#نعمة_النسيان
الناس كلهم بيشكروا في الحكمة والتجارب والخبرات الحياتية.. ويمكن أكون أنا أولهم! لكن ساعات لما تقعد مع نفسك وتفكر في حياتك، تلاقيها كذا حياة في بعض.. والملحوظ أن كل حياة فيهم بتنتهي بحاجة مش قادرة اوصفها، لكن ممكن نقول عليها "صدمة في وعي الشخص"👇
الناس كلهم بيشكروا في الحكمة والتجارب والخبرات الحياتية.. ويمكن أكون أنا أولهم! لكن ساعات لما تقعد مع نفسك وتفكر في حياتك، تلاقيها كذا حياة في بعض.. والملحوظ أن كل حياة فيهم بتنتهي بحاجة مش قادرة اوصفها، لكن ممكن نقول عليها "صدمة في وعي الشخص"👇
صدمة لما بتعرف حقيقة بتغيرلك نضارة كنت بتشوف بيها الحياة بشكل ما... وبداية كل حياة فيهم، نلاقي فيها حاجة إسمها "غيبوبة وعي".. ما بتكونش حاسس انها قصة غير لما توصل لأخر صفحة.. حياة في علاقة مع شخص.. حياة في غياب شخص.. حياة في مرض شخص.. حياة في قلب العمل..👇٢
حياة بعد معرفة حقيقة مؤلمة.. حياة بعد تغير طبيعة الجسد والسن.. مش دايما بتكون سعيد لما بتلاقي المعرفة..ساعات تقول ياريتني ما عرفت ولا فهمت دايما بيقولوا أن النقيض هو اللي بيعطي المعنى لنقيضه..يعني لما بتشعر بالألم الشديد.. هاتقدر تشعر بالمتعة الشديدةكلما خف الألم خفت المتعة👇٣
وساعات الحكمة تخليك تتفادى الألم.. وانت مش داريان انك بتتفادى المتعة معها! ماينفعش تعيش ملاك في جسد إنسان، ولا ينفع تعيش شيطان بقلب إنسان.. لا تُدمن الحكمة، ولا تستسلم للضعف! عيش إنسان واقبل طبيعتك.. التفكير في الكمال هايتعبك.. فكرة الكمال هي أنقص حاجة فينا!👇٤
لا تتخلى عن الطفل اللي مستخبي جواك.. هو ده اللي بيخلي قلبك ينبض.. ما تصدقش انك كبير وتدخل عليك حيلة ال "ما ينفعش"... أااه لو نقدر ننسى! يمكن يكون النسيان هو أكبر نعمة.. عشان الذاكرة مش دايما بتخدمنا.. الحكمة فيها أبواب كتير.. إختار الباب اللي فيه سعادة وابتسامة👇٥
افتكر كلامي.. فيه أحداث في حياتك هاتنهي حياة وتدخلك على حياة تانية.. ومعاها هاتلاقي نفسك بتتغير..هتشوف في شريط الذكريات، أشخاص كتير عاشوا في جسدك.. كلهم كانوا إنت، لكنهم مش إنت.. كل واحد فيهم كان بيسلم التاني.. لغاية ما وصلت للشخص الحالي! هاتعيش وتتعلم.. بس حاول تتعلم تنسي👇٦
#لاتتخلي_عن_الطفل_إللي_جواك
د.سلوي السوبي
د.سلوي السوبي
جاري تحميل الاقتراحات...