رتبها

«#ثريد تكتيكي»
↓عن↓
[تحليل مباره فرنسا و هولندا]
الثريد عن⬇️
-اسباب ظهور هولندا بشكل أفضل من فرنسا في الشوط الاول🎖️◽
-اسباب ظهور فرنسا بشكل ممتاز في الشوط الثاني🔥◽
-طريقه فرنسا بالكره وبدونها⚽◽
-طريقه هولندا بالكوره وبدونها🌟◽
-واشياء أكثر💎◽
⬇️

🔹السبب الرئيسي في ظهور هولندا بشكل أفضل من فرنسا في الشوط الأول👇🏻
🔹إن معظم الوقت المان بتاع رايندرز جريزمان بيكسل في الضغط عليه
🔹يعني رايندرز الي هوا المسؤول الأول في عمليه الخروج بالكره بيبقا في اوقات كثير فاضي
🔹ولو مش بيبقا فاضي فـ الضغط الي بيبقا عليه مش بيبقى شرس

🔹لان زي ما قولتلك جريزمان بيكسل في الضغط ومش شرس👇🏻
🔹وديشامب في الشوط الأول مكانش حابب يجازف وياخد ريسك أنه يضغط بـ كانتي علي رايندرز
🔹لان ده هيسبب ليه ازمه
🔹وهي أن سيمونز هيبقا واقف بين الخطوط فاضي وممكن يعمل عواقب كثير
🔹علشان كدا شوفنا هولندا شكلهم افضل في الشوط الاول

🔹في الصور الي تحت👇🏻
🔹هولندا عايزين يخرجوا بالكوره وبيستعملوا فيربروجن كمدافع ثالث علشان يساعدهم
🔹رايندرز نازل يستلم الكوره بدون رقابه
🔹استلمها وجري بيها في المساحه
🔹لعبها لـ جاكبو وجاكبو انطلق وراح في مواجهه واحد علي واحد ضد كوندي
🔹جاكبو عدي من كوندي وسدد وكانت خطيره

🔹في الصور جريزمان واقف مع رايندرز👇🏻
🔹والكوره مع دي فراي بالتالي لازم رايندرز ينزل علشان يستلم منه الكوره ويحرك اللعب
🔹راح بكل سهوله ساب جريزمان ونازل يستلم
🔹 وجريزمان المفروض يضغط عليه بشراسه علشان يمنعه بس ده محصلش
🔹وشوفنا جريزمان كأنه بيتمشي وراه بكل كسل ورعونه

،🔹وبرضوا من أسباب ظهور هولندا بشكل أفضل من فرنسا هي طريقه فرنسا نفسها بالكوره في معظم الشوط الأول👇🏻
🔹ديشامب في اوقات كثير من الشوك الأول
🔹بقا يخلي تشاوميني و كانتي يبقوا كأنهم باكات
🔹علشان كوندي وثيو هيرنانديز يزيدوا كأنهم وينجات
🔹وفي اعتقاده أن ده هيفيده في حاجتين
هم⬇️

🔹الحاجه الأولي
🔹إن دياشمب كان معتقد أن علشان هولندا بتلعب👈🏻4-4-2
🔹معني كدا أن في لعيب هيدخل بجانب المهاجم
🔹في الطبيعي بيبقا رايندرز الي بيقوم بالدور ده
🔹بس قدام فرنسا قام بيه سيمونز
🔹بس المهم أن في اثنين بيبقوا كأنهم مهاجمين
⬇️

🔹ديشامب عارف ان البديهي لو فيه فريق ضده بيلعب باثنين مهاجمين
🔹ده معناه أن الاثنين المهاجمين هيقفوا قدام المحاور تشاوميني و كانتي ويقفلوا عليهم مسارات التمرير
🔹علشان كدا كان بينزل تشاوميني و كانتي كأنهم باكات
🔹علشان يبقوا فاضيين ويضمن جوده اكبر في الخروج بالكوره
⬇️

2️⃣والحاجه الثانيه
🔹أنه يسمح لـ كوندي و ثيو يزيدوا كأنهم وينجات
🔹علشان رقم واحد يوسعوا عرض الملعب ويفكوا تكتلات هولندا الي ديشامب كان فاكرها هتحصل
🔹ورقم اثنين أنه الباكين لما يزيدوا هيسمحوا لـ رابيو و جريزمان و ديمبيلي يدخلوا في العمق
🔹بس كل ده محصلش
س/ليه محصلش؟
⬇️

🔹الطريقه دي منجحتش بسبب👇🏻
🔹إن رقم واحد السداسي الي بيبقا فوق الكوره بيبقا معزول تماما
🔹عن الرباعي الي تحت الكوره
🔹والمساحات بينهم واسعه ومش قادرين يمسكوا كوره فترات طويله
🔹ورقم اثنين أن لما حد بينزل يستلم بيبقا معاه مان و بيبقا في كذا لاعب مراقبه
🔹وبيبقا شغل فردي فاشل

🔹وهنا نفس النقطه بس في صوره ثانيه👇🏻
🔹تشاوميني و كانتي كأنهم باكات يمين و شمال
🔹ثيو هيرنانديز و كوندي فاتحين الخط وبيزيدوا
🔹علشان ديمبيلي و رابيو يدخلوا في العمق
⬇️

🔹انا حبيت احط صوره كمان علشان اثبتلكوا أن ده حقيقي كان بيحصل لأن الاسلوب ده غريب ومش معتاد
🔹وعلشان مش حابب حد يجي في دماغه حاجه غلط
🔹زي اني جايب صوره واحده وبهبد عليها مثلا
⬇️

🔹وكمان من أسباب ظهور هولندا بشكل أفضل في الشوط الأول👇🏻
🔹إن لما فيربوجن بيبقا كأنه مدافع ثالث علشان يسهل عمليه الخروج بالكوره لانه مميز في اللعب بالقدمين
🔹اوقات كثير كنا بنشوف شاوتن أو شخاوتن بالهولندي علي حسب انت بتحب تنطقها ازاي
🔹بينزل يستلم كمحور ثاني بجانب رايندرز

🔹بالتالي لما شاوتن ينزل بجانب رايندرز كمحور ثاني علشان يسهل عمليه التدرج بالكوره
🔹و بـ كدا بدل ما كان رايندرز لوحده ومعاه مان واحد زي جريزمان وكان بيعرف يهرب منه ويخرج بالكره بسهوله
🔹تخيل بقا لما يبقوا اثنين محاور ايه الي هيحصل؟
⬇️

🔹بالتالي بعد ما كان جريزمان بيبقا مان علي رايندرز
🔹لما شاوتن ينزل يستلم جريزمان مش هيبقى مان علي حد
🔹كل الي هيعمله أنه هيدخل بجانب تورام علشان الاثنين يقفلوا مسارات التمرير علي رايندرز و شاوتن
🔹بس رايندرز و شاوتن مش أصنام وبيتحركوا وبيستلموا الكوره ويسلموها بسهوله في ظهرهم

🔹وزي ما قولتلك فوق
🔹كانتي و تشاوميني مش هيقدروا يسيبوا مكانهم
🔹ويروحوا يضغطوا عليهم علشان بكدا هيسيبوا وراهم مساحه كبيره
🔹وكانتي هيسيب سيمونز فاضي بين الخطوط
🔹والمساحه الي هيسيبها تشاوميني هينزل يستلم فيها ديباي
⬇️

وبرضوا هولندا بدون الكوره👇🏻
🔹كنت بتلاقي اوقات كثير جدا سيمونز مش بيسيب كانتي
🔹بس كانتي ده مش هينفع معاه 10 كمان من سيمونز
🔹عمرنا ما حسينا في الماتش أن كانتي أداؤه قل أو مردوده قل
⬇️

🔹اول حاجه عملها ديشامب في الشوط الثاني👇🏻
🔹أنه لما لاقي سيمونز مش مفيش منه خطوره في العمق وحتي لو فيه كان لازم يغير
🔹خلي تشاوميني و كانتي يضغطوا عادي وميسيبوش رايندرز و شاوتن فاضيين زي الشوط الأول
🔹وكمان خلي رابيو و ديمبيلي يحاولوا بقدر الإمكان أنهم يدخلوا في العمق شويه

🔹خلي رابيو و ديمبيلي يبقوا في العمق
شويه👇🏻
🔹علشان يبقا محاصر رايندرز و شاوتن من كل مكان ويصعب عمليه الخروج بالكوره
🔹وكمان لما هولندا تلاقي كدا هتحاول تخرج بالكوره من الباكات
🔹ودي هتبقا افضليه كمان لـ فرنسا
س/ليه هتبقا افضليه؟
⬇️

🔹الجواب
🔹مثلا الكوره هتروح علي الطرف اليمين عند دومفريز
🔹بالتالي مش هيبقى معاه غير خيارين تمرير هم فريمبونج و ديباي
🔹والاثنين بعيد عنه
🔹ده غير أن فرنسا هتكثف اللعب في الناحيه اليمين مثلا بكذا لعيب
🔹وزي ما قولت مفيش مع الباك خيارات تمرير كتير بالتالي فرنسا هتقطع الكوره

🔹وكمان ديشامب في الشوط الثاني اعتمد علي👇🏻
🔹كانتي ينزل مع تشاوميني كمحور ثاني
🔹علشان يساعد في الخروج بالكوره من تحت ضغط الخصم
🔹بدل ما كان في الشوط الأول بيخلي تشاوميني بس هوا الي ينزل علشان يستلم ويسلم الكوره
⬇️

🔹واعتمد علي ماينان يبقا كمدافع ثالث بجانب صاليبا و اوباميكانو 👇🏻
🔹واعتمد علي رابيو يدخل من الجنب الشمال الي عمق الملعب
🔹علشان يسحب معاه دومفريز
🔹بالتالي لما يقدروا يخرجوا بالكره يبقا في مساحه في الجانب الشمال
🔹يقدر ينطلق فيها ثيو ويشكل خطوره

🔹كومان في الدقيقه 73 نزل ثلاث تبديلات👇🏻
🔹فينالدوم و فيرمان و لوتشاريل جيرترويدا
🔹مكان شاوتن و سيمونز و فريمبونج
🔹نزل فينالدوم بسبب أنه شاف سيمونز تعب بالتالي كانتي هيبقا فاضي اغلب الوقت
🔹علشان كدا نزل فينالدوم علشان يراقبه في كل مكان يروح ليه
🔹بس برضوا كانتي متأثرش😂

🔹وزي ما قولتلك طريقه هولندا مع كومان دائما بدون الكوره بتبقا👈🏻4-4-2
🔹لما فينالدوم نزل كان بيقوم بدور سيمونز في الشوط الأول بدون الكوره
🔹أنه يدخل كمهاجم ثاني بجانب ديباي أو فجخورست لما نزل في الدقيقه 79
🔹وزي ما باين هوا المفروض يبقا مهاجم شمال
🔹بس هوا راح يمين مع كانتي

🔹ودي طريقه هولندا في الشوط الأول بدون الكوره👇🏻
👈🏻2-4-4 بس سيمونز هوا الي كان بيدخل كمهاجم ثاني
⬇️

🔹والتبديل الثاني لـ كومان كان فيرمان👇🏻
🔹وده علشان أن كومان شاف أنه مش عارف يمسك الكوره زي الشوط الأول
🔹وده بسبب الضغط بتاع فرنسا
🔹بالتالي مفيش حل غير الكور الطويله
🔹وفيرمان هوا من افضل لعيبه العالم في النقطه دي لو عايز تعرف ليه ارجع شوف الثريد بتاعي عنه
⬇️

🔹نبذه بسيطه عن فيرمان👇🏻
فيرمان لعب في دوري ابطال اوروبا هذا الموسم👈🏻 7 مباريات
ومع ذلك..
🔹هو المركز الاول في دقه العرضيات
بدقه👈🏻46.2%
🔹فيرمان هو فيرمان هو اكثر لاعب صنع فرص محققة للتهديف في الدوريات السبعه الكبري7️⃣
🔹بواقع👈🏻25 فرصه محققه
🔹واكثر لاعب عمل اسيستات 16 اسيست

🔹 والتبديل الثالث هو لوتشارل جيرترويدا👇🏻
🔹وده علشان ينزل ويدخل في قلب الملعب علشان يسهل عمليه الخروج بالكوره بجانب فيرمان
🔹 وبالمناسبة هوا مميز جدا في الدور ده
🔹لانه كان بيعمله في فاينورد مع سلوت
⬇️

🔹كل التبديلات الي نزلت بتديك دلائل على المشاكل الي حصلت لهولندا فالشوط الثاني الي انا ذكرتها فوق
🔹وكل واحد منهم كان نازل علشان يحل مشكله من المشاكل دي
🔹بس بسبب أن الوقت كان اتاخر
🔹وان فرنسا ركبت نفسيا علي هولندا
🔹والجون الي اتلغي احبط لعيبه هولندا
كل التبديلات مغيرتش شئ

🔹ديشامب بدون الكوره⚽👇🏻
🔹لعب👈🏻4-4-2👈🏻Mid-block
🔹جريزمان بيدخل كمهاجم ثاني بجانب تورام
🔹رابيو جناح شمال
🔹 ديمبلي جناح يمين
🔹اثنين محاور هم تشاوميني و كانتي
🔹الاثنين الباكات ثيو هيرنانديز و كوندي
🔹ثنائي قلوب دفاع هم اوباميكانو و صاليبا
⬇️

انتهي الثريد🤍
اتمني ينال اعجابكم

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد