رأى:
معجب جدا بفيلق المهندسين وخبراء الأسانسيرات اللى ظهر بقاله يومين واللى بيتطوعوا للدفاع عن الدولة ببوستات تبدأ بجملة (طبعا ربنا يرحم اللى ماتوا) وبعدين يقعد طول البوست يشرح لنا كيفية التعامل وانت فى الأسانسير لو النور اتقطع ويسهب فى مصطلحات الأمن الصناعى والدائرة الكهربائية
معجب جدا بفيلق المهندسين وخبراء الأسانسيرات اللى ظهر بقاله يومين واللى بيتطوعوا للدفاع عن الدولة ببوستات تبدأ بجملة (طبعا ربنا يرحم اللى ماتوا) وبعدين يقعد طول البوست يشرح لنا كيفية التعامل وانت فى الأسانسير لو النور اتقطع ويسهب فى مصطلحات الأمن الصناعى والدائرة الكهربائية
و بطاريات الأسانسير و زرار الباور وزرار الجرس كل دة عشان يختم قائلا (ما تعلقوش وفاة الناس اللى ماتوا فى الأسانسيرات فى رقبة مدبولى والحكومة) ويكون بذلك أدى واجبه على أكمل وجه!!
الحقيقة هو إن زى مش مقبول إنسانيا إن حد يستغل وفاة الناس (لما تكون طبيعية) للتخديم على رأيه المسبق فى الدولة (هجوما أو دفاعا) لكن لما تبقى الحكومة هى المتسببة بشكل رئيسى وواضح فى تلك المأساة فلا يجب السكوت على تلك المهزلة المسماة ب(قطع الكهرباء)
أو إلقائها بوضاعة على الضحايا، ومن قمة الانحطاط أن تكون أولوية البعض هى الدفاع عن كل ما يأتى من جهة الدولة حتى ولو على حساب الناس اللى ماتوا با حتى الإصلاح بشكل عام (مش مهم عنده إن الكهربا ترجع قد ما مهم إنه يدافع عن الدولة اللى قاطعة الكهربا!) فى مازوخية عجيبة لا تخطئها العين
الحوادث اللى كانت بتحصل أيام مبارك كان مبارك ووزارؤه مسئولين عنها سياسيا، والحوادث اللى حصلت أيام مرسى كان مسئولا عنها هو وحكومته سياسيا (وما حادثة قطار البدرشين ببعيد) فازاى لما تحصل حوادث متكررة زى حوادث الأسانسيرات ما تحملهاش للمسئولين (لمجرد أنك تؤيدهم)
وتعتبر أن المشكلة فى مين نط ومين ما نطش لدرجة أن أحد هؤلاء الأفاضل بعد وفاة الشاب عازف الساكسفون وبعد أن شرح لنا مشكورا كيفية التعامل مع قطع الكهرباء فى الأسانسير كتب بنطاعة شديدة (وماتعملش فيها بطل وتنط) ثم طالبنا بأننا مانلزقش الحادثة فى الدكتور مصطفى!
الحكومة هى اللى قالت إنها حلت مشكلة الكهرباء تماما
والحكومة هى اللى قالت إن بقى عندنا اكتفاء ذاتى من الغاز
والحكومة هى اللى بتاخد الفلوس (من برة ومن جوة)
والحكومة هى اللى بتصرف الفلوس
فازاى بعد كل دة تبقى غير مسئولة وتلبسها فى الناس؟
والحكومة هى اللى قالت إن بقى عندنا اكتفاء ذاتى من الغاز
والحكومة هى اللى بتاخد الفلوس (من برة ومن جوة)
والحكومة هى اللى بتصرف الفلوس
فازاى بعد كل دة تبقى غير مسئولة وتلبسها فى الناس؟
كدة يبقى الكهرباء تقطع فى الشوارع والحوادث نلبسها للسائقين، والكهرباء تقطع فى المستشفيات والوفيات نلبسها للأطباء، والكهرباء تقطع فى الأسانسيرات ونلبسها فى الضحايا والدولة تعلق يافطة على أول كل شارع أنها غير مسئولةعن أية حوادث تقع وأن كل مواطن يتحمل مسئولية الإبقاء على نفسه حيا!
جاري تحميل الاقتراحات...