رتبها

خبر حلو ولا وحش !؟ 😏هام جدا
ا--------------------
مصر هتصرف من الاحتياطى النقدى قرابة ال 2 مليار دولار علشان تحل أزمة الوقود .. علشان المواطن مقموص من قطع الكهرباء .. واللى هى بين قوسين ((حاجة فعليا تقرف وتضايق ، وإحنا كمان متضايقين زيك بالضبط .. وبنأيدك فى موقفك الرافض ده))👇

لكن لاحظ ان مصر حرفيا فى وسط معجنة ..
الخريطة اللى حواليك كلها مشتعلة .. وعليك ضغوط اقتصادية .... ولو حرب لبنان كمان اشتعلت بالشكل المتوقع ، فالمنطقة كلها هتدخل فى حرب اقليمية ممكن تجيب ضرف المنطقة بالكامل. 😞
يعنى انت مالفتش نظرك ؛ ازاى عندك أزمة اقتصادية طاحنة👇٢

والاحتياطى النقدى بتاعك بيزيد ووصل لأعلى معدل فى تاريخ مصر ؟؟؟ ...
طب اعمل بحث بسيط كدة وشوف ده معناه اييه ؟؟ ... يعنى اييه دولة عندها أزمة والاحتياطى بتاعها يرتفع !!
شوف الاحتياطى النقدى ده اصلا فى اى دولة لازمته اييه ؟؟ ... وبالمناسبة بيسموه الاحتياطى الاستراتيجى 😎👇٣

ومع ذلك الدولة علشان ترضيك هتسحب من الاحتياطى الاستراتيجى 2 مليار دولار علشان تجيب غاز يجيبلك كهرباء !!! ..
طب هى الدولة ماكانتش قادرة تعمل كدة من الاول !؟ .. لأ طبعا كانت تقدر ببساطة خالص ... لكن ماعملتش كدة علشان ماكانتش عايزة توصل للمرحلة دى👇٤

ماكانتش عايزة تقولك ان الصورة غامقة جدا ... والدولة فعليا فى وسط اتون مشتعل، وبتستعد لما هو آتٍ .. واللى يارب مانوصلوش ... لكن حكومتك وجيشك مش محسسينك بده !!
هيطلع واحد يقول .. طب ماهو المواطن لازم يفهم .. ولازم يبقى فيه شفافية .. ولازم الحكومة تطلع تفهم الناس 👇٥

ولازم تأمن الجبهة الداخلية .. ولازم ترضى الناس .. ولازم .. ولازم .. ولازم ...... وكل الكلام اللطيف ده !
⛔️ لأ مش لازم ....
⛔️ ايوة مش لازم ...
⛔️ فى مواقف معينة مش لازم خالص ..
✅️ أولا .. سيادتك مش مغيب ولا بريالة ... سيادتك قاعد على مواقع التواصل 24 ساعة فى ال 24 ساعة👇٦

ومتابع كل قنوات الاخبار .. وعارف اللى بيدور حواليك كويس جدا .. وشايف دول المنطقة عاملة ازاى .. وشايف جيوش وسفن وبوارج الدول العظمى واقفة فين ... وبتجيلك اخبار العالم كله وانت قاعد مكانك ... فلو انت مش شايف الوضع . ومش فاهم .. يبقى المشكلة فيك مش فى الدولة👇٧

✅️ ثانيا .. مش كل حاجة ينفع تتقال و تتشرح بشكل رسمى …. و العدو دايما بيضغط على الدول بشعوبها ، علشان يا إما يوجهها لمصلحته .. أو يطلع منها بمعلومة يستفاد منها فى حربه ضدك.
👈 يعنى مثلا …. الجبهة الداخلية قبل حرب أكتوبر كانت ملتهبة .. والحراك على اشده ..ومظاهرات فى الشارع👇٨

والسادات كان بيتشتم عيانا بيانا وبيتهموه بالخيانة والجبن .. وكان فيه برضوا اللى بيسخن الناس وقتها من تحت لتحت .. وعايز يعمل بلبلة فى الشارع ..
كان ضغط غير طبيعى على صانع القرار ... وبرغم كدة الدولة كانت ساكتة ..
👇٩

تخيل بقى بنفس المنطق الحالى ، ان السادات لو كان طلع فى خطاب علشان يأمن الجبهة الداخلية ويهديها .. فيقول للناس على اللى كان بيفكر فيه .. وبيعمل اييه بالفعل ... وناوى على اييه .... تفتكر حضرتك كان اييه اللى حصل ...
تفتكر ساعتها كان هيبقى فى حاجة اسمها خطة خداع استراتيجي👇١٠

زى اللى بنحكى ونتحاكى عليها دلوقتى !؟ 😎
أكيد طبعا لأ
ده ماكانش هيبقى فيه حرب أكتوبر من اساسه 🙄
علشان كدة مش كل حاجة لازم تتقال للمواطن
انت فى وقت حرب ووقت الحرب مافيش رفاهية ودلع .. وخصوصا لما تكون حرب مش تقليدية والاكثر انك شايف بعنيك البلاد اللى حواليك بيحصل فيها اييه👇١١

كون البعض بقى برغم كل اللى شايفه؛ مش مصدق .. او مش عايز يصدق ان بلده فى حالة حرب غير لما دانة المدفع تطرشق قدام باب بيته وتهد حيطة اوضة النوم بتاعته ... ده اللى الدولة مش هتسمح انها توصل له ... سواء بمزاجك .. لو غصب عنك .. !!👇١٢

صحيح القافلة تسير على قد احتمال اضعافها ... وماحدش طلب منى ومنك ، إننا نشيل فوق طاقتنا ... لكن كل المطلوب اننا نبقى فاهمين ومستوعبين حجم الأزمة.. وحجم التحدى
.كلام في الصميم وهي دي الحقيقة
#حفظ_الله_مصر
#تحيا_مصر 🇪🇬
د.سلوي السوبي

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد