دخلت صيدليه كبيره فروعها منتشره في انحاء الجمهوريه
و سألت عن منتج معين
الصيدلي قالي لا بقاله فتره مش موجود
قولتله طيب عندك بديل ليه
قالي اه في الايطالي اهو
قولتله طب و ده ايه
قالي ده المصري بضحكه صفرا 😒
بس الطلياني اضمن 😉👇

قولتله : طب ايه رأيك بقي أنا حاخد المصري علشان الكلمتين دوول
اتخض
و تدارك و قال : بصراحه هو نفع ايام المقاطعه 🤔
قولتله : و ايه هي المقاطعه خلصت خلاص و القدس اتحررت 😁😉
ليته اتهزت ل ثانيه كده من المفاجأه و رد
تحبي حاجه تانيه يا فندم
قولتله لا كده تمام 👇٢

و أنا رايحه ادفع قولتله كام قالي ٧٥ جنيه
قولتله طب و الطلياني كان كام قالي ٢٠٠ جنيه
فمقدرتش بقي قولت اكمل عليه
و أسهبت
يعني الاجنبي بضعف المصري و انت عارض الاتنين عندكم و اكيد المصري كويس و إلا صيدليه كبيره زيكم مكانتش باعته
و لولا اني معنديش عقده الخواجه 👇٣

و عارفه ان مش شرط الي بيعمله الخواجه يبقي احسن من الي احنا بنعمله كنت مشيت وراك و خدت الاجنبي
بطلو بقي الي انتو بتعملوه ده و شجعو بلدكم و منتجاتهها عيب بجد
و سيبته و هو قفاه بيقمر عيش 😁
#محدش_يغفلكم