للاسف اشوف بالمجالس او هنا بالمنصات هذي، ناس كثير تتجادل من غير مايصلون لفايده..
يا اخي في الحياه لابد تكون النظره اشمل من نظرة الطالب اللي يتمحور رايه حول تخصص معين.
اذا كان التخصص ماليه او استثمار يكون رايه كله متمحور حول الشي هذا، واذا كان في مجال اخر يكون في ذلك المجال فقط

يا اخي ترى للتعبير طرق واساليب كثير غير الانتقاد او التحيز لراي واحد فقط.
فيه مهارات كثيره بس مشكلة الكثير مايدري ان فيه مهارات كثير بس مايطبق الا وحده
ترى نقدر نجمع كل الاراء حول موضوع معين عن طريق مهارة العصف الذهني اللي فيها اجيب كل شي بشرط عدم انتقاد الاخرين، ونستفيد كلنا👍🏻

العصف الذهني ترى مهارة جباره، وفيها اجابيه وتحفيز للتفكير وممتعه
ترى متعتها احلى والذ من متعة الانتصار لرايك الي انت قاعد تتجاهل ءاراء الاخرين عن قصد او دون قصد لانك تبي توصل للي انت تشوفه بشكل حاد
الاسلوب هذا جميل ولاكن فيه اساليب ثانيه اشمل

اسلوب الانتصار لرايك مثل الجذر اللي يبي يوصل لابعد نقطه
واسلوب العصف الذهني هي الجذور كلها تتحرك في اتجاهات مغايره ولاكن بنفس العمق
هذا حاد وهذا شامل
الحاد: يكثر فيه الانتقاد والتحيز و و
الشامل: الانتقاد فيه ممنوع.

الاسلوب الحاد له ايجابياته ولاكن اعرف ان اغلب استخداماته تكون في المدرسه لغرض بحثي
او في العمل (في مراحل متقدمه)
والاسلوب الشامل(العصف الذهني): هذا عادي استخدمه في كل مكان لانه من المراحل الاوليه اصلًا.
وميزته انه يشترط عدم انتقاد اراء الاخرين وبالتالي تقل الشخصنه بين الناس 😊