لو إنت شخص دماغه مليانة زحمة و عشوائية و مش بيعرف ينجز حاجات كتير و مش بيكمل المهام اللي بيبدأها و بيتشتت بسهولة و ممكن مايكملش حاجات كتير عشان زهقان و متضرر؟ ف انا محتاجة أقولك كم حاجة إنت محتاج تعملها عشان ترتب حياتك:
١ - لازم تبقى محدد وقت لكل حاجة بتعملها على مدار يومك،
١ - لازم تبقى محدد وقت لكل حاجة بتعملها على مدار يومك،
أيًا كان نوع الحاجة، حتى إنك تجهز نفسك للشغل الصبح، هتحدد لنفسك هتجهز ف قد ايه، ممكن تكون ٧٠ دقيقة مثلًا ف هتحدد وقت لكل حاجة بتعملها، ممكن تاخد الشاور في ٣٠ دقيقة مثلًا و تغسل سنانك و تضبط شعرك في ١٠ دقايق و تختار لبسك و تلبس في ١٠ دقايق و تحضر فطارك و تاكل في ٢٠ دقيقة،
هتعمل دة على جميع مستويات يومك، الشغل هتحدد لنفسك وقت تبدأ فيه و تنهيه فيه و مهامك في الشغل هتحدد لها وقت و هتقسمها، هتقول مثلًا المهمة الفلانية ممكن تاخد مني ٣٠ دقيقة و هتعمل مؤقت و المهمة الفلانية ممكن تاخد مني ساعة و هتعمل مؤقت، و ماتسيبش نفسك للمشتتات،
سهل أوي تبص على حاجة و تتشتت و تحس إنك عايز تنشغل بيها ف لما دة يحصل؟ عايزاك تقول لنفسك " انا هشوف الحاجة دي بعدين بس هركز على شغلي دلوقتي."
٢ - لازم تبقى بتكتب تفاصيل للحاجات اللي عايز تعملها، ماتسيبش الأفكار في دماغك لإن إنت سهل تنسى الحاجات اللي محتاج تعملها بسبب زحمة افكارك
٢ - لازم تبقى بتكتب تفاصيل للحاجات اللي عايز تعملها، ماتسيبش الأفكار في دماغك لإن إنت سهل تنسى الحاجات اللي محتاج تعملها بسبب زحمة افكارك
٣ - هتبقى محضّر مخطط ليومك من بالليل، هتكتب في ملاحظاتك إنت محتاج تعمل إيه لتاني يوم و هتكتب الوقت اللي هتبدأ فيه الحاجات دي و الوقت اللي هتكون محتاجه لكل حاجة عايز تبدأها زي ما اتفقنا فوق. ماتسيبش نفسك للرياح و تخليها تحركك عشان ف النهاية مابتنجزش حاجة.
٤ - هتحدد وقت لإستخدامك للسوشيال ميديا، مش هتفتحها ف أي وقت إنت عايزه على مدار اليوم عشان هي من أكبر المشتتات لدماغك، ف لازم تبقى محدد وقت لها، الوقت اللي هتبدأ إستخدامها فيه و مقدار الوقت اللي هتستخدمها فيه، مثلًا: انا هستخدم السوشيال ميديا الساعة ٥ العصر لمدة ٣٠ دقيقة و هقفلها
٥ - هتكافئ نفسك لما تنجز المهام و تربط المهام بتاعتك عمومًا بمكافئات زي إنك تخلص اللي بتعمله و تنزل تتمشى شوية أو تقابل صحابك و لو مافيش مكافئات ف بالك، هتعمل الحاجة اللي كنت هتعملها بدال ما تنجز المهمة اللي عندك، انت مثلًا كنت بتقول: انا هحب أقعد أرسم بدال ما أشتغل دلوقتي،
ف انت هتخلي الرسم هي المكافئة اللي هتعملها بعد الشغل و اوعى تخلي المكافئات بتاعتك أكل، ماتقولش أنا هكافئ نفسي ب قطعة كيكة أو هطلب بيتزا أو أيًا كان لإن انت هنا بتعرّض نفسك لإحتمالية إنك تطور " Emotional eating" و دة هيأذيك، خلي المكافئات بعيدة عن الأكل و أي حاجة بتضرك.
جاري تحميل الاقتراحات...