رتبها

ليه بيقطعوا الكهرباء بالذات وقت الموجات الحاره ؟
ليه فجأه لقينا اخبار من العالم كله عن انقطاعات كهرباء متزامنه مع ارتفاع الحراره بشكل غير مسبوق؟
ليه الكويت قررت تخفيف الاحمال وقت الضهر ؟ برضه زينا ؟ هى غلاسه ؟
هل اللى عندنا ولى و مخاوى ؟ ولا فيه سبب علمى لانتشار هذه الانقطاعات؟👇

كل الاسباب دى هنجاوب عليها فى البوست ده !!
بشكل علمى !!
فى الفيزياء ( الديناميكا الحراريه ) ، ما يعرف باسم دورة كارنو
باختصار كده بتوضح العلاقه بين عوامل كتير من ضمنهم درجة حرارة البيئه المحيطه ، او الجو على انتاج الطاقه الحركيه من الحراره 👇٢

اللى هى باختصار طريقة انتاج الكهرباء من المولدات فى الاصل !
احنا بنحرق الوقود عشان ننتج طاقه حراريه ، ونحولها لطاقة حركيه ، اللى بدورها هنحولها لكهرباء (لو عارف طريقة عمل المولد هتلاقى ده كلام بديهى )
لو بصيت فى المعادله اللى فى الصوره المرفقه هتلاقى 👇٣

T1 = دى درجة حرارة التشغيل ، اللى هى بنحصل عليها من حرق الوقود
T2= درجة حرارة البيئه المحيطه
لما بترتفع درجة حرارة الجو ، ساعتها T2 بتزيد !!
وساعتها الفرق بين الحرارتين بيقل ، بالتالى مفهوم ان الطاقه المنتجه هتقل هى كمان
عشان نقدر ننتج نفس كمية الطاقه المطلوبه 👇٤

محتاجين نزود T1 اللى هى حرارة التشغيل ويفضل الفرق بين الحراره T1 , T2 ثابت ، و يدينا نفس كمية الطاقه المطلوبه ، و ده عشان يحصل ، محتاج وقود اكتر !! وطبعا هيحتاج احترازات للامان اكتر ، عشان ميحصلش انفجار وغيره !!
الوقود الاكثر ده ، يعنى تكلفه اعلى طبعا !!
يعنى بالبلدى👇٥

وقت الصيف ، لما الجو يبقى حر ، تكلفة انتاج الكهرباء بتزيد ، عشان تنتج نفس الكميه !! بينما فى الشتاء ، وقت البرد ، تكلفة انتاج الكهرباء بتقل !!
يعنى الكيلووات سعره فى الصيف ، اغلى عن سعره فى الشتاء !!
اضف لما سبق ان احتياجاتك فى الصيف اصلا اعلى !! لان استهلاكك اكبر !!👇٦

اذن فمطلوب من الانتاج ، انه يديلك كميات اعلى ، وكل كميه منهم بتكلفه اكبر ، وفى نفس الوقت انت مبتدفعش التكلفه العاديه من الاساس !! لان الكهرباء مدعومه بشده !! لو بنتكلم عن مصر تحديدا يعنى !!
انما لو بنتكلم عن العالم كله ، فبرضه ده هيفسرلك اللى بيحصل فى دول يفترض فيها انها غنيه!👇٧

ليه بقى بتقطع الكهرباء رغم ان فيه تحرير لسعر الطاقه برضه !!
لان زى منت شايف ، هو مضطر يدفع اكتر كتكلفه لانتاج الكيلووات ، و عملية الانتاج نفسها ، فيها مشاكل ومخاطر اعلى ، لان مطلوب منه يرفع درجات الحراره بشكل اعلى ، كل ما حرارة الجو ترفع اكتر !! بالتالى طبيعى مع الموجات الحاره👇٨

هيقولك بس وقف يا جدع ، اكتر من كده هيبقى خطر شويه !! وساعتها هيحصل انقطاعات ، وانت تقول هم العالم دى بهايم ؟! ازاى يقطعوا الكهربا وقت الحر !! خلاص يعنى ميحلاش ليهم قطع الكهربا غير وقت الموجه الحاره !!
و ليه يقطعوا الكهربا على الناس وقت الضهر !! ميقطعوه بالليل !!👇١٠

رغم ان العلم بيشرحلك ازاى ده بديهى زى منت شايف !!
وطبيعى ان اكتر وقت هيقطعوا فيه ، هيبقى وقت الذروه ، اللى هو من الساعه 11 ظ الى 5 ظ !!
الانقطاع مرجح انه يحصل اكتر وقت الحر !! مسأله فيزيائيه بحته !!
اللى فات ده كله مش رأى عشان نختلف فيه بالمناسبه👇١١

أى حقيقه علميه ، ربما تريحك لو عاوز تفهم !!
ولاحظ انى بكلمك عن جزء الانتاج بس ، لان التوزيع كمان مشكله اضافيه !!
لو عاوز تكمل فى مسيرتك و حالة الانكار ، مفيش مشكله ، كمل !!
بس ماتبقاش قاعد حاطت رجل علي رجل وتفتي وانت مش فاهم
#حفظ_الله_مصر
د.سلوي السوبي

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد