انا في الثريد ده هقول انا عملت ايه في ال CV بتاعي اللي عدى ال Screening في جوجل، قبل اي حاجه اللي هقوله ده اللي انا عملته، ممكن يكون صح وممكن يكون غلط وممكن يكون في احسن، بس يعني انا عيشت فتره طويله مع ال CV اتعلمت فيها حاجات كتير هقولها كلها ولو حد عنده نصايح ممكن يضيفها (1)
اولا كذا حد كان سألني على ال template اللي عملت منها ال CV ، هي black and white عادي، ممكن تدوروا على حاجات تانيه لو دي معجبتكوش انا رفعتها على درايف وهسيب اللينك بتاعها تحت التويته دي (2)
انا عن نفسي احتجت اني اعدل على ال template نفسها وشيلت سيكشنز مش مناسباني وحطيت سيكشن قبل سيكشنز، ف انت ممكن تعمل كده انت كمان يعني اعمل customizations لو حابب، ده ال cv بتاعك انت ف شكله زي ما انت حابب اهم حاجه بس يكون فيه كل المعلومات اللي اي شركه محتاجاها عنك (3)
طبعا في commons، زي انك تحاول دايما ال cv بتاعك يبقى bullet points ، وكل bullet point تبدأ ب strong verb، حاول دايما انك تبعد عن انك تحط كلام اكليشيهات اللي هو غالبا في 200 واحد غيرك حاطينه في ال cv، حاول دايما تضيف ارقام، يعني انا عملت او كنت شغال على كذا اللي حسّن كذا بنسبة كذا
حاجات تانيه زي لو GPA اعلى من 3 حطه في السي في لو اقل ممكن تشيله لو حابب، دي كلها حاجات قريت عنها وعرفتها، اللي مقتنع بيه اعمله واللي لا خلاص عديه (٥)
اهم خطوه بقى، في موقع اسمه Resume Worded هحاول اسيب اللينك بتاعه هنا، ده بيساعدك ب انه يقيم ال cv بتاعك against عدد كبير اوي من ال Cvs ويديك سكور لل cv بتاعك، ويديك شوية نصايح free ازاي تحسن ال cv بتاعك وفيه سيكشن paid لازم تدفع علشان يقولك كل المشاكل اللي في ال cv (٤)
المهم بعد ما تخلص كل اللي عايز تعمله في ال CV، ارفعه على الموقع، هتلاقي في الاول الاسكور بتاعك وحش متتخضش كلنا كنا هناك حاول واحده واحده تشوف ايه اللي الموقع بيقولك عليه الاحسن انك تعمله، اللي مقتنع بيه اعمله وعدّله واللي مش مقنع ليك خلاص متعملوش وارجع ارفع ال cv تاني وشوف السكور
حاول تكرر الحوار ده كل ما تبقى فاضي، يعني خليه حاجه تتسلى فيها، كل فتره ارفع ال cv وشوف السكور وحط هدف انك عايز تحسن السكور مثلا درجتين تلاته، خد الموضوع ك تسليه هتحبه (٦)
انا عن نفسي في فترة الجيش كنت بتسلى عليه، يعني لو قاعد مش لاقي حاجه اعملها كنت برفع ال cv بتاعي عليه واحط تارجت ل نفسي مثلا اني عايز احسن السكور بتاع ال cv درجتين او تلاته مثلا، لحد ما تقريبا هو دلوقتي 70 او حاجه كده، ف لو حد مهتم ممكن يعمل كده (٧)
طب لقيت مثلا انك خلاص صلحت كل الحاجات اللي هو قالك عليها for free؟ افضل سيرش عن ازاي تحسن ال cv بتاعك على جوجل او لينكدان مثلا، هيجيلك شوية حاجات commons كده اللي هو بلاش تبقى في اي cv مثلا شوف لو الحاجات دي انت عاملها في ال cv بتاعك شيلها مثلا ( ٨)
حاول تعتبر ال cv ده ابنك مثلا مش فكرة انك تقعد مره تعمله update وتنساه لا حاول كل فتره تحددله ساعه كده تظبطه فيها لان هو مش هيبقى بيرفيكت من اول مره ، مره على مره هتحس انه احسن ( ٩)
اخيراً دي مجرد خطوه في طرق السعي، انت بتحاول تعمل كل حاجه والباقي على ربنا صدقني، بالتوفيق يارب ❤️
جاري تحميل الاقتراحات...