تعليق كتبه متابع ان العقود الاجله ٦ شهور للجنيه وصلت ٦٠ للدولار بعد ٦ شهور ودة منطقى مع وجود سيولة تسمح بتسديد الديون حتى اخر العام وتوفير الاستيراد بقدر كبير لكن هاتيجى المشكلة فى ٢٠٢٥ لان هايكون رصيدك خلص وعليك ديون وفوايد فساعتها ممكن يستبق دى ويبيع شىء كبير بمبلغ يعادل راس الحكمه لان طبيعى انت عندك عجز بميزان المدفوعات بحوالى ٢٠ مليار مع الديون بيوصلو ٤٠ مثلا موجود منهم ٢٣ اموال ساخنه والباقى بيدخل شهريا تحويلت ٢.٢ مليار ، لكن لو خرجت الاموال الساخنه باى وقت هاتقع بازمه بالدولار وقد تضطر لتخفيض الجنيه ورفع الفايدة ٣ سنين كمان وترتفع الاسعار وقيمه الجنيه تقل دة تحول تلقائى اقتصادى نتيجه هيكل مشوه
توصيتى للحكومه بيع مصر للطيران وبيع الوكالات الصحفيه وتسهيل الحصول على تراخيص اعلاميه وكذلك تخفيض ماسبيرو الى ٥ الاف موظف فقط وكذلك ابيع بنك مصر والبنك الاهلى ممكن اسهم بالدولار للمصريين بالخارج الاولويه وحائزى الدولار بالداخل حتى تتطور البنوك ويتطور الجهاز المصرفى والبنكين ومصر للطيران ممكن يجيبو ٣٥ مليار دولار او ٢٥ حاجه فى الرينج ده
وممكن تبيع ٥١ % من الاسهم لمشترى رئيسى لديه خبرة بنكيه كبنك الراجحى السعودى او احد بنوك الامارات كادارة ودة هايفيد الجميع وهايضخو راس مال لفتح فروع وبنوك الكترونيه وهايسهلو حياة الناس جدا والبنوك اصلا هيكلها الائتمانى تعبان من ديون الحكومه لكن لو بعت اسهم هاتجمع فلوس قيمه كل دة
ناخد قيمه الصفقات نسدد ديون والبنوك تتطور والعميل كسبان والبنك كسبان وكلما حقق مكاسب خدت ضرايب وفرق العمله يخلى بنك زى الامارات يستثمر ٥٠ مليار درهم فقط يخلى البنك الاهلى شىء جديد بهيكل مالى منضبط وقيمة الصفقه تسدد بدالها مصرى سداد ديون للبنك لاصلاح هياكلهم الائتمانيه ويحصل بومنج بالخدمات البنكيه الالكترونيه
البنك الاهلى وبنك مصر لديهم اكثر من ٥٠٠ فرع بعضها تمليك واخرى ايجار وعندهم اكبر شبكه عملاء بمصر والخدمات هاتتطور وتبقى الكترونيه كلها لان البنوك دى بتستثمر بالتكنولوجيا اكثر من البنوك المصريه ( البنك الرقمى الذى تم اطلاقه وقع الموقع من ساعتها 🤣)
مش هاتضطر تتعذب بالبنك ٨ ساعات ورقم ٢٠٠ مش و هاتضطر تروح البنك الا مرة كل سنتين وتعمل الكترونى كل حاجع و لو تم عمل هويه رقميه كل مصر هاتختفى مشكله البنوك بالنسبه للمجتمع
لو قام بنك خليجى كالراجحى باعتبارة الاضخم بالمنطقه هاتكون اسرع خطوة نحو الشمول المالى لان كل تطبيقاتهم جاهزة على النظم الحديثه مش لسه هايجربو وتعمل هوية رقميه للناس وهايكون خلال ٥ سنين كل الشعب من سن ١٦ سنه عندة حساب بنكى الكترونى
جاري تحميل الاقتراحات...