واخيرا ثريد لشرح كل حاجة بخصوص ONVO TV افخم منصة افلام ومسلسلات علي كوكب الارض
لو بتدور علي ابلكيشن فري فيه اي فيلم او مسلسل او حتي انمي تتخيله وبيخليك تتفرج مع اصحابك سوا في حفلة مشاهدة او حتي لوحدك وكمان من غير ما تضيع النت علي الفاضي واللي بتشوفه تقدر تحفظه عندك والاهم من كل ده مش كل ضغطة زرار يطلعلك اعلان لانه مفيهوش اعلانات تقريبا اتوقع التويتة دي هتفيدك كمل قراية
- السايت ده بيعمل ايه ؟
ابلكيشن تحميل ومشاهدة للافلام والمسلسلات والانمي بيدعم مشاهدة جماعية (بتشوف مع اصحابك في نفس الوقت وتتفاعلو في الشات) مع اوبشن تقدر تخلي اي حاجة بتشوفها تتحمل اوتوماتيك علي الجهاز ومبتضيعش لما تخرج من السايت مش زي المشاهدة الاونلاين بالطريقة العادية فا تقدر تشوف وانت بتحمل بنفس استهلاك النت مش هتشوف مرة وتحمل مرة + ترجمات لاي فيلم او مسلسل لاي لغة وكل واحد يقدر يحط الترجمة واللغة اللي هو عايزها وكل ده بسرعة وكوالتي عالية
- مميزاته
1 بيقدم اسرع واسلس طريقة ممكن تتفرج او تحمل بيها اونلاين بسرعة بتبتدي من 2 ميجا بس علي HD (عميل تورنت بقا مش مربوط بضغط سيرفرات وبتاع فا الاداء حلو فشخ)
2 معدوم الاعلانات واهمهم اعلانات الكليك اللي كل ما تضغط علي حاجة تطلعك من السايت والقرف ده, كل فيلم بتتفرج عليه او تحمله هيطلب فيديو اعلان 15 ثانية بس وبعد كده تشوف براحتك
3 حفلات المشاهدة الجماعية
ودي الميزة الاساسية اللي قايم عليها الابلكيشن بتخليك تشوف الفيلم مع اصحابك مع شات في الحفلة وكوالتي عالية واداء ثابت لان الحفلة مبتبقاش شير سكرين منك ليهم بتبقا معتمده علي عميل تورنت بينكو فا ده بيخليها اسرع واسلس
4 دعم ترجمات لاي لغة في العالم بضغطة واحدة, مجرد ما بتدخل الحفلة تقدر تختار ترجمة ليك ولو معاك حد بلغة تانية يقدر يختار ترجمته الخاصة علي اي فيلم وتقدر تضيف ترجمه من عندك لو حابب
5 التوافر: موجود في اي بلات فورم بتستخدمه - اندرويد - ايفون (خلال اسبوع وهيكون اول ابلكيشن من نوعه في تاريخ الاب ستور بيدعم تحميل ومشاهدة للتورنت) - ماك - ويندوز - لينكس - سمارت تي في (قريب)
6 - الديزاين بتاع الابلكيشن كوول (انا اللي عامله) فا طبعا عشان انا نرجسي بطبل لنفسي بس اتوقع هيعجبكم فشخ وهتحس انك في سايت بريميام
- عيوبه ؟
ممنوع اي محتوي مصري او عربي ومش هتقدر تتفرج منه عليهم , ومع ان الابلكيشن مبيستضيفش علي سيرفراته اي محتوي واليوزر مسؤول عن الحاجة اللي بيتفرج عليها وهو اللي بيجيب المصدر بتاعها واحنا مجرد مشغل فيديو مش اكتر وقانونا في الدول برا احنا مجرد مشغل فيديو الا ان قررنا نبعد عن المشاكل هنا واي محتوي عربي مش هنضيفه عندنا
فيه مشكله مؤقته تانيه ودي نادرة في بعض المسلسلات بس وهي ان ساعات ترميز ضغط الفيديوهات مبيشتغلش علي الموبايل او كروم بشكل عام لكن شغال علي microsoft edge بس عموما لقينالها حل هننزله اخر الاسبوع بس قولنا نلانش دلوقتي
دلوقتي نيجي للزتونه وهي شرح مفصل لكل ميزة وازاي تبدا تحميل او فرجه مع اصحابك وكل الكلام ده
تابع الثريد + هحط هنا تويت للمبرمجين عن الميكانيزم والتكنولوجي اللي شغال بيها الابلكيشن

بسم الله
عشان تخش البارتي بتروح علي اي فيلم او مسلسل انت عايزه وتضغط create watch party وتختار عايز تشوفه لوحدك ولا مع صحابك
هيطلب منك تحمل الابلكيشن سواء ويندوز او موبايل - الابلكيشن خلال ساعات هيكون اوبن سورس علي جيت هاب واي حد يقدر يشوف الكود بتاعه عشان السيكيورتي -
لو اختارت لوحدك هيوديك علي المشغل علطول هتضغط view avilable sources وبعدين الفيلم المجاني (free movie)
بعدها تختار الجودة اللي عايز تشوف بيها وهترجع تلاقي الفيلم بدأ وتقدر بعدها تختار الترجمه اللي حاببها وانجوي يامعلم
- وطبعا زي مقولت اي حاجة بتشوفها بتتحفظ لو موقفتش الاوبشن وكده كده نفس استهلاك المشاهدة العادية بس فيه اوبشن انك تحفظ الفيلم لو حابب ولو مش عايز تقدر توقفه من السيتينجس

لو اختارت انك تشوفه مع صحابك هتدخل البارتي ويجيلك 3 اختيارات
غالبا اللي هيهمك فيهم اللي هو في النص Online watching وده اللي فيه الزتونه لو عايز تشوف او تحمل من تورنت زي ما حكينا في الاول
هتضغط علي online watching بعدها هيقولك اختار السورس هتختار السورس والجودة وبعدها هترجع البارتي وتلاقي الفيلم بدا يحمل
بعد ما تبدا الفيديو تقدر تضيف الترجمة اللي انت عايزها وبتنضاف اوتوماتيك عند اللي في البارتي وكمان يقدرو يحطو الترجمه اللي عايزينها
فيه شات جوا الفيديو مع الفل سكرين ع الشمال تقدر تكنترول وتبعت للي معاك في البارتي - موجود بردو في الاعدادات بتاعة الفيديو تغيير حجم ومكان الترجمة الخ

الاوبشنين التانيين في البارتي اللي هو ال syncing وده لو انت عندك الفيلم واصحابك عندهم الفيلم والابلكيشن مجرد هيظبط الوقت بينكم في حالة ان حد نته ميت وتجربة المشاهدة الاونلاين معاه هتبقا سيئة يقدر ينزل الفيلم الاول وتستخدموها
التاني اللي هو لايف ستريم لو انت عندك الفيلم تقدر تعمل ستريم منه لاصحابك بسرعة وجودة عاليه فشخ لانه ستريم طبيعي من عميل تورنت مش مجرد شير سكرين وبيبقا طبعا سريع وسلس فشخ
بالنسبة للتحميل الفردي او الدونلودز هتلاقي الحاجات اللي انت شوفتها او حملتها موجودة في الهوم اضغط علي المنيو اللي فوق هيطلعلك اللي حملته او عملتله سيف

عموما ده كان اهم النقط اللي موجودة في الابلكيشن دلوقتي نيجي للتحميل
لينك جوجل بلاي
play.google.com
لينك الويندوز هتلاقيه هنا خلال دقايق عما ارفع الابلكيشن
tv.onvo.me
بالنسبة للايفون بنحضرلكو حوار جامد فشخ هيكون موجود خلال اسبوع واللي هيقدر يشغل فايلز التورنت علي الايفون ومن غير ما يتشال من ابل (هشرح ازاي وليه لما ينزل)
بالنسبة للماك واللينكس غالبا بكرا او بعده
نصيحة لو هتشوف من الويندوز استخدم مايكروسوفت ايدج لانه الوحيد اللي بيدعم ترميز الفيديو في HEVC
واخيرا حابب اشكر شباب الاندرويد والاي او اس اللي معايا (براء وعبدالرحمن وعمر) اللي ساهمو في تكوين التحفة الفنية دي
بخصوص قانونية الموضوع واللوجيك البرمجي هنزل تويت للمبرمجين هشرح فيها الميكانيزم وابعاد الموضوع قريب
انجوي

حابب انوه لحاجة مهمه وهي ان الابلكيشن ضخم فشخ واكيد بما ان مفيش كتير شغالين عليه فا حاليا هو لسه تجريبي ووارد تلاقي فيه بعض المشاكل في الاول لحد ما نخلي السيستيم stable - فا ياريت لو قابلك مشكلة تبلغنا
تاني حاجة هيفضل مجاني بالكامل الحاجة الوحيدة اللي هتبقا باشتراك رمزي كمان فتره هي المشاهده الجماعية بما انها بتستهلك ريسورسز كتير من عندنا فا هتبقا فري علي سبيل التجربة اول اسبوع - اما المشاهدة والتحميل لوحدك هيفضل فري وباعلانات شبه معدومه زي ما حكيت
بالنسبه لجودة واستقرار الخدمة زي ما حكيت احنا مبنستضيفش اي كونتنت ولا لينا دعوة بالقصة فبالتالي الميديا دي مش من عندنا ولا بتأثر علي سيرفراتنا دا عميل تورنت بين اليوزرز في الغالب فا هيفضل مستقر مهما كان فيه ضغط عليه بالعكس الويب سايت كله لو وقف من بكرا الابلكيشن هيفضل شغال لانه مش معتمد قد كده علي السيرفرات بتاعتنا
استنو فيرجن الايفون قريب وشرح لقانونية الموضوع من طرفنا والابروتش المستخدم والسورس كود علي جيت هاب
هروح ارفعلكو نسخة الديسكتوب