رتبها

مقاطعة الخطوط الجوية الأثيوبية🚫
زي ما احنا عارفين القرن الافريقي بيمر بمرحلة من التوترات لدرجة لو مواطن كشر في وش مواطن هناك ممكن تقوم حرب 🙈
طلعت هيئة الطيران الارترية بيان بمنع شركة الطيران الاثيوبية الطيران لأسمرا بداية من 30سبتمبر2024، فجأة كدة!
-١تابع
#شيرين_هلال

الكل توقع حملة مقاطعة الخطوط الجوية الإثيوبية دي نتيجة التوترات السياسية اللي بين نظام آبي أحمد في أديس أبابا و بين نظام إسياس أفورقي في أسمرة، لكن طلعت القصة وراها قصص إضافية تعالى احكي لك ، أصلها قصة شيقة جدا وسط طقطقة الفشار اللي بتعيشه منطقة القرن الإفريقي😉
-٢تابع

شوف يا سيدي وشوفي يا ستي
في يوم حر تلزيق كدة راكبة إريترية كانت حاجزة
من أديس أبابا لأسمرة اتفاجئت بطاقم الطيارة بيقولها ملهاش مكان عشان في وزير أثيوبي أخد مكانها !!
سعادة الوزير محجزش مقعد لنفسه وقرر يطلع الطيارة فجأة وكان على الطيران الإثيوبي يطلعوا بحل نميس.
-٤تابع

الحل كان طرد الراكبة الأرترية بكل هدوء و لما الفتاة الأريترية حاولت تقاوم الطرد بهدوء اضطر طاقم شركة الطيران المصنفة الافضل في افريقيا لطردها بالقوة و اثناء هذا الاشتباك تعرضت لاصابات!
المهم يا سادة جزء من فيديو الطرد انتشر في السوشيال ميديا انتشار النار في الهشيم فظهرت
-٥تابع

حملة مقاطعة الخطوط الجوية الاثيوبية و عدت حدود إرتريا و إثيوبيا، فوجئنا بالصومال و جيبوتي وكينيا كمان دخلت على الخط!
لحد ما الحكومة استجابت للضغط الشعبي وألغت إرتريا الرحلات الجوية من الشركة لأسمرا
وقالت في بيانها انه بسبب سوء المعاملة "المنظم والمنهجي"للركاب الإريتريين.
-٦تابع

لا طالما منهجي يبقى مقاطعة و منع انا كنت فاكراه تلقائي بس🙈
مش بس كدة
دي هيئة الطيران الإريترية اتُهمت شركة الطيران الاثيوبية بسرقة أمتعة الركاب!
إخص انتوا حرامية !!!!
So bad😜
-٧تابع

طيب تمام يبقى اكيد بيدفعوا تعويضات عشان هما الشركة الافضل في افريقيا بحسب تقييمات سكاي تراكس للعام السادس على التوالي ، لا برضو البيان الاريتري ذكر بأن شركة الطيران الاثيوبية not only بتسرق شنط الركاب but also مبتدفعش تعويضات ، هو كدة غصب و اقتدار
-٨تابع

عادي يعني بجملة البلطجة الاثيوبية
يعني لما على علوكة وأشرف كوخة يعملوا شركة طيران هتبقى خالية من السياسة العامة للشخصية المتنمردة المارقة؟
طيب على كدة بقى اسعارها مناسبة؟
لا أغلى من شركات طيران كتير بس محدش من بتوع التقييمات واخد باله، يمكن واخدين حاجات تانية "بالياسمين"؟!
-٩👇

يا سيدي الفاضل شركات التقييمات محضرتش معانا معاملة أطقم الطيران الاثيوبي دول مميزين بتكشيره اشبه باستقبال حارس جهنم ويا سلام لو انت مصري محظوظ ركبت الاثيوبية من مطار القاهرة يا سعدك يا هنااااك بقى،هتاخد معاملة متشرسة اتوماتيكيا وأكل على الطيارة يجيب المرض دا اذا مخفتش تتسمم
-١٠👇

(الكلام دا عن تجربة مش افتراء) ناهيك عن الطيارات القديمة والكراسي الخربانة!!
لكن بسبب اسطولها الكبير 156طيارة و اللي بيقدر يغطي وجهات دول افريقيا كلها متفوقا على كل شركات الطيران الموجودة في افريقيا ظهرت التقييمات لصالح الشركة!
-١١تابع

بالنسبة بقى للخطوط الجوية الإثيوبية ردت على البيان الاريتري ازاي؟
فعزيزي القارئ برشام السيولة في ايدك جنب كوباية الماية مش ناقصين جلطات:
اسمع دي
-١٢تابع

"نسعى للحصول على توضيحات من هيئة الطيران المدني في #ارتريا ، بعد تلقينا اخطارا بتعليق رحلات الخطوط الإثيوبية إلى #اسمرا، اعتبارًا من 30 سبتمبر القادم ،ونؤكد على إلتزامنا بحل أي مشكلات وديًا وبشكل فوري"
يا راجل مش بتفكرك بحاجة؟!
اه هى اللي انت بتفكر فيها
-١٣تابع

اثيوبيا بتحب المفاوضات دي لعبتها المفضلة عشان تخرج منها عاملة اللي عليها، اللي هو ما انا اتفاوضت اهو عايزين ايه تاني؟
تعويضات مبتدفعش
تنازلات مبتقدمش
تفاهمات مبيحصلش
مراضية مبتسمحش
عقلانية مبتتفاهمش!
طيب ايه؟
-١٤تابع

مفيش يا سيدي نحن في انتظار مزيد من الخساير للشركة البلطجية بعد خسارة الخمس رحلات الاسبوعية بتوع اريتريا ندعي نقول يا مسهل
وكلنا دعم و مساندة لحملة مقاطعة الخطوط الجوية الاثيوبية من اجل نصرة اخواننا في اريتريا و القرن الافريقي تما،
و الله الموفق والمستعان🤲
بقلم
#شيرين_هلال

المزيد من هذا الكاتب

مواضيع ذات صلة

الأكثر اعجابا

المزيد من هذا الكاتب

مواضيع ذات صلة

الأكثر اعجابا

فك الثريد