من أساليب التلاعب إلي أشوفها بالناس وألاحظها كالعادة وهم يعتقدون أنفسهم أذكياء ومحد كاشفهم (التشبيه)،دائمًا أقول انتبهوا من الشخص إلي يقولكم أنت تشبهني أنت كأنك أنا ، أنا نسخه منك ، ترا أنت تعتقد أن هالشخص معجب فيك جدًا لكن الحقيقة هو كذاب مابينكم شبه لكن يبي يستخدمك كأدة،كيف؟
الشخص إلي يشبه نفسه بالناس متلاعب ، يستقصد أشخاص بمكانه عاليه ، أو أشخاص يحاول السيطرة عليهم ، وبنظره السيطرة عليهم تنفعه، يعني لو شفت شخص يطبق هالشيء عليك لدرجة مزعجه ومكررة انتبه منه، بل انتبه تندمج معه لدرجة تشوف نفسك فيه وتوصل لمرخلة تتقمص مشاكله وحياته .
لأن هذا هدفه تكون أداة ودرع له من مصايبه وأفعاله القذرة ، هو يعرف نفسه سيئ ومكروه ومنبوذ وعنده نوايا شر للناس ويبي يأذيهم بس يخاف من عقابهم ويخاف يردون له سوء فعله ، لذا يحتاج شخص يحميه ومن هنا يبدأ يختار الأشخاص المناسبين إلي بيكونون درع وحماية له من أخطاءه وعيوبه وشر أفعاله .
يعني يستغلك يا شاطر ما يحبك ولا يشوفك مهم ولا جميل ولا رائع بس نجاسة منه يستخدم هالأسلوب عشان تشعر أنك أنت هو وهو أنت ، فتصير مشاكله وكأنها مشاكلك كمان وتتقمص الدور ، وتصير كأنك تفهم حياته ومشاعره وتخاف عليه يتأذى ويذوق نفس إلي ذقته.
، يعني لو عندك جرح من ناس أذوك وهو يبي يفتعل مشكله مع شخص فيستغل نقطة هالجرح عندك بطريقه غير واعيه منك أنت راح تنظر له وكانك تنظر لحياتك فتصير مشاكله تهمك وسعادته تهمك تخدمه لدرجة تصير عبد له وأنت ما تدري ولا حاس على نفسك ، دفاعك عنه قد لا يكون لأنه فلان بحد ذاته .
ولكن لأنه يشبهك وأنت عشت جرح فتخاف هالجرح يصيبه هو كمان ، لدرجة أنه يعبر عن حقده وغيرته وحسده للناس قدامك وأنت تتعاطف معه وترحمه وتقول في نفسك بكل غباء يا إلهي مسكين انحرم من أشياء كثير وضعيف محد ساعده وعانى كثير، هذا كله وهم يوصله لك وكذب وخداع عشان يستخدمك لصالحه.
يستخدم مشاعرك وتعاطفك ، وهذا كله ببساطه لما يشبهك فيه وينشب لك بحلقك أوه كأنك أنا ، الناس يقولون إننا نشبه بعض ، يقولون إني طالعه أو طالع عليك ، هذه كلها عبارات استغلال لمكانتك ، محد يشبه أحد ومحد يحق له يشبهك فيه ولو صار هالموقف معك انتبه من الشخص الي يشبهك فيه .
وركز على تصرفاته زين وتذكر إنه انسان مختلف عنك له مشاعره له سلوكه له فكره الخاص وله مشاكله الخاصه بعيد عنك ، انت مو مضطر تنظر له وكانه نسختك لدرجة تنسى نفسك ومشاكلك ومين أنت وتصير حياتك كلها عبد له تدافع عن أخطاءه ومصائبه وتحميه ومو واعي بأنه مخطئ ويفعل أشياء غلط.
ويتقصد أنك أنت الأداة، ما يتعاطفون معك ولا يهمهم أمرك ولما يستخدمونك ضد أعداءهم أو ضد الأشخاص إلي يبون يأذونهم عن طريقك ، تلقاهم يهربون ويتخبون وما يقدرون يواجهون جبناء بالفطرة ، لدرجة لو يتأذى هالشخص إلي يشبهه ما يهمه لو ينضرب أو ينهان ما يهمه لأنه ما يشوفه كإنسان ولا يشبهه…
هو فقط يشوفه أداة وما عنده أي إحساس أو ضمير لما صابه لأنه أصلًا ما يحبك ، هذا تلاعب يجهله الناس ويجهل ما يوصل له ،شفت كثير طبقوه وكنت أشفق على الأدوات وعلى الجبان نفسه قد ايش مسكين ما يقدر يتكلم ولا يناقش الناس،عنده اعتلال اجتماعي وعاطفي منبوذ ويعرف محد يحبه ومحد يهتم له.
وغبي بكسب الناس فيستخدم الحيلة ظنًا انه نجح وفاز ونال شيء، لكنه ما هو واعي بحاله وضعفه، يعتقد انه ذكي ومتمكن ويعرف يلعب بهدوء ويحصل على احتياجه بهدوء أشفق عليه لأن حاله واحد ولا تغير طول عمره ولا ينضج ولا يتقدم ضعيف حياته كلها يعيشها بالحيله إنسان منافق لا يعرف المباشرة والصدق.
يخاف التعبير عن نفسه يخاف أن تظهر حقيقته فتحبط ألاعيبه يعرف إن محد راح يتقبله لو انفضح، ولكن لأني أعرف هالعينة والحيل والألاعيب كمختصه من واجبي أوضحها وأحميكم منهم لأنهم بيجرونكم لإيذاء الناس وظلمهم وإذلالكم ونقص هيبتكم ومكانتكم.
لا ترضى بتشبيه شخص أقل منك قيمه ومكانه عشان ما يجرك للأسفل معه وتصير بلا قيمه عشانه،وعشان ما تساعده على إيذاء إنسان دعوته تلحقك أنت وهو ،لاتظلم نفسك وتنزل لمستواه.
الرافضين لصحة كلامي،لأسباب:
-إنعدام وعي (مازال يتم استخدامهم)
-أشخاص ولله الحمد ما صابهم شيء الله يحفظكم.
-الأشخاص السامين برأسهم فضحتهم وزعلوا مني(زعلكم ما يهم)
طيب تفضلوا أقل حاجه اكتبوا في بحث تيك توك (التلاعب)وشوفوا الأشياء المهولة والحقيرة إلي ينشرونها وكله نابع من نقص فيهم.
-إنعدام وعي (مازال يتم استخدامهم)
-أشخاص ولله الحمد ما صابهم شيء الله يحفظكم.
-الأشخاص السامين برأسهم فضحتهم وزعلوا مني(زعلكم ما يهم)
طيب تفضلوا أقل حاجه اكتبوا في بحث تيك توك (التلاعب)وشوفوا الأشياء المهولة والحقيرة إلي ينشرونها وكله نابع من نقص فيهم.
تفضلوا هذا أحد الحسابات تفرجوا عليهم شوفوا كيف يعلمون الآخرين كيف تكون سام ، شوفوا كيف يخلون علاقاتكم تتفكك ويستقصدون الضعفاء لأنهم حمقى ما قدروا يكسبون الناس براحه وبساطه ، فيستخدمون أساليب التلاعب (منها الفراشة، ومنها الفارس الأبيض،والعديد…) مسوين لها مسميات بعد.
هذه حرب فكرية يا أحبابي ،ناس كثير خسروا علاقات كثير كانت حلوه وسببت لهم اضطراب، بس لأن شخص يحسب إنه داخل يتثقف في علم النفس، لكن فجأه يدخل لغة الجسد بعدها للتلاعب بعدها علم الطاقة ويبي يكون مسيطر،أوهام مالها وجود ولا قيمة إلا إنها تدمر راحة الناس وأمانهم وتدمر الأسر والصداقات.
ومحد يحس بهالشيء ويسعى لهذه الأمور ويطبقها إلا ضعيف الشخصية لأنه فاقد للقيمة،ومنها يطبق على خلق الله ويتأذون منه وهو مستانس،يظن ويعتقد أنه ذكي ،بس ما يدري إنه مضطرب ويحتاج علاج وإنه ضحية هالهجوم الفكري المضطرب المعادي للمجتمع،معادي للعلاقات الجميلة النقية.
فلما أوضح لكم واحد من أنواع التلاعب مو عشان تسيؤون الظن وتخافون،بل تحذرون عشان ماتمرضون، أنتم ما تعرفون العدد المهول المتابع لهم،ولا تعرفون المرضى وش صابهم،أشياء مغيبه عنكم،بل بعضها مجرد بداية عشان يجرونكم للشرك ثم الكفر،ترددت كثير قبل أنشر لكن صار لهم حسابات بتيك عيني عينك.
تدرون ملاحظة شيء كمان،لما أرد وأنفي هالتصرف في تك توك ينحذف تعليقي تلقائي من النظام،علمًا بأنه مو سب فقط تنبيه،وألاحظ كل ما عملت لهم بلاغ يرفض بلاغي ،هذا إن دل يدل على إنها حرب فكرية الهدف منها تفكيك الأسر والعلاقات النقية،كمجتمع عربي مسلم نعم احنا مستهدفين لأن دينا يقوينا.
جاري تحميل الاقتراحات...