🔴: ثريد جديد
هذا كان اخر مقطع صوره الرابر الامريكي خوليو فوليو اليوم وكان يحتفل بعيد ميلاده ال26 قبل يطلق عليه النار ويموت…
قصته لها افاق كثيره وهو رابر سمعته سيئه وصاحب عصابات وتاريخه اجرامي، حتى انه بعام 2021 نزل اغنية يضحك فيها على اعدائه الميتين وكانت عباره عن قائمة لهم!!!
"تحت التغريدة بشرح مشاكله وكل شيء تقريباً"

قبل ندخل في تفاصيل القصة لازم نذكر عنصرين اساسيين وهم "Julio Foolio" الرابر اللي مات اليوم، والثاني "Yungeen Ace" عدوه الاساسي واللي بينهم مشاكل ومحاولات قتل وناس كثير راحو ضحيتها والعداوه ذي استمرت لاكثر من 7 سنوات…
الاثنين عايشين في فلوريدا والاثنين عندهم عصابات اجرامية هناك اسم العصابات:
- ATK (Ace’s Top Killers) "عصابه يونغ ايس"
- KTA (Kill Them All) "عصابة خوليو فوليو"
الجوانب هذي مهمه عشان تعرفون المنافسه بينهم وين وصلت وكيف بدات وكيف وصل للقتل والاجرام بين الخصمين…

اول انشطة عصابة ATK "عصابة يونغ ايس" كانت عام 2016 وقتها هاجمو حي عصابة منافسه اسمها Y&R وهي التابعة لرابر اسمه "Y&R موكي" خلال حفلة "صورته اللي فيها فلوس" واطلقو النار هناك بس بدون وفيات…
بعدها عام 2017 عصابه يونق ايس قتلو شخص اسمه "زيون تي جي براون" وهو ولد عم فوليو
هنا ثار غضب فوليو وموكي وقررو الاتحاد ضد العصابة ذي ومن هنا بدأت الحرب تأخذ منحى دموي…

بعد الحوادث فوق صارت عدد من الحوادث بين عام 2018 و2021 بلخصها هنا:
- هجوم على Yungeen Ace ونجاته عام 2018
- مقتل بوس جون احد اعضاء ATK في عام 2019
- مقتل ليل باك احد اعضاء kTA انتقام على قتل بوس جون 2019
- مقتل بيبي اخو فوليو الصغير في عام 2019
- محاولة قتل فوليو ولكن نجا في عام 2021
- تصاعد الحرب الإعلامية بين العصابتين وعودتها للاضواء 2021
هذي بس الاحداث الاساسية وفي بعد عدد ضخم من محاولات القتل واطلاق النار وغيرها بس عشان اختصر لكم الحرب القائمه بينهم

خلال الحرب ذي طبعاً الراب راح يكون له دور وفي عدد من الاغاني بين الطرفين نزلت وكلها عباره عن كلمات هياط واسماء المقتولين وغيرها:
- اول اغنية Who I Smoke” - Yungeen Ace"
كانت عبارة عن اسماء للضحايا من العصابة الثانية وهياط وغيره
- ثاني اغنية When I See You"- Julio Foolio"
هذي الاغنية كانت عبارة عن سخريه من الضحايا وصورها في المقبره!!!
- ثالث اغنية Beatbox Remix" - Foolio"
ايضاً سخرية من العصابة المنافسه
- رابع اغنية List of Dead Opps" - Julio Foolio"
كانت عبارة عن لسته باسماء المقتولين من اعداء فوليو ويسخر منهم!!!
عشان تفهمون اللي حاصل بينهم هم كذا اعداء ومشخصنينها يقتل ويسخر من الضحايا

كذا تقريبا شرحت لكم المشاكل اللي بينهم وكيف هم ناس اقل مايقال عن حياتهم انها بدون قيمه وقتل في قتل وجرائم واستخداف، لكن كيف مات اليوم هذا الشخص ؟؟!
هو امس نزل ستوري على الانستا انه بيحتفل بعيد ميلاده مع اصدقائه وبغباء منه صور الموقع اللي هم فيه وظهر بالخلفيه وهو يدخل البيت للاحتفال، اثناء خروجهم في سياره استهدفتهم واطلقو عليهم عدد من الطلقات اصيب ثلاثه وهو راح للبرزخ…
"هنا مقطع الستوري ومقطع يوضح التحقيق وسيارتهم"

انا حاولت اختصر المشكله بينهم بس لو حابين تشوفون تفاصيلها صاحبي باري تيوب "@barry4reall" مسوي عنهم مقطع من فتره وشرحها بطريقه اسطورية هذا رابط المقطع:
youtu.be

دامكم وصلتم بالقراءة لين هنا احمدو ربكم على نعمة الامن والامان وان مافي مثل هذي الامور عندنا، وهذي حالة انسانية لطفل يحتاج عناية باقي بس مبلغ بسيط منها والمنصة تقبل اي مبلغ عادي، جزاكم الله خير حبايبي