وصفة سحرية لحكم شعب لعقود كاملة بلا وجع دماغ :-
١-مش محتاج حزب سياسي ولا مشروع سياسي يلم اطياف كاملة من المجتمع وراك ؛ انت محتاج برنامج اجتماعي حزبي يوفر اكل وشرب وقت الانتخابات ويلم جيوش كاملة من الناخبين والمُبايعين على السمع والطاعة .. وهتسميها (تكافل وكرامة) او اي حاجة من دي
١-مش محتاج حزب سياسي ولا مشروع سياسي يلم اطياف كاملة من المجتمع وراك ؛ انت محتاج برنامج اجتماعي حزبي يوفر اكل وشرب وقت الانتخابات ويلم جيوش كاملة من الناخبين والمُبايعين على السمع والطاعة .. وهتسميها (تكافل وكرامة) او اي حاجة من دي
٢-أقفل المجال العام قدر الإمكان قصاد الكفاءات ؛ ده هيخليهم يهربوا زي الكفاءات الطبية والعلمية والعيال التوتو الملكي دي ؛ غصب عنهم هيسافروا وغصب عنهم هيبعتوا لأهلهم مصاري .. واللي معاه يدي اللى ممعهوش .. كده كده تحويلات المصريين من برا هتبقى اضعاف اي مورد تاني ..
٣- محتاج عمالة رخيصة منخفضة التكلفة ؟!
الفقر والجوع والعوز والمجندين وضيف عليهم استغلال المهاجريين هيوفرلك عمالة رخيصة ؛ معظمهم بلا حقوق سياسية ومنخفضي التكلفة ومُطيعين لأنه لو مأطاعش فهيرجع يواجه كوابيس بلده او يبقى خاين لمصر لو كان مُجند ؛ دول هيدوروا الاقتصاد المحوكم والمحلي
الفقر والجوع والعوز والمجندين وضيف عليهم استغلال المهاجريين هيوفرلك عمالة رخيصة ؛ معظمهم بلا حقوق سياسية ومنخفضي التكلفة ومُطيعين لأنه لو مأطاعش فهيرجع يواجه كوابيس بلده او يبقى خاين لمصر لو كان مُجند ؛ دول هيدوروا الاقتصاد المحوكم والمحلي
٤-كسر عضم الطبقة المتوسطة بزيادة تكاليف الضروريات قبل الرفاهيات .. ده هيخلقلك شعب جعان بيلف في ساقية عايش بيطحن والشعب الجعان بيدور على الدقيق والقمح مبيدورش على حقوق سياسية ولا عقد اجتماعي .. لازم تكثف الثروة في يد قلة معدودة وفوق ومصالحهم مترابطة معاك على قد ما تقدر ..
٥- الطبقة العُليا من النخب ورجال الاعمال لازم يتكسر عنيها ؛ ورطها على قد ما تقدر في اعمالك المحلية والاقليمية والدولية ؛ لازم تركز على ان المركب يبقى واحد علشان لو غرق ياخد الكل ؛ الكل هنا مقصود بيها كل النخب العُليا ..
اعطي امتيازات ومساحة كبيرة اوي وصدرهم في الصورة معاك .
اعطي امتيازات ومساحة كبيرة اوي وصدرهم في الصورة معاك .
٦-طبقة وسطى في شتات ؛ طبقة ثرية مكسور عنيها ودقات قلبها بتزيد مع كل اخفاقة خايفة من مقاصل اشبه بالثورة الفرنسية ؛ وطبقة فقيرة في مصر فيها الرمق على تحويلات عيالهم من الخارج .. النموذج ده نموذج شبكة اجتماعية ممزقة تقدر تركب عليها اي منظومة واي عقد اجتماعي كيف ما بدك ..
٧- ده هيخلقلك استقرار على المدى المتوسط ؛ اسعى لإستدامته .. الطعنة دائماً تأتي بالقرب منك ؛ لو عندك مؤسسة امنية مقلق منها اخلقلها بديل .. ميلشياوي بلطجاوي أياً يكن .. لازم بديل .. علشان لو حد جلّى فلّبس الميري وهما هيبقوا سندك لأنهم مماليكيك انت سبب وجودهم ومحدش هيسمي عليهم بعدك
٨- اكسر دايرة المستقبل قدر الامكان ؛ واجعله غامض على قد ما تقدر ؛ بحيث ان وجودك على رقبتهم ورقبة اللى خلفوهم هو انسب وأفضل وأسلم خيار ..
بالنسبة للتحديات الاقليمية فدي تكنسلها على قد ما تقدر ؛ أي هزة كده ولا كده ممكن تسببلك تصدع .. استنى الجبس لما ينشف ..
بالنسبة للتحديات الاقليمية فدي تكنسلها على قد ما تقدر ؛ أي هزة كده ولا كده ممكن تسببلك تصدع .. استنى الجبس لما ينشف ..
-فمتدخلش حروب ولامعارك سياسية ولا اقليمية ولا اي دور سياسي حيوي في محيطك .. خليك دايماً في خانة رد الفعل واتخاذ اقل الاختيارات خطورة .. منها بتحافظ على نظامك وبتحافظ على فراخك وسير وديمومة منظومة التبييض والتصدير .. ده لا يمكن يحصل لو تبنيت اي سياسة غير "الحبال الطويلة مع الكل" .
٩- شوف ما قبل دولتك اتأسس عليه واكسره .. فيه دولة اتأسست على عقد اجتماعي قايم على الضرايب و الديكتاتورية -الولاء المُطلق- مقابل الأمن والتكافل الاجتماعي .. اكسره .. أعلن انك برا عنك مش شغلك ولا يخصك .. متشيلش غلطات غيرك .. غيرك فشل وسقط وأنت بتأسس لدولة جديدة بعقد جديد .
١٠- لو فيه عقد اجتماعي اقدم قايم على فكرة احتكار العنف مقابل سيادة القانون .. اكسر القاعدة دي والعقد ده ..مفيش قانون .. حسس المواطن انه ممكن يتخطف ويعفن في السجن والقانون ده يبله ويشرب ميته انزع عنه صفة المواطنة اصلاً لو فكر ان الكلام ده بقى ينفع ،وزع ممارسي العنف على قد ما تقدر.
١١-لازم المواطن يحس بالطبقية وان مبقاش له حق وركيزة عندك ؛ بل هو تابع لك بمقابل الأمن والسلام المحيط بمصلحته الفردية اللى بالكاد بتوفرله اكل وقتها هيفقد حتى التعاطف مع اي قضايا محيطة وهيبطل عدوى الثورات دي او حتى يتضامن مع جاره على اول الشارع اللى جاله قرار ازالة لبناء محطة بنزين
١٢-لتركيع شعب عليك تفكيره دايماً بالعصا .. انا اقدر وانا بإمكاني .. أستمر على النغمة دي قدر الامكان .. وفي سبيل ده أي معوقات اسحقها .. اي مظهر تراثي او جمال او حضاري بيرسخ صورة قديمة معينة بددها .. الوعي الجمعي لازم يتغير والصورة التاريخية كمان لازم تتغير ..
١٣-والجزرة انه يحلم بثبات جزئي للقيمة الشرائية لعملته ؛ حتى لو على حساب تبديد موارده او تأجيرها او بيعها ... لازم تخليه يفكر في النهارده وبس .. بكره مش بتاعه ؛ وامبارح مختلف اختلاف جذري عن اللى بيشوفه دلوقتي .. فمفيش مقارنة وميصحش كده ..
١٤-حوكم مصادر المعرفة للمواطن بالقطارة ؛ مفيش شفافية حتى لو في مواضيع تافهة لازم دائماً وابداً يستقي عقله قدر ضئيل ومناسب من المعرفة عن الامور وبواطنها المواطن لما بيدخل في دماغه اطنان المعلومات بيبدء "يتعفرت"فخليك غامض وغير معروف وشحططه على قد ما تقدر لدرجة انه بينفصل عن الواقع
١٥-اضرب بقسوة وبلا تردد اي محاولة للخروج عن النسق .. انت بتبني كيان هيكمل لعقود بعقد معين الاولية فيه فقط من دولة لفرد .. مش من دولة لمجتمع .. الفرد مش هيدور غير على مصالحه الذاتية والشخصية ؛ اما المجتمع فمشاكله رخمة الصراحة ..وعلشان كده لازم تفهمه ان الدولة مجرد شركة ضخمة ..
-وانه محتاج يبقى مواطن صالح حتى تُغدق عليه مما افاء الجيران والمستثمرين عليها ..
مع القسوة دي وتحت الطرق العنيف ده هيطلعلك نخب زبالة .. طلعهم من الصفيحة ولمعهم وخليهم اداتك وواجهتك ..
هي دي المرحلة اللى هتحتاج فيها صعىاليك واوباش وحرافيش يمشوا يهللولك في كل خطوة ..
وعاش عليك❤️
مع القسوة دي وتحت الطرق العنيف ده هيطلعلك نخب زبالة .. طلعهم من الصفيحة ولمعهم وخليهم اداتك وواجهتك ..
هي دي المرحلة اللى هتحتاج فيها صعىاليك واوباش وحرافيش يمشوا يهللولك في كل خطوة ..
وعاش عليك❤️
جاري تحميل الاقتراحات...