🔵 #تشكيل_حكومة_جديدة :⛔️
و اللي المفروض تكون حكومة حرب ... لاننا فعلا بنعيش فترة حرب اقتصادية طاحنة 👌🏻👌🏻
♦اذن وجب علي متخذ القرار تصحيح الاخطاء السابقة كلها
و من اهم الاخطاء دي 👈🏻 عدد الوزارات المبالغ فيه
و اللي ملوش وجود علي الارض اساسا
ليه يا دكتور مصطفي 43 وزارة .. بجد ليه
عشان تجتمع بكل وزير يوم محتاج شهر و نص .... كل وزارة فيها وزير و طاقم مستشارين و موظفين بالهبل بيروحوا الساعة 11 الضهر
لموا الليلة يا اخواننا .. الموضوع يتلم ب 17 وزارة و الل .. توفيرا للنفقات و الترشيد و محاصرة الفساد كمان
( ما عدا فساد وزارة التنمية المحلية .. المحليات دي ما يقدر علي فسادها الا صاحب القدرة .. وزارة التنمية المحلية لو صحينا عبد الناصر و مسكناه وزير مش هيقدر عليهم بردو .. عبد الناصر مين .. لو صحينا مولانا رمسيس التاني و لا ساحر سفلي و لا ابليس نفسه
انا بدأت اتكيف مع فساد المحليات خلاص و بقيت شايفاه زي الغثيان اللي بيحصلي من مضادات الالتهاب اللي باخدها .. اثاره الجانبية القئ المستمر .. اهي الوزارة دي بوزيرها بموظيفها من اكبر راس لاصغر راس فيهم هما القئ المستمر بتاع مصر .. احيانا بحس ان الوزارة دي عندها فرقة اغتيالات .. اللي هو محدش يقدر يقرب منهم و الا هيركب طيارة ابراهيم رئيسي كده )
🔷🔶 لكن مش كل الخطورة فساد .. ال....اء بردو خطر :
هل ممكن تدارك غلطة و غباء الحجة سترة ام العتاولة في زنها ان وزير الاوقاف يكون شيخ بعمامة
و نرجع نهر الفلوس لاقتصاديين تاني 🤔🤔
( مبدئيا البهايم الشاردة اللي هتعوي علي فكرة ان وزارة الاوقاف جزء من الكيان الديني للدولة و بتتكلم علي الدي ... وزارة الاوقاف مش وزارة دينية .. دي وزارة مالية 👌🏻👌🏻)
الاوقاف تتضمن الكنايس بردو و ممتلكاتها و تتضمن القصور القديمة و املاك اليونانيين و الايطاليين و الارمن اللي تركوها في مصر و رجعوا بلدهم او ماتوا
زي 👈🏻 كل البيوت اللي في شارع كنيسة الاقباط في محطة الرمل اللي ايجارها جنيه و ربع دي
بتاعت جريج اساسا ماتوا و آلت الملكية للدولة لوزارة الاوقاف
اراضي السادة الاقطاعيين اللي ملهمش ورثة و عزبهم كذلك
بالاضافة الي اعمال الوقف الخيري للمواطنين
♦الاوقاف في الفقه الاسلامي 👈🏻 هو نظام اسلامي الغرض منه حبس العين و جعلها في حكم الله و التصدق بريعها علي جهات البر و التقوي
و الاصل الشرعي له 👈🏻 صدقة جارية لصاحب الوقف
الكلام ده يديره شيخ خريج دراسات اسلامية زي الوزير الحالي لما تكون دي بس تخصصات الوزارة
انما لما يكون لها انشطة اقتصادية ... يبقا اللي يشغلها اقتصادي money maker
♦الوزارة بقا متكونة من :
السيد الوزير + هيئة الاوقاف
اللي هما
📌مدير عام الهيئة
📌مدير عام الاملاك و الاستثمار
📌مدير عام الاقسام الهندسية
📌مدير عام الادارة الزراعية
خلصنا السادة المديرين
نسكت علي كده ابدااااا
📌وكيل وزارة الزراعة لدي وزارة الاوقاف
📌وكيل وزارة الاسكان لدي وزارة الاوقاف
📌وكيل وزارة الاقتصاد لدي وزارة الاوقاف
📌وكلاء وزارة الاوقاف بقا
و لا عايزين الجيران تاكل وشنا
📌احد علماء الشريعة الاسلامية
كل دووووول بقا فشلوا يديروا شركة اشترتها وزارة الاوقاف سنة 2009
اسمها شركة المحمودية للمقاولات
ايووووون كانت شركة قطاع عام و وزير الاوقاف اشتراها بعد هيصة الخصخصة
و اتدمرت تماااااما
▪تم تدمير الاصول بالكامل
▪معدات الشركة تهالكت و اتخردت دون تجديد
▪الشركة خسرت 5 مليار جنيه سنة 2022
▪الشركة تملك اراضي فاضية بالهبل محطوط عليها يافطة ارض ملك وزارة الاوقاف و خلاص كده بيترمي فيها القمامة
" قيمة الاراضي دي تريليون و 100 مليتر جنيه راكدة
في علم الاقتصاد اسمه 👈🏻راس المال الميت "
و خسرنا شركة كبيرة وطنية
ده معناه ان الناس في وزارة الاوقاف بالقياس محققين خساير كبيرة علي كل الاتجاهات
◾طب ما يمكن انا بتبلي عليهم 🤔🤔
هنرجع هنا لتقرير الجهاز المركزي للمحاسبات سنة 2023
و اللي طلع ان الحساب الختامي للوزارة غير حقيقي
و اللي الوزارة اثبتت فيها مصروفات 45 مليون جنييييه
لييييييييه بتفطرهم كرواسون و نسكافيه جولد و تغديهم سوشي يا سيادة الوزير 🙄
دي مش سرقة ... ده غباااااء اداري
اساسا قانون الهيئة بينص علي ان المصروفات لا تتعدي 15% من ريع الاوقاف
و الجهاز المركزي اثبت انهم صرفوا ما قيمته 33%
بحسبة بسيطة
33% 👈🏻 45 مليون
يبقا اجمال الريع 100 × 45 الكل ÷ 33 = ما يقرب من 137 مليون جنيه
اوقاف قيمتها 8 تريليون
بتجيب 137 مليون جنيه بس
ألطم و لا اجيب لطامة بالكهربا
وزارة الاوقاف دي لو اتشغلت صح هتسدد اقساط الديون

اتنقطت يا عزيزي
لا تعالي هنقطك تاني
شوف التوزيعة بقا
ايرادات وزارة الاوقاف بتتوزع بطريقة شووف سبحان الله عجيبة غريبة مريبة رهيبة 😏
▪10% احتياطي استثماري و ده بيضيع في الهوا لأنهم ملهمش انشطة استثمارية
▪10% مصاريف ادارة
مرتبات و حوافز و علاوات و بدلات و عنايات و فتكات و حبشتكنات
" 137 مليون جنيه منهم 13.7 مليون رواتب ... ده ميغة ياباااا 🙄 .. ما تشوفولنا شحيبر يجيبلنا عقد عمل في الاوقاف 😏"
▪15% مصروفات صيانة
" بيصين الاراضي الفاضية
بدل ما هي خرابات بيعملها خرابات كلاس شوية 🙄"
▪5% تكاليف اعمال فنية
" اللي هو ايه البند ده .. هل من مجيب .. اي كلام في اي كلام "
▪70% يوزع لمستحقيه 👈🏻 شوف الجملة الجاية دي و مدي جبروتها " كما يحدده مجلس الادارة "
لو الفلوس دي بتوصل لمستحقيها يا مولانا .. يبقا مشروع حياة كريمة مش هتتطلع تكاليفه من صندوق تحيا مصر .. و تطلع من عندك بدل كل التهليب ده
و اللي يزعل يرزع دماغه في الحيط بقااااا 😏
♦لو انا في موقع يحاسب بتوع وزارة الاوقاف دول .. هعدمهم الاول و بعدين اتحاسب معاهم
بس أبرد ناري بفصل رقابهم عن اجسادهم الاول
الفلوس دي فلوس مصر
التريليونات اللي بتتهدر دي املاك و مقدرات الدولة
من 68 وزير تولي الوزارة دي كان في 50 اقتصادي
و كلهم كانوا بيمولوا خزينة الدولة
انت ازاي تبقا عايم علي الثروة دي و ساكت و مش قادر تدعم بيها الموازنة اللي فيها عجز
ازاي يبقا عندك شركة مقاولات عملاقة زي المحمودية و تسيبها تنهار بالشكل ده مع انها كانت في نفس كفاءة المقاولين العرب
وتقدر تخليها چوكر تلعب بيه مع الهيئة الهندسية و السويدي و المقاولين العرب خارج مصر
مش انا بس اللي معترضة علي فكرة ... ازاهرة كتير شايفين ان منتهي الظلم ان يبقا نهر الفلوس ده بيديره شيخ ... حتي الازهر نفسه واقع عليه ضرر لانه مش عارف يستفيد بأوقافه
🔷🔶 حرام يبقا عندنا مورد مالي رهيب كده و راكنينه علي جنب بدون مبرر
الوزارة دي لوحدها تقدر تمول وزارة التأمينات الاجتماعية و تقدر تعمل استثمارات في وزارة الكهربا و البترول و تنقذهم من العجز السنوي و المديونية و تقدر تمول مشروعات حياة كريمة و 100 مليون صحة
يعني انت مخوفتش و انت بتقرب من رغيف العيش اللي بقاله 42 سنة محدش قربله ... و مش عايز تقرب من اكذوبة اسمها ربط وزارة مالية ب عمة دينية
اقولك ام اللصوص جابت حمدي زقزوق ليه 👈🏻 عشان خضر فتيحة الشهير بعلاء مبارك يستولي علي الاراضي بتاعت الدولة بدون ما حد يفتش وراه من اي كيان اقتصادي ميكونش من الشلة ... و لا يكون من المعارضة اللي كانوا بيسموها الجرايد الصفرا
اقول كمان و افضح و اسيح و لا كفاااااية كده 🤔
لا خد المعلومة دي كمان
اتعين لها شيخ
عشان حسب الله الكفراوي كان رافض ان المباني اللي كانت مملوكة للاجانب لا يتم استغلالها و كان عايز يعملها مشروعات سكنية للشباب
الحجة سترة قالتله لاااااا دي فلوس ربنا و في شيخ هيديرها ... فلوس ربنا اللي طلع منها القطامية هايتس 🤔 .. ايه هيسكن فيها ملايكة طبقيين و لا ايه
الله يرحم كمال الجنزوري
لما قال اشغل وزارة الاوقاف استثماري و امول بيه وزارة الصحة ... مسكتوه غسلتوه و دخل رقد في المستشفي ذبحة صدرية
في القرآن الكريم سيدنا يوسف أما كان له طلب عند ربنا يجبر بيه خاطره بعد سنوات الظلم و السجن
قاله " اجعلني علي خزائن الأرض " راح ربنا خلاه عزيز مصر
محتاجين برهان تاني اييييه اكتر من كلام الله و كتابه
اظن نبدأ نصلح العبث بقا
علي الاقل تقدر تمول هيكلة المعاشات منها
و لو عدمتوا الاقتصاديين ابعتوا هاتوا من ليفربول او ريال مدريد .. سهلة أهي