رتبها

«#ثريد تكتيكي»
↓عن↓
[تحليل مباره المانيا و اسباني]
الثريد يحتوي علي⬇️
-طريقه المانيا بالكوره و بدون الكوره
-طريقه اسبانيا بالكوره و بدون الكوره
-سبب اعتماد اسبانيا علي الكور الطويله و ايه الأفكار بتاعتهم في الكور الطويله
-و اسباب البدء بـ ساني
-و أكثر⬇️

- في البدايه مع طريقه التدرج بالكوره بتاعه دي لا فونتي👇🏻
- دي لا فونتي اعتمد علي قوه اوناي سيمون في اللعب بالقدمين
- واعتمد عليه يبقا كـ مدافع ثالث بجانب نورماند و لابورتا
- واعتمد أن فابيان رويز ينزل كـ محور ثاني بجانب رودري
- وده لسببين
س/ما هم السببين؟
ج/👇🏻

- السبب الأول
- أن دي لا فونتي عايز يسحب اكبر كم من لعيبه اسبانيا و يطمعهم في الضغط عليه
- علشان هوا مجهز لعيبته أنه هيعتمد في الماتش ده علي الكور الطويله
- بالتالي لازم يسحب لعيبه كتير من المانيا للضغط
- علشان لما يلعب الكور الطويله يقدر يعمل دربكه في دفاعهم زي ما هنشوف قدام

- السبب الثاني
- أن دي لا فونتي لما يجبر لعيبه كثير من المانيا تضغط عليه
- وكمان سيمون بيبقا مدافع ثالث و نيجلزمان هيحتاج لاعب يبقا كمهاجم ثاني بجانب هافرتز ، علشان يضغط عليهم
- واللاعب ده هو ساني
- بالتالي اتضر كيميتش يضغط علي كوكوريلا
وده السبب الثاني انه يسحب كيميتش للضغط

- ليه دي لا فونتي عايز يسحب كيميتش للضغط
- ببساطه لان دي لا فونتي محضر في دماغه فكره مميزه في الكور الطويله
- مبنيه تمام علي سحب كيميتش
س/ايه هي الفكره بتاعه دي لا فونتي لما يسحب كيميتش
-تنويه بسيط
(أنا كنت حابب اكتب الفكره في نفس الكومنت ده بس علشان تويتر مش سامح بحروف كثير)

- الفكره أن لما كيميتش يتسحب للضغط طبيعي هيسيب ورا مساحه
- وهنا يجي دور موراتا انه يعمل (overload) مع نيكو ويليامز
- علشان الاثنين يسحبوا مدافعين المانيا في الجانب الشمال لأن زي ما قولتلك كيميتش اتسحب للضغط
- بالتالي مش هتلاقي حد يغطي العمق غير كروس بس
- لأن تشان برضوا بيضغط

- وبكدا تكون فكره دي لا فونتي في الكور المرسله علي اليسار و في العمق تعتبر ناجحه وصحيحه
- لان في العمق قدر يسحب المدافعين علي الطرف و كروس يبقا في العمق
- بالتالي اي كوره طويله في العمق هيبقا في تفوق لإسبانيا
- و في اليسار أنا شرحت التفوق

- دي لا فونتي في الكور الطويله المرسله علي الجانب اليمين
- خلي لامين يامال يثبت راوم
- و المره دي كارفاخال هوا الي يعمل
الـ(overload) ويتحرك في ظهر موسيالا ويقدر يستلم الكوره الطويله
- و بكدا دي لا فونتي يبقا مجهز في كل كوره طويله فكره تتلعب سواء في العمق أو علي الطرفين

- علشان تعرف قد ايه اسبانيا كانت معتمده علي الكور الطويله
- هتلاقي سيمون لعب 35 كوره طويله
نجح في 18 كوره طويله
-بينما نوير الي معروف بكثره الكور الطويله و حبه لها لعب 12
و نجح في 7 كور طويله
- دقه نجاح نوير اعلي بفرق بسيط ولكن ده يكمن في أنه لعب كور أقل وجوده نوير اعلي اكيد

- و من أسباب اعتماد اسبانيا علي الكور الطويله
-هي طريقه ضغط المانيا
-لأن المانيا بتضغط ضغط عالي مان تو مان
- و هيبقا في ريسك كبير جدا لو حاولوا يتدرجوا بالكوره علي الأرض
- زي ما باين ساني بيدخل كمهاجم ثاني
- بالتالي كيميتش بيضغط علي كوكوريلا
-تشان و جوندوجان مع رويز و رودري

