الميزة الوحيدة فى الاقتصاد المصرى ان معظم اللصوص بمصر من سنه ١٩٥٢ الى الان محتفظين بمعظم ثروتهم فى مصر بشكل عقارات وفيلات وقصور وشاليهات وعربيات وشركات ، ما يتم تهريبه للخارج لايمثل ١٠% من ثرواتهم وليه بقى ؟ لان اغنياء الحرب بمصر من الفساد ومحدثى النعمه مش بيحبو يعيشو خارج مصر فترات طويله لان بالخارج مهما صرف وعاش وسكن بمناطق مهمه هايكون مواطن عادى بل واجنبى تسرى عليه قوانين المساواة ولن يهتم بهم احد ، لكن بمصر هوا عاوز يشعر بانه متميز فوق القانون بعربيته الفاخرة والشاليهات والجى سكيت 🤣🤣 وبمصر بفلوسه بيقدر يخضع الافقر منه ويتحكم بالسلطه والقانون ودة مش متوافر باى بلد غربية او خليجيه حتى ودى يخلينا نتفائل لما نبدا عملية الحساب والعقاب ومش هايقدرة يفكو قصورهم وشاليهاتهم ويهربوها
#جمعه_الكرامه_١٢_٧

يعنى خلال ال٧٠ سنه من ١٩٥٢ كام حرامى او وزير مسئول سابق هرب وعاش خارج مصر يمكن معدودين على اصابع اليد لكن كلهم ماتو وعاشو بمصر زى وزير اسكان مبارك الحوت ابراهيم سليمان وحتى اولاد مبارك مش خلاص مافيش رئاسة ولا ممنوعين من السفر ؟ ليه عايشين بمصر علشان بمصر بفلوسك بتتعامل بصفه مواطن فوق العادة ( شاهد فيديوهات العلمين ومارينا لابناء الطبقه المخمليه عاملين اية ) دول فى اوروبا او الخليج الكلب مش هايفكر يبص لهم ولا هايهتم بيهم

والموضوع دة مهم جدا لان قضايا الفساد الحكومى والسرقه وثروات رموز الدوله من اول ثورة يوليو ١٩٥٢ حتى الان المرتبطه بالفساد السياسى فقط وليس رجال اعمال عاديين او مستثمرين لاتربطهم روابط برجال الحكم هاتكون اهم مورد لسداد ديون مصر لان واقعيا هاتلاقى ان الديون معظمها اتحولت لثروات لفئه معينه بنسبه ٨٠% والباقى للشعب ودة هايغير الوضع وهانقدر نسدد ديون مصر المحليه منها على الاقل ولن يتم استثناء احد

لو تم حصر الاموال المودعة بالبنوك المصرية التى اعتقد تزيد عن ١٠ ترليون جنيه هيا اجمالى اموال المودعين بمصر ستجد ان ٧٠% من تلك الاموال يملكها فقط ١% من الشعب يعنى هناك مليون شخص معظمهم مرتبط بالسلطه بشكل او باخر يملكون ٧ ترليون جنيه وباقى الشعب يملك ٣ ترليون فقط ( من لهم حسابات بنكيه )

ويمكن دة السبب الرئيسى فى الكم المهول من الثروة العقارية والمشاريع المنتشرة بطول مصر وعرضها وفيلات ب٥٠ مليون و١٠٠ مليون وشقف ب١٠ ملايين و٢٠ مليون وكل يوم مشروع اكبر من الى قبلة حتى ان طلعت مصطفى يقول انه يتوقع بيع ٢ ترليون جتيه عقارات 😁😁😁😁 انتم فاكرين سلفستر ستالونى هاياخد فيلا فى مصر فعلا دة شغل دعايه وافلام

وعندك ابن وزيرة الهجرة سابقا الولد الى قتل ٢ وكان شاذ جنسيا دة فى امريكا ، اهو لسة لغاية دلوقتى بيتحاكم ومحبوس على ذمه القضيه واحتمال مايعرفش يطلع منها خالص لكن لو بمصر كان شقلب واركب وخش السجن سنه وقضاة بمستشفى السلام وجابوله حد يكيفه بالمستشفى كمان وخرج تانى يدور على حد ينيله 🤣🤣🤣🤣🤣

احنا مش بنعمل خرق فى القرأن ولا البخارى والامير #محمد_بن_سلمان‌ عملها بالسعودية من ٥ سنين تقريبا لما جمع كل رموز الفساد فى فندق ٥ نجوم واجبرهم يرجعو مليارات واحصاءات تقول انه صادر لخزينه الدولة فوق ٥٠٠ مليار ريال سعودى بالاضافه الى ان رد الفلوس مش مهم علشان الفلوس فقط لكن لردع اى فاسد بعد كدة هاتسرق هاناخد فلوسك ونفضحك ونسجنك