16 تغريدة 553 قراءة Jun 20, 2024
السلام عليكم أنا أحد طلاب دفعة 2024 حصلت على +95 باختبار القدرات فترة النماذج الجديدة
وهنا بنقل تجربتي للي داخلين ثاني ثانوي ومتخوفين من القدرات والنماذج الجديدة 🙌🏼
أهم النقاط اللي بتكلم عنها
•التأسيس / تدريب ( لفظي )
•التأسيس / تدريب ( كمي )
•طرق المراجعة
•نصائح مُفيدة
🌟 تأسيس اللفظي
من وجهة نظري تأسيس اللفظي غير مهم لكن في حال حبيت تاخذ نظرة عن اللفظي ف هذي سلسلة إيهاب يمديك تخلصها بيوم واحد ماتاخذ وقت كثير فقط عشان تلقي نظرة وتعرف وش التناظر وووو
youtube.com
🌟 تدريب اللفظي
مهما مرت سنوات على هذا الثريد لا تدورون مصدر غير إيهاب لأنه يواكب التطورات والأشياء الجديدة اللي تصير بالقدرات ف أياً كانت فترة نماذج جديدة او أجدد منها بتحصلونه يحط التغيرات (دورة إيهاب للفظي ب 150) وهنا بحط لكم طريقة الاشتراك فيها
🌟 تأسيس الكمي
بالنسبة لي كان أكثر شيء متعب واستهلك طاقتي لأني ذاكرت من المعاصر وماكان مناسبني شرح عماد له ف ماركزت عالتأسيس كثير تقريبا خذا مني كم اسبوع لكن بدون تركيز والأفضل أنكم تركزون فيه
🌟 تأسيس الكمي
المصادر المُتاحة له
•المعاصر 8 أو 7 أو أي إصدار ( هذا الي اعتمدته )
•دورة المنصف للتأسيس
•شرح اينشتاين مجاني للمعاصر 7 t.me
🌟 تدريب الكمي
مصادري للتدريب ( دورة المنصف ) وانصح فيها جداً
هذي أكثر خطوة هي اللي بتحدد شطارتك بالكمي بدايتي مع التدريب كانت سيئة جداً بالنموذج الواحد أغلط حول الثلاثين غلط من مُجمل 40 سؤال ف طبيعي جداً بعد التأسيس تحس بصعوبة بالتدريب طبيييييعي
ولا تعيدون التأسيس لأن بيكون مضيعة للوقت تدربو كثير عيدو البنوك لو تقدرون عشرين مره مافي مشكلة عيدو إلى ماتحلون بالنظر
طيب مهما تدربت أحس بصعوبة
عاااادي طبيعي جداً طبيعي أن قياس يجيبون أسئلة غريبة لذلك تدربووو كثير التأسيس مهم لكن لا شيء يُضاهي أهمية التدريب
أنا شخصياً مثل ماقلت تأسيس ماكان زود نهائياً لكن تدريبي كثفت عليه تدربت على النماذج ال 95 مرتين وصار فيه نماذج جديدة تدربت عليها ف التدريب من أهم الأشياء بالكمي
اختبرت قبل التدريب وجبت بالكمي 79
وبعد التدريب ( ماشاءالله) 100
لذلك لو تبون مئوية الكمي عليكم بالتدريب
🌟 طرق المراجعة للفظي
أول شيء راجعت كل البنوك بالأسئلة اللي حددت عليها بالهايلات
ثاني شيء الاختبارات الاختبارات حق دورة إيهاب مهمه جداً تثبتون معلومتكم فيها وعادي مو مشكلة لو غلطتو مو نهاية الدنيا
طيب ماعندي وقت عادي أخذ أخر البنوك ؟ طبعاً لا لأن البنوك مو زي النماذج شيء ثابت
🌟 طرق المراجعة للكمي
عدت البنوك حول 3 مرات أو مرتين ولو عندي وقت عدتها زيادة لأن كل مره أعيدها أصير أحل بالنظر وتصير أسهل علي
كانت مراجعتي بأختبارات المنصف وزي ماقلت أي سؤال ما أعرف له أكتبه بورقة مع طريقته وهذي مره فادتني
وهذي صورة صادفتني لبعض قوانين النماذج الجديدة
🌟🌟🌟🌟نصائح مهمه
اتمنى تقرأونها كاملة والله أنها أهم من أي نصيحة للاختبار
وأخيراً
قال تعالى: {وَأَنْ لَيْسَ لِلإِنسَانِ إِلَّا مَا سَعَى * وَأَنَّ سَعْيَهُ سَوْفَ يُرَى }
﴿ وَفِي السَّمَاءِ رِزْقُكُمْ وَمَا تُوعَدُونَ﴾
رزقنا مكتوب قبل ننولد ماجبتها بالفرصة الأولى تجي بالثانية ماجت فيها تجي باللي بعدها وتقفيلتي كانت ب ثالث فرصة ف لاتيأسون 💗
ولا تنسوني من دعواتكم وجدي أيضاً
وانشروه لعلّ غيركم يستفيد وشكراً للجميع ❤️

جاري تحميل الاقتراحات...