروا ساعتها تيمبر و لاعب الـ(8) الي بيبقوا موجود
يخترقوا فيها ويبقوا خيار تمرير مميز لحامل الكوره

ودي خريطه للتطور الي بيعمله ارني سلوت كل موسم في فاينورد
من(2021) الي (2024)
الحاجه الوحيده الي ممكن تدينا انطباع عن حاجه هوا بيعملها
وهي الـ(circulate)
وهي معناها تحريك الكوره بسرعه لفتح مسارات تمرير
ودي تدينا انطباع أنه بيحب يستحوذ علي الكوره و ينقلها بهدوء بدون تسرع

انتهي الثريد🤍
اتمني ينال اعجابكم

المزيد من هذا الكاتب

مواضيع ذات صلة

الأكثر اعجابا

المزيد من هذا الكاتب

مواضيع ذات صلة

الأكثر اعجابا

فك الثريد