رتبها

«#ثريد تكتيكي»
↓عن↓
[تحليل مباره انجلترا و هولندا]
الثريد يحتوي علي👇🏻
- طريقه انجلترا بالكوره وبدونها
- طريقه هولندا بالكوره وبدونها
- اسباب تغيير هولندا لطريقتهم بدون الكوره
- اسباب ظهور انجلترا بشكل سئ في الشوط الثاني
- و اشياء أكثر👇🏻

- قبل خروج ديباي كومان كان بيعمل فكره جميله جدا باستخدام ديباي
- هنيجي للفكره بس لازم الاول اشرح طريقه الخروج بالكوره بتاعه هولندا
- كومان بيعتمد علي فيربروجن يبقا كأنه مدافع ثالث بجانب فان دايك و دي فراي
- و شخاوتن ينزل علشان يستلم الكوره ويسهل من عمليه الخروج بالكوره

- و تشافي سيمونز و رايندرز اثنين لعيبه تمنيات
- ومعاهم دائما رايس و فودين
- بس باين جدا أن انجلترا بتضغط ضغط عالي مان تو مان ومفيش اي نفس لهولندا تخرج بالكوره
- الوحيد الي بيبقا عنده شويه وقت يقدر يمرر الكوره صح هوا فيربروجن
- وهنا تيجي فكره كومان
الفكره👇🏻

- فكره كومان👇🏻
- وهي أن سيمونز و رايندرز الاثنين يبعدوا المسافه بين بعض
- علشان ديباي هوا الي ينزل بينهم ويقدر يستلم الكوره
- وده لعده اسباب👇🏻
1️⃣الأول
انه يحول نص الملعب من حاله
الي(2v2) الي (3v2)
يعني يعمل زياده عدديه في نص الملعب علي انجلترا

2️⃣والسبب الثاني
- انه يسحب معاه ستونز أو جيهي بس الاغلب بيبقا ستونز الي بيتسحب معاه
- علشان لما يسحب ستونز يسيب جيهي مدافع وحيد
- ويخلق مساحه بينه وبين تريبير و واكر لأنهم بيزيدوا
- ويقدر فيربروجن الي بيبقا معاه وقت يباص براحته
- يلعب كور طويله في المساحه دي او قصيره حتي

والسبب الثالث
-أن لو ستونز متسحبش وضغط علي ديباي
-ديباي هيبقا نازل فاضي تماما وقادر يستلم الكوره بكل سهوله وده الي حصل ف الصوره الي تحت
-من فيربروجن الي مش بيضغط عليه بشراسه زي ما قولتلك
-بس ساوثجيت قدر يمنع الفكره دي في الشوط الثاني وهجيلها قدام
لما اخلص كل افكار الشوط الاول

- ودي شويه صور لإثبات الفكره الي عملها كومان في الشوط الأول
- وعلشان برضوا الصوره توضح اكثر و تتفهم أكثر
- في صورتين من الثلاثه هتلاقي ديباي نازل ثالث مع رايندرز و سيمونز
-وسحب معاه ستونز وفضي وراه مساحه
-و في صوره ثانيه هتلاقي ديباي نازل فاضي وقدر يستلم الكوره زي ما قولت فوق

- ساوثجيت في مرحله الخروج بالكوره من تحت ضغط الخصم
- اعتمد علي بيكفورد يبقا كمدافع ثالث بجانب ستونز و جيهي
- و رايس و ماينو الاثنين ينزلوا علشان يسهلوا من عمليه الخروج بالكوره
س/ليه ساوثجيت خلي بيكفورد يبقا كمدافع ثالث؟
ج/👇🏻

- ساوثجيت اعتمد علي بيكفورد يبقا كمدافع ثالث
- علشان يساعد في عمليه الخروج بالكوره ويبقا لاعب اضافي مع انجلترا وده سبب كلنا عارفينه
- السبب الثاني انه يجبر كومان أنه يخلي لاعب اضافي يدخل بجانب ديباي
-علشان يقدروا يضغطوا علي ثلاثي انجلترا الي بيحضر لعب بيكفورد ، جيهي ، ستونز

- و الهدف الرئيسي من أن ساوثجيت يخلي بيكفورد مدافع ثالث ويسحب لاعب اضافي للضغط الي هو سيمونز
- وهوا اساسا بيحضر لعب باثنين محاور
- يعني هيجبر كومان أنه يضغط بالاثنين المحاور بتوعه شخاوتن و رايندرز
- بالتالي يسيبوا وراهم بيلينجهام و فودين فاضيين تماما في مساحه شاسعه

- ودي الثغره الي اكتشفها و عملها ساوثجيت
لـ كومان
- علشان كدا مشوفناش طوال الماتش هولندا لتحاول تضغط عالي شرس
- لأن كومان مبقاش حل للمشكلة دي

- أنا لو كنت مكان كومان وده مستحيل
طبعا😂
- كنت هخلي الاثنين الاجنحه مالين و جاكبو يقفلوا العمق ويضموا في العمق
- بحيث انهم يراقبوا و يبقوا مع فودين و بيلينجهام
- بحيث أن كمان اول ما الكوره تنتقل علي الطرف
- تقدر اللعيبه تضغط وتكثف اللعب في الناحيه الي فيها الكوره وتسترجعها

- وهي دي نفس الفكره الي بيعملها اي مدرب شاطر
- لما بيلاقي الخصم بتاعه عامل عليه زياده عدديه في نص الملعب أو ان فيه لعيب فاضي من لعيبه الخصم
- ودي صوره من ماتش اسبانيا و فرنسا لما دي لا فونتي اكتشف أن رويز و رودري لوحدهم علي ثلاثي وسط فرنسا
- خلي يامال و ويليامز يدخلوا في العمق

- أنا شايف أن كومان استسلم بسرعه للثغره الي عملها ليه ساوثجيت
- و محاولة يحلها مع أنه لو كان شغل دماغه وفكر كان حلول للمشكله
- ده أنا بنفسي الي علي الله عرفت فكرتين كان يقدر يعملهم😂

- من أسباب ظهور انجلترا بشكل كويس في الشوط الأول
- هو المنتخب الهولندي نفسه و كومان خصوصا
- لان كومان في الشوط زي ما قولتلك كان بيلعب (4-4-2)
- وكان فاكر أن سيمونز الي بيدخل كمهاجم ثاني هيقدر يمنع مسارات التمرير علي رايس
- و ديباي يمنع مسارات التمرير علي ماينو
التكمله👇🏻

- بس شكل كومان مكانش متابع انجلترا بشكل ممتاز أو حتي باقي الفرق
- لأن من البديهيات أن أي مدرب هيحاول يقفل علي محور أو محاور مسارات التمرير
- البديهي أن المحور ده ينزل مع المدافعين علشان يبقا بعيد ويقدر يستلم الكوره بكل سهوله
- وده الي عمله ساوثجيت وعجبني جدا
- التكمله👇🏻

- الي عجبني جدا في ساوثجيت انه حاول دائما ميبوظش البوكس الي بيبقا عامله في نصف الملعب
- يعني لما رايس ينزل كمدافع ثالث
- طبيعي ماينو هيبقا لوحده
- و البوكس الي كان عامله هيتفك
- بس هوا عمل شويه افكار علشان يرجع بيها البوكس بدون ما يبقا من ضمنه رايس
- وساعده في كدا كومان

- الفكره الأولي لما رايس ينزل كمدافع ثالث وماينو يبقا محور وحيد
- أن فودين ينزل بجانب ماينو كأنه محور ثاني علشان يسهل عمليه الخروج بالكوره
- بالتالي بما أن رايس موجود كمدافع ثالث
- كدا واكر ملوش لازمه ورا
- بالتالي بيزيد ويمسك الخط
-وساكا هوا الي بيدخل يكمل البوكس مكان فودين

- الفكره الثانيه
- أن لما بيلينجهام ينزل يبقا كأنه محور ثاني بجانب ماينو علشان يسهل عمليه التدرج بالكوره
- هتلاقي كين بيرحل شويه في الناحيه الي كان فيها بيلينجهام
- الي هي فيها شخاوتن

- والي ساعد ساوثجيت في التدرج بالكوره و الظهور بشكل كويس جدا في الشوط الأول هو كومان
-لأن زي ما قولتلك رايس بقا يرجع ك مدافع ثالث علشان محدش يقفل عليه مسارات التمرير
-بالتالي المفروض الي يضغط عليه مالين
-بس مالين بعيد جدا عنه بسبب خطه
كومان(442)
-ورايس بقا يطلع بالكوره بسهوله

- ساوثجيت بدون حيازه الكوره
- لما بيرجع يركن الاتوبيس وده بيبقا غصب عنه
- لأن اللعيبه بتتجبر علي كدا لما هولندا بتنقل الكوره وتسحتوذ عليها في نص ملعب انجلترا
- المهم هوا كان بيلعب (5-4-1) لما بيرجع يلعب (low-block)
- ساكا بيرجع يبقا كأنه باك يمين
- واكر مدافع ثالث صريح

- ولما لعيبه ساوثجيت بتقدر تنفذ
الـ(Mid-block) الي عايزه ساوثجيت
- بتتحول الخطه
من(5-4-1) الي (4-4-2)
- بتلاقي ساكا بيدخل في مكانه العادي وينج شمال
- و فودين بيدخل كمهاجم ثاني بجانب كين
- واكر بيتحول لباك يمين

- في الشوط الثاني كومان حول الخطه
من(4-4-2) الي (4-2-3-1)
- وده الي كان المفروض يحصل من الشوط الاول اساسا
- و اصبح زي ما باين كل لعيب مسؤول عن لعيب
- و المسافه بين سيمونز و رايس بقت قليله عكس ما كان مالين موجود في الجناح اليمين في الشوط الاول
-وأصبح سيمونز مش مخلي رايس مرتاح

- و كومان لما غير الخطه خلي سيمونز و جاكبو
- الاثنين ضامين شويه في العمق
- علشان يعملوا زياده عدديه في نص الملعب بخمسه علي ثلاثه
- سيمونز و فيرمان و جاكبو و شخاوتن و رايندرز علي بيلينجهام و فودين و ماينو
- وده الي اتسبب في الصعوبه الي شوفناها عند انجلترا في التدرج بالكوره

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد