قايز اعذروني ماقاعدة ارد عليكم ،لكن انا كويسة الحمدلله بس مافي كهربا ولا موية وبشحن من الجامع نسبة بسيطة ،الاوضاع عندنا بقت هادية ورايقة والناس اطمئنت بس الصباح كان في اصوات مدافع بعيدة ،محاصرين مافي الا طريق واحد امن للخروج ، باقي الطرق فيها دعامة واشتباكات والخ
قبل امس مشينا بطريق الخزان وقطعنا مسافة طويلة شديد برجولنا ومع الهلع والناس الكتيرة الوضع كان مهلك جدا وبعد ماوصلنا قالوا في اشتباك قدام احسن الناس ترجع ممكن الاشتباك يحصلنا ،فقطعنا المسافة تاني برجلونا للرجوع ، لكن الوضع كان متعب ومهلك والناس كلها ماعارفة تعمل شنو
الوضع كان محزن والله شديد سنار دي كلها عايزة تتفكك قبل ماتحصل الغدارة،والناس الشايله حبوباتهم واجداهم في ظهورهم وماشين واللي شايل بتو ولا ولدو من الاحتياجات الخاصة وماشين برجولهم بالطريق الطويل دا ، مع اني كنت شايله شنطتين بس وحسيت بالتعب كيف هم الحمدلله بس اللهم لااعتراض في حكمك
لكن ع العموم خلاص حردنا النزوح مع التعب والبشتنه حقت اول امس ديك، واليوم الحمدلله قدرت اشحن تلفووني ٦٠،طلعت من سبعة صباحا في رحلة البحث عن بابور وقدرت اشحن في المخبز مرورا بالجامع ومرورا بمخبز اخر🙏🏽🌹
جاري تحميل الاقتراحات...