مش بس كدة احنا نعمل استفتاء على نرجعها ملكيه برلمانيه ونمنح الملكيه لابن الملك فاروق ، وتظل فى عائلته للابد وبدون صلاحيات زى ملك انجلترا كدة ويعيش فى قصر القبه بمخصصات محدودة ومقر اقامه صيفى وشتوى . بالعربى عاوزين نشغل المكان علشان ماحدش يطمع فى الكرسى الى بيجننهم دة ونعمل الحرس الجمهورى يبقى حرس ملكى ومالوش علاقه بالجيش ونخرج كل قوات الجيش من المدن على بعد ١٠٠ كيلو من اى مدينه
#جمعه_الكرامه_المصريه_١٢_٧

طول مامنصب رئيس الحمهورية متاح هايغرى اى عسكرى ابن كلب يعمل انقلاب لكن نحصن الكرسى بالملكيه ونغير الدستور ونفصل الحرس الجمهورى خالص ونعمل لهم كليه خاصه لظباطهم ونبعدهم عن الانقلابين المجانين ويبقى ولائهم لمصر فقط وللحفاظ على الملك والملكية البرلمانيه وبدون اى صلاحيات سوى خطاب العرش ورئيس الحكومه يحلف قدامه وخلاص وكمان الملكية فخامه تجيب سياحة وحراس باحصنه تقف امام القصور ونفتحها للسياحه بدل المعاتيه ماقلبوها مطاعم وشيشه وقهاوى بلدى

القصه دى كمان ممكن تحل مشاكل السودان ونعرضها عليهم يبقى ملك مصر والسودان وبرضه منصب شرفى لكن الادارة لرئيس وزراء منتخب علشان نقضى على موضوع الحكم العسكرى عندهم كمان زى ملك انجلترا كدة ماهو برضه ملك على كندا واستراليا يعنى هوا بيروح يحكم كندا ولا استراليا لكن لقطع الطريق على الفساد وانقلابات العسكر لكن كل دولة رئاسة الوزراء بتحكمها فعليا ويختارها برلمان منتخب

وبكدة نبقى قطعنا الطريق على التيارات الدينيه وعاوزين يديرو اهلا وسهلا يروحو البرلمان ويفوزو ويجيبو رئيس الوزراء والوزارات والله البرلمان سحب منهم الثقة مع السلامه ولا الشيوخ ولا الكنيسه ولا الاعلام هايلاقى حد يعرصوله لان الملك بدون صلاحيات ورئيس الوزراء قابل للتغيير باى وقت بالصندوق او سحب الثقة فبكدة نبقى ضيعنا اهم عقبه بمصر هيا الواسطة والتعريص بمقابل

مش هايكون فى رمز او كرسى يمكن التعريص له لان الكلمه هاتكون للشعب وللبرلمان يختار نوابه وحزب الاغلبية يختار الحكومه ويعرض البرنامج عالبرلمان وسحب الثقة عند اول حركة وسخة ولو الشعب اظهر بس انه متضايق يطلب تغيير البرلمان والحكومه بالانتخابات وبقت دولة مدنيه رسمى فهمى لا هاتبقى خلافة ولا تنظيمات ولا عسكرية والشاطر يشتغل ويخلى الناس تجيبه والاعلام هايهاجم الفساد ٢٤ ساعة

دة كمان هايخلى التخطيط لمصر مركزى لعدة سنوات مش كل معرص يستولى عالحكم يحقق احلامه الوهميه على حساب ابونا ، الخطه تبقى واحدة وكل من يتولى رئاسة الوزراء يحاول يوصل لنتايج الخطة بشكل اسرع لكن مايقعدش يبيض علينا لا هانعمل كبارى بس لا هانعمل مدن مافيش الكلام دة الخطة موضوعه ل٥٠ سنه تعليم وصحة وسلاح وصناعه وكل حاجه