إستاجرت في رحلتي الأخيرة
سيارة من أفيس avis بسعر ممتاز
إستلام سالزبورق وتسليم فيينا - النمسا 🇦🇹 -
خلال هذه المدة حصل للسيارة بعض الأضرار :
1. كسر في الزجاج الأمامي ( مدري من وين )
2. حكيت بشجرة وأنا في طريق فرعي وتمخش الصدام الأمامي 🫡
3. تأثرت الربلة ( البلاستيك ) اللي فوق الكفر اليمين بسبب الشجرة الله يهديها 😢
كيف تعاملت أفيس معاي بعد التسليم ؟
ووش سويت أنا قبل وبعد ذلك ؟
حياك 👇🏻

أولا …
لماذا أفيس ؟
أتعامل معاهم من يوم طلعت بطاقة إنفينيت
خصم حتى 35% ومميزات ثانية بالشراكة مع فيزا ؛ تقدر تستفيد من هذه المميزات أيا كانت بطاقتك ؛ الأهم تسجل في برنامج avis preferred
رابط التسجيل بالعضوية 👇🏻
t.me

ثانيا ؛
هذا رد أفيس 🥰 بعد ما سلمت السيارة

ثالثا ؛
أنا دفعت بشكل مسبق بأحد البطاقات
ولما جيت أستلم السيارة
طلبت التالي
1. تأمين شامل ( كلفني 22 يورو يوميا )
2. ترقية إضافية ( هم عطوني أصلا ترقية بسبب العضوية ) لكن لما قال لي ما عندي إلا مرسيدس وتبي تكلف وكلمة من هنا وهناك وأخذتها بسعر ✅
3. طلب مني وديعة 200 يورو فقط

رابعا ؛
سددت الوديعة أولا 200 يورو ببطاقة stcpay وباقي المبلغ صار فيه مشكلة عندي بالسداد ؛ المهم قال لي الموظف ؛ خلاص توكل على الله وراح ناخذها منك إذا سلمت السيارة 🥰

خامسا ؛
لما صار ما صار من المشاكل أعلاه ؛
قلت في نفسي أنا أثق في أفيس لكني لا أضمن جميع موظفيها ؛ وأخاف يتلاعبون في سالفة التأمين الشامل ! أضفت المبلغ المتبقي فقط في حساب stcpay وبعد ما سلمتهم السيارة سحبوا باقي المبلغ فقط ✅
ومع ذلك ؛ غيرت في إعدادات أمان البطاقة 👇🏻
ليش ؟

ليس تهربا من دفع المخالفات مثلا أو دفع أي مبالغ مستحقة ؛ حقهم راح ياخذونه على داير مليم ؛ هدفي فقط تكون الأمور واضحة ؛ يرسلون لي وأتفاهم معاهم مو العكس !
الخلاصة :
1. التأمين الشامل مهم جدا ( لا يرخص عليك )
2. بعض بطاقات فيزا وماستركارد فيها تأمين شامل لكني ما أحب سالفة المطالبات
3. خذ تأمين شامل من الشركة الأم وليس من خلال وسيط مثل رينتال كارز وبوكينق وغيرها
4. اهرب من الشركات اللي تطلب وديعة أو تأمين أو ضمان مرتفع - لا تتعدى 500 يورو -

لو حاب تحجز من وسيط
جرب هذا الموقع وادعي لي
لكن إقرأ بعناية الشروط والأحكام
ولا تنسى ؛
لا تستاجر من شركة تطلب وديعة مرتفعة
بالتوفيق أصدقائي 🤍
t.me