رتبها

سمعتوا قصة الكويتي بدر المطيري .. قصته تحزن ومليانه ظلم واللي مر فيه شئ يوجع القلب 💔💔
تعالوا اقولكم قصته بالكامل للي ما شافوا حلقته في البودكاست 👇🏻

بدر محمد خالد المطيري من الكويت الحبيبة .. توفـ،،ى ابوه في السبعينات وعايش هو وامه واخوانه مع بعض
قصته تبدأ من عام 1998 💔

في عام 1998 بدر كان مسافر للقاهرة مع ولد خالته .. وقبل يسافرون كان بدر موقف سيارته عند بيت ولد خالته وراحوا المطار سوا

وهم راجعين من السفر ولد خالته وصله لين سيارته اللي كانت قدام بيتهم .. ولما وصل لسيارته زيه زي اي واحد راجع من السفر حط جواز السفر في درج سيارته وشنطته جنبه بالسيارة

ولما وصل بيته مع التعب اخذ الشنطة ونزلها البيت ونسى جواز السفر بدرج السيارة ما طلعه معه البيت ..

وثاني يوم صحى بدر وطلع بسيارته وراح للجامعة " والجواز مازال بالدرج " وهو في الطريق سار له حـ،ادث قوي ونقلوه للمستشفى وجلس هناك فترة طويلة وقعد شهر ونص لين رجعتله عافيته من الحـ..ادث واثره

وكل هذه الفترة وهو بالمستشفى سيارته كانت في الشارع .. وزي ماهي من الحادث شبه تالفة
وبعد ما طلع من المستشفى سأل اخوه عن سيارته ووش سار عليها! فقال له اخوه انه في شخص جاء وسرق كل اللي بالسيارة وهي واقفه قبل نسحبها وسأله اخوه عسى ما كان في شئ مهم بالسيارة ؟ وقاله لا

وهو للاسف كان فيها جواز السفر حقه .. ولكن بدر كان ناسي تماماً انه مخلي جوازه في السيارة ولا جاء في باله ابداً وعباله ان جوازه بالبيت وانه طلعه بعد ما رجع من السفر او انه بالشنطة ولا سأل عنه اصلاً ولا جا بباله 1٪ ان هالجواز اللي كان بالسيارة بيقلب حياته 180 درجة واللي اصلاً هو ناسي انه بالسيارة

المهم نجي لسالفة الجواز .. للاسف ان اللي سرق الاغراض اللي بالسيارة وهي واقفة بعد الحـ..ادث سرق الجواز .. وما تتخيلون كيف استغل جواز السفر حق بدر 💔

على العموم بعد سالفة الحـ..ادث بدر رجعتله عافيته ورجع يكمل حياته وتوظف في وزارة الدفاع الكويتية محاضر للأسلحـ،،،ة

وفي نفس الوقت بدر كانت تجمعه صداقة مع ملازم اول اسمه فهد .. وفهد كان من عائلة معروفة ومرموقة بالكويت ومع مرور الوقت سار من اعز وأقرب الاصدقاء لبدر
وفي يوم من الايام فهد عزم بدر لبيته في مناسبة كبيرة .. وبدر لما دخل العزيمة قال انه انبهر من اللي شافه من فخامة البيت الى فخامة الحضور الي كانوا من كبار الشخصيات وبعضهم كانوا مسؤولين في الدولة لأن اصلاً ابو صديقه فهد كان وزير سابق ..

ووقتها بدر كان واقف منبهر من الفخامة اللي يشوفها وعلى وقفته انفتح باب كان يفصل بين الحريم والرجال من جهة بدر بسبب الهواء .. وشاف اخت فهد صدفة وهي اساساً كانت صديقة اخته وتدرس معها بالجامعة

وبدر قال انه شافها وهي واقفه وتكلم اللي يشتغلون بالضيافة وطبعاً وقتها ما كان متعمد يشوفها ولكن يقول كنت مصدوم من كل شئ بما استوعبت لما انفتح الباب وكان مجرد نظرة اولى وتحركت على طول من مكاني

بس حس انه اعجب فيها وعلى طول راح كلم امه عشان تخطب البنت له وفعلاً راحت امه وكلمت امها .. ووقتها قالت ام البنت بدر انا اللي اخطب له وكان قصدها من هالكلام انها تعزه وتغليه مثل ولدها
وفعلاً بدر كانت سمعته سابقته عند أهل اصدقائه واقاربه والكل يشهد له ويشيد بأخلاقه
وتمت الخطبة والبنت وافقت على بدر وبعدها بفترة تحدد تاريخ ملكتهم وزواجهم وكانت الملكة قبل الزواج بيوم وبدر قال ان فهد كان ماسك كل شئ من قاعة الى بوفيه وكان هو بنفسه مشرف على تجهيزات الزواج من والى .. يعني الكل كان مبسوط لزواجهم

وقبل الزواج بـ 4 ايام كان بدر طالع مع فهد صديقه واