🔴 مطروح بلا مياة .. أزمة عطش غير مسبوقة في محافظة مطروح تكذب إدعاءات السيسي السابقة .
#ثريد
1- إنتشرت خلال الأيام اللي فاتت مقاطع فيديو لإستغاثات عدد من أهالي مطروح بسبب الإنقطاع التام للمياة في المحافظة بل إن بعض الفيديوهات كانت موجهه للمصريين الراغبين في القدوم لمرسى مطروح علشان يصيفوا بإن محدش ييجي علشان مرسى مطروح مفيهاش مياة .

2- جانب من الإستغاثات اللي سجلها الأهالي بسبب انقطاع المياة .

3- في 16-8-2023 السيسي كان في زيارة لمرسى مطروح وأثناء كلامه مع أهالي مطروح قال إن المحافظة مفيهاش مشكلة أو أزمة في مياه الشرب في حين إن إستغاثات الأهالي وكلامهم بيأكدوا إن الأزمة مش جديدة ودا بيكذب كلام السيسي اللي قاله .

4- الكارثة الأخرى هي إنك كمواطن مقيم في مطروح علشان تحصل علي مياة بتروح لشركة المياة وتشتري إيصال مياة علشان تيجي لك عربية من عربيات الشركة تملى لك خزانات بيتك زي صاحب الفيديو دا اللي بيصور طابور طويل لعدد من أهالي مطروح واقفين في شركة المياة علشان يحجزوا عربية مياة تجيب لهم مياة لبيوتهم.

5- طبعا مصر كلها عايشة حاليا فترة تخفيف الأحمال وجدول قطع الكهرباء .. لكن الوضع في مرسى مطروح مختلف شويتين لأن أهالي المحافظة بينتظروا المياة بجدول وتخفيف أحمال مشابه لموضوع الكهرباء لكن جدول تشغيل مش قطع يعني المياة بتيجي بمعاد دا إذا جات اصلا وجدول التشغيل دا بتعلن عنه شركة المياة في مطروح يوم أه و 10 لأ .. ودا طبعا من أهم إنجازات الجمهورية الجديدة إن مفيش مياة ولا كهرباء
دي نماذج للجداول اللي بتنزلها شركة المياة 👇