رتبها

ازيكم يا جماعة ممكن تعملو رتويت قبل تقرو 👇🏻
انا وحده من ضحايا ساندرا ستور زي ما بقولو ..
الزوله دي مفروض عندها بازارها يوم ١٢-١٣ كل قرش عندي انا دفعتو للبازار وكان السبب الاول انها قالت جايبه تسابيح دياب وعامل اعلانات كويسه ف قلت دي فرصة ماركيتينغ كويسة وقالت انها

ماخده للبازار ده ٩٥ متجر واحنا في القروب ما تامين ال ٢٥ بت الصراحة قلبي اكلني لانو مافي اعلانات ولا اجتهاد للموضوع والبازار باقي ليهو تقريبا ١٠ ايام ..قبل كده في وحده طلعت واشتكت لنفس الاسباب ..مره بالصدفه قاعده على انستقرام اشوف ليك ساندرا ف الاستوري بتقول ما حابه اصدمكم

لكن البازار حيتلغي وللاسف ماحنرجع للناس مبالغها كلها بنشوف الصرفناه كم والباقي نوزعو على باقي الناس ؟؟؟؟؟!!!!!
والسبب الدوله وانو اغلب الناس ما مطبقة القوانين والناس ما حتجي و و و قالت انا عن نفسي اقامتي طلعتها لكن الناس ما حتجي بتكون خايفه ؟؟انتي العرفك شنو ! ووينو هو اعلانك

البازار فضل ليهو ١٠ ايام ما شفنا لا اعلان لا شي عشان تقول دفعت فيهو قروشنا .. علما بي اني دافعة قبل ٤ ايام مستحيل تكون اتصرفت فالقروش

ولا اجتهادك عشان الناس دي تعرف بالبازار وتجي
الليله الناس لمن تشترك في بازار عشان دايره ليها مصدر رزق صح ؟ولمن تخت مبلغ معين ما بتحس بخسارتو لانو بتقول بتعوض في البازار ! حاليا بعد ما تلغي اي حاجه تجي تقول برجع للناس بس ما كل القروش ونتحمل الخسارات مع بعض !!؟

انتي حاجه ما قدرها من الاول بديتيها ليه
حاجه ما دارساها من الاول خاشه فيها لشنو
قالت ده قرار دوله وما دوله كل البازرات دي شغاله وعامله تصديق وتصريح واعلانات وامورهم ماشه
انتي بعد استلمتي مبلغك جايه تقولي الكلام ده ؟؟
طالما شايفه بازاركً ده ما ناجح وحاساهو ما حيمشي الغيهو

ورجعي للناس دي مبالغها((كاااملة))
ايوا ونقطه مهمة اي وحده من البنات ديل شايله منها مبلغ مختلف عن التانيه الاكتشناه انو من الاول بدت الطاوله ب ٤ الف شويه عملتها ٣ الف هسي قال مخفضه الطاوله ل ١٥٠٠ وده طبعا لانها ما لقت مشتركين …

ونقطه برضو مهمة قالت اذا عايزين البازار حيكون قااائم م عندي مشكله والمشاركين يجو واي حاجة لكن انا مابقدر اتحكم انو الناس تجي ولالا يعني ده بالبارد بتقول لينا مافي زول حيجي ..بازار باقي ليهو اسبوع لا زول سمع بيهو لا جايبين خبرو ده معناه انا ضمنت قروشي ويلا انتو تتحرقوا ..

.تاني شي شايله مننا مبالغ قدر دي ليه طالما حسيتي مافي زول حيجي الغيهو ورجعي للناس قروووشها وكاامله
قالت مافي الغاء ومافي استرداد قروش ؟؟
انا قلت ليها في ناس ختت قروشها كلهاافي البازار ده ومتعشمه ف البازار انو تعوض
حاليا احنا تقريبا ٢٠ بت فقط مشتركات وكلناااا اتفقنا نلغي البازار

وماعايزينو لانو ما جايب حقو وده تعب ساي وفي ناس للتجهيزات دفعت مبالغ خورافيه اتخيلو الناس دي ما تلقى فائدة في النهاية ؟؟
ده غير اسلوبها الما حلو وبتقول دي الموظفه وبتاع وجايبه ليها المشاكل ساندرا دي احنا لمن بحتنا لقينا انو عاامله مليييون حاجه وبتشيل من الناس عرااابين وما بتديهم

اوردراتهم
طالما انا ماعايزه البازار ده ولا غيري عايزو ترجع قروشنا كاملة وماعندي اااي دخل بخساراتك ..انا بستحمل خسارة متجري من مواد و حاجات مجهزاها للبازار لكن م بستحمل خسارة متجر تاني ومافي زول عندو دخل من الاول طالما ما درستي الموضوع زي الناس مافي داعي تدخلي فيهو

قالت انها ما حترد على زول فينا قبل يوم ٣ ولمن بنقول ليها افتحي القروب واتناقشي مع الناس بتقول القروب حنقعد نتشاكل ساي واي زول حيقول رأى براهو وما بعرف شنو ؟؟؟
هي في وقت دفع المبلغ دايره يلتزمو ليها لكن هسي لا دايره تناقش مع الناس لا دايره ترد ليهم حسبي الله ونعم الوكيل

اخر بازار اشتركت انا شخصيا فيه حصلت مشكلة قبل البازار بي يومين خيرونا انه تواصلو او تلغو اشتراككم وبنرجع ليكم قروشكم كاملة في نفس اللحظة
وهي حضرتها جايانا قبل البازار ب اسبوع فالاستوريهات حنسو فلانه تعمل لينا دعاية واعلان للبازار و فتشو لي زول بتاع بوسترات و ما بعرف شنو

طلعت متعودة تاكل حق الناس😂😂