⛔️ تعالي اخدك في لفة كده علي الحدود المصرية :⛔️
🔷🔶 البوابة الشرقية :
سيناء و ما يحدث علي الحدود في رفح
طبعا لا يغفل عنه احد
▪مصر بتجاهد في منع حدوث اشتباكات مسلحة حتي لا يتم خرق اتفاقية السلام .. و نلاقي نفسنا لابسين في حرب و نبقوا وقعنا في الكمين اللي امريكا نصباه لنا
▪حرس الحدود و القوات المسلحة هناك بتجاهد تأمن الشريط الحدودي
حتي لا يتم اختراق الحدود من محترفي النزوح السادة الفلسطينيين 😏
▪مصر بترصد تحركات العدو اولا بأول من خلال وحداتنا العسكرية في سيناء
حتي لا نتفاجئ بأي غدر
" السؤال بتاع اخواتنا و الابادة و الكلام ده انا مبعترفش بيه .. يخلوا السنوار يحوش عنهم "
🔷🔶 الحدود الغربية :
نظرا لخيانة حفتر و طمعه في انه يكون ثروة من خلال ما يحدث في ليبيا من سيطرة جماعات ارهابية
ترك الحدود الليبية الجنوبية مفتوحة
عشان يدخل المرتزقة التشاديين ياخدوا الدهب الليبي
و تنقله الي مدينة ادري ب تشاد و تاخده الطائرات البريطانية الي المركزي الانجليزي 👌🏻👌🏻
▪و لأن مصر تولت ليبيا
ف أصبحت مهمة تأمين الحدود الغربية المصرية و الجنوبية الليبية تقع علي عاتق مصر
ف تقريبا كده القوات المصرية احبطت خلال شهر مايو فقط 6 عمليات تهريب حصيلتهم 14 طن دهب
مسروقين بمعرفة موظفين ليبين
و الدهب ده خاص بمجمع المسبوكات المصري الليبي
الحماية و المطاردات و الاسترجاع ده بيتطلب اشتباكات بتوصل لتدخل الطيران الحربي 👌🏻
يعني الجيش بيخوض حرب فعلية علي الحدود الغربية لتأمين الحدود من المنظمات الارهابية في ليبيا اولا ... ثم ثانيا لحماية الشركات المصرية لاعادة الاعمار " و لا انتوا مفكرين انهم شغالين بدعا الوالدين هناك😏" .. ثم ثالثا حماية المقدرات المصرية من السطو البريطاني
" طبعا احنا اسفين جدا اننا بنشغل بالكم بالتفاهات دي و في امور اهم زي الهجوم الضاري علي الدولة وفقا للجهلة و البهايم اللي سايقين السوشيال "
🔷🔶 ننزل بقا للحدود الجنوبية :
اسوأ شئ في الحياة
ان الفرد صاحب الرؤية اضيق من ثقب الابرة ... يحب يمشي دولة كاملة وفقا لدماغه 👌🏻👌🏻
♦يعني مثلا الترويج لأن التهريب للنازحين السودانيين شغال و حرس الحدود مقصر
و ازااااااي بيعدوا
▪شوف يا سيدي
ب حرب من غير حرب الهاربين من دولة لاخري ده موجود
و الا مكنش ترامب شيد سور عازل بين امريكا و بين المكسيك
و مكنتش فنلندا زرعت ألغام في الغابة الفاصلة بينها و بين روسيا
و مكنتش بولندا كهربت السياج العازل بينها و بين اوكرانيا ومن قبل الحرب
و مكنش ولادكم باعوا دهب امهاتهم عشان يطلعوا يموتوا في قوارب هجرة غير شرعية
📌 لكن و انت متساق و مركوب من السوشيال اللي فيه جهات تحريضية ضد الدولة .. كان لازم تستخدم ذلك العضو الهلامي المتواجد داخل الجمجمة
و تشوف هو الحدود دي شغالة ازااااي
و تجرب تسيرش كده
▪هتلاقي ان حرس الحدود جنوبا شغال حانوتية دلوقت
بيتولي دفن عشرات الجثث للسودانيين اللي بيموتوا من الحر و العطش اثناء النزوح
▪هتلاقي اخبار إلقاء القبض علي عصابة اللبيد السودانية اللي بتاخد من الفرد 1000 جنيه مصري عشان ترميه بس قرب الحدود و هو و نصيبه
▪هتلاقي استغاثة قبيلة العبايدة بالقوات المصرية اول امبارح انها لقت 16 عربية نص نقل " اللي بيسموها بكاسي " محملة بجثث اطفال و نساء و عجائز ماتوا بسبب عدم قدرتهم علي تحمل الحر و عدم وجود مياه شرب
و خافوا يكونوا محملين بأوبئة كمان لانهم اجساد متعفنة
( هتقولي و انا مالي مش مشكلتي في مصر .. هقولك ما هم مجابوهمش دفنوهم تحت بيتك .. لكن في حرب من نوع تاني بتخوضها القوات المصرية جنوبا
اهمها تأمين 10 كليو متر في العمق السوداني بعيدا عن الاشتباكات 👌🏻)
♦كل المزارع بقا جنوبا
سواء شرق العوينات .. مثلث حلايب و شلاتين .. القاعدة الجوية .. و حتي منبع النهر الصناعي الغربي
بيتولاه القوات المسلحة
ليييييه 👈🏻 لأنه نقطة ضعف لمصر
و مين اللي يقوي الضعف 👈🏻 الجيش
ف الجيش مفرووووم في الجنوب و لحد مشروع القمح 👌🏻👌🏻
🔷🔶 نطلع بقا علي الحدود البحرية :
هنلاقي الحوثي موجود بكل تحركاته من اجل تدمير قناة السويس لمصر
و بالفعل انخفضت الايرادات ل 65%
و دي من اهم مصادر الدولار
الدولار اللي كان هيخرب الدولة من كام شهر
▪هل مصر بتتفرج 👈🏻 لا اطلاقا
تم نقل قطع بحرية حربية
تتولي تأمين السفن و الحاويات اللي بتيجي و لحد ما تعديها من القناة
هل ده رفاهية مثلا
و لا مجهود 👈🏻 ده مجهود و تكاليف و خطورة بتعرض لها قواتك عشان تحمي أكل عيشك
يعني لقمة العيش مبقتش بالساهل كمان 🙄
📌 ده غير المناورات اللي كل يوم و التاني بتتعمل
و قريب المناورة المصرية الروسية
📌 ده غير التمشيط و التأمين
و انت بتتجول بقواتك و قطعك البحرية وسط حاملات الطائرات البريطانية و الامريكية و عارف انك معرض للغدر بين عشية و ضحاها

🔷🔶 طب هل البحر المتوسط احسن حال من الاحمر 🤔
لا و الله
ده انت هناك بتأمن بقوات مشتركة بين الاسلحة المصرية
▪ميناء جرجوب
▪الحدود البحرية الليبية لمنع تهريب النفط
▪حقول الغاز المصرية
▪مفاعل الضبعة
كل ده كده كل يوم ع الريق بتصحي القيادة تقول يا هااادي
قولولنا قواتنا في البحر الابيض اخبارها ايه
حزام نار مصر ملفوف عليها
و يجي المحسوبين علي البلد مصريين يمشوا ورا ذوات الذيول
و يزيطوا في ملف اللاجئين
و الشجر و الزفت
يا اخي ده حتي الرزق مبقاش بيجي الا بالحرب و انت قاعد تحت التكييف شاحن باقة فكة و عمال تنتقد و تقول اراء .. لو اتعملك اختبار ذكاء نتيجته هتخلي يتسحب منك الجهاز الهضمي مش التليفون بقا
ربنا يريح مصر من الغباء و الجهل و البشر المطية " الدواب يعني 👌🏻"