تبي تاخذ جوال / تابلت من الشركات الصينية العالمية في علي اكسبريس؟
بنتكلم عن نظام تشغيلها "اندرويد" وكيف تختار اللي يناسبك 👍🏻
شفنا قبل الاسعار اللي استعرضناها للشركات العالمية وغيرهم و وصلنا في بعض الحالات لأقل من نصف السعر
في السلسة ابستعرض حالاتها والفروقات بينها مع أمثله

1️⃣ Global Version
اذا كتب لك في الوصف انه نسخة عالمية global version هذا يعني انه أفضل خيار موجود وتتوافق مع النسخة اللي تباع محليا عند الوكيل
هذا يعني انه في الغالب لايوجد إشكال في اللغة العربية ولا توافق البرامج ولا حتى الخدمات المقدمة مثل esim او الشبكات وووالخ
يتبع👇🏻

يجب مراعات الاختلافات الطفيفة في النسخة العالمية عند الشركات
مثلا: البائعين في منتجات شاومي وردمي والايفون يوفر نسخة هونج كونج العالمية وهذه النسخة لا تدعم esim بعكس النسخة العالمية في دول اخرى ولكن بقية المواصفات متطابقة تماما
بعض الشركات تختلف المواصفات باختلاف المنطقة، وسامسونج اكبر مثال في اختلاف المعالج بين منطقة واخرى بالرغم من تقديم نفس النظام والمزايا
كل هذه الامور يجب مراعاتها اذا جيت تاخذ نسخة عالمية رسمية

2️⃣ Global Rom
للاسف هذا اكثر خطأ يقع فيه المشترين من علي اكسبريس، وهذا اللي يخلي بعضهم يتهم متاجر علي اكسبريس بالسرقة او التحايل
عزيزي هو ما تحايل عليك، الخلل منك لأنك ماتفرق بين Global version اصدار عالمي و Global Rom
وش Global Rom ؟
هو جهاز اصلا اصدار صينيى وقام البايع باخذ الروم العالمي global version وركبه في ذا الجهاز الصيني عشان يشتريه اللي يرغب في جهاز محدد مايوجد منه نسخة عالمية

اي نعم بيكون عندك تجربة أندرويد شبه كاملة وخدمات جوجل لكن طبعا لابد من وجود بعض المشاكل تختلف من جهاز لاخر. مثلا: ممكن ماتشتغل معك برامج بث المحتوى بسبب درجة الامان في الروم العالمي وبرامج الدفع احيانا ومتجر البرامج راح يكون احيانا غير مرخص. ناهيك عن ان كل مرة تحتاج تحدث النظام تنتظر الروم لين يتوفر و وتنصب النظام يدويا مع مسح جذري لكل البيانات
هذا مجرد امثلة وتختلق من جهاز لاخر

3️⃣ Chinese Version
هنا احتاجك تركز معي، لانك اذا فهمتها بترتاح في اختياراتك وتوفر على نفسك شي كثير، الاجهزة الاصدار الصيني تنقسم لقسمين:
- اجهزة صينية اصلا نظامها يدعم خدمات جوجل.
واللي يتابع حسابي استعرضت كثير من هذي الاجهزة مثل iqoo و vivo و شاومي و ون بلس ..الخ
هذي الاجهزة نفس النسخة العالمية اللهم انك بتلقى مزايا وبرامج اضافية موجهة للسوق الصيني. في بعض الغرزقات لازم مراعاتها قبل تشتري الجوال ابعطيك امثلة:

- ايكو و فيفو تقدم افضل تجربة متكاملة لكافة الخدمات في النسخة الصينية
- جهزة شاومي بطلوة في النسخة الصينية لكن حط ببالك ان لغة النظام انجليزي او صينيه فقط " يدعم العربية صفحات و كيبورد لكن اقصد قوائم الجوال ماتقدر تخليها عربي"
- ون بلس مؤخرا صارت تعطل هواتف النسخة الصينية اذا خرجت من الصين، مع العلم البائعين عندهم حل بتغيير كود معين
- اجهزة صينية نظامها لاتدعم خدمات جوجل.
وهذي حالات من هواوي وفي الحالة ذي ما انصحك تاخذ اي جوال الا اذا كنت تعرف وش تسوي
هذي للحالة هي اللي خلت بعض المتاحر يحاول يخليه global ron
هذا والله أعلم