- نيجلزمان في ظل حيازه الكوره بيلعب(3-1-5-1)
- دائما بيعتمد علي كروس ينزل كمدافع ثالث بجانب الاثنين المدافعين
- الظهيرين بيمسكوا الخط و يزيدوا كأنهم اجنحه
- الوينجات بتدخل في قلب الملعب الي هم في الماتش ده ساني و موسيالا
- علشان يعملوا ثلاثي في العمق ، وده اهم شي في الخطه

- علشان كدا دي لا فونتي كان كل همه وهوا مش معاه الكوره أنه يقفل العمق
- لأنه عارف أن أي ثغره هتظهر في العمق هتعمل مشاكل لاسبانيا
- زي ما باين دائما نيكو ويليامز و لامين يامال بيبقوا ضامين جدا في قلب الملعب
- بس نيجلزمان حاول يلاقي حلول
س/ايه الحلول
ج/👇🏻

- نيجلزمان عارف أن أي حد هيتقفل عليه العمق البديهي أنه ينتقل علي الأطراف ويلاقي ثغرات هناك
- وده الي حصل نيجلزمان خلي دائما ساني يدخل في العمق ويخطف معاه رقابه كوكوريلا
- علشان يخلي كيميتش فاضي بدون رقابه وده حصل فعلا
- وده السبب الرئيسي في ظهور كيميتش بشكل مميز

- الحل الثاني الي عمله نيجلزمان
- أنه في مرحله الخروج بالكوره من تحت ضغط الخصم
- استغل قوه نوير في ارسال الكور بدقه ممتازه
- وخلي كروس يرحل شويه ناحيه الشمال
- وده علشان يفضي مساحه يتحرك فيها تشان ويسحب معاه ويليامز
- بالتالي نوير يلعب الكوره الطويله عند الاظهره

- والي ساعده في كدا زي ما قولتلك هوا انكماش لعيبه اسبانيا في العمق
- و قوه نوير في لعب الكوره بدقه ممتازه و كمان قدرته علي توجيه باقي أفراد المنظومه
- زي ما باين بيوجه كروس ويقوله خد كام خطوه ناحيه الشمال
- علشان تشان يسحب معاه ويليامز
-ويقدر نوير يلعب الكور الطويله علي الطرف

- دي لا فونتي في الشوط الأول بدون الكوره
لعب كالعادة(4-4-2)-(Mid-block)
- أنا بقول في الشوط الأول فقط علشان هوا عمل تفصيله بسيطه في الشوط الثاني هقولها بعدين
-المهم أنه اعتمد علي اولمو يدخل كمهاجم ثاني بجانب موراتا نفس دور بيدري قبل ما يخرج
- و رويز ينزل كمحور ثاني بجانب رودري

- التفصيله الصغيره الي عملها دي لا فونتي في الشوط الثاني
- أنه لما شاف نيجلزمان نزل اندريتش
- خلي معظم الوقت لما اندريتش يدخل في العمق
- يبقا معاه موراتا أو اولمو
- بحيث أن الخطه تتحول
من(4-4-2) الي (4-4-1-1)

- وبعد ما نيجلزمان لاقي الماتش هيهرب منه وخسران(1-0)
- قرر يهاجم لأن معندوش خيار ثاني
- وخلي اندريتش يتأخر ورا شويه
- علشان كدا زي ما باين وبعد نزول توريس و ميرينو و اويارزابال
- رجع الخطه ثاني لـ(4-4-2)
لأن السبب الي اتحولت عليه الخط خلاص مبقاش موجود

- دي لا فونتي في ظل حيازه الكوره
لعب(4-3-3)
- الي هي بتبقا(4-1-5) لما لعيبه التمنيات تبقا في انصاف المساحات
- المهم أن هي نفس الخطه مش بتتغير مهما اختلفت الاسماء
- زي ما باين دي صوره بعد التبديلات
- ميرينو و رويز في انصاف المساحات
- اولموا جناح شمال
- اويارزابال مهاجم

انتهي الثريد🤍
رائيكم يهمني في طريقه كتابه الثريد دي افضل الي هي بدون ايموجهات
ولا القديمه افضل الي هي فيها ايموجهات

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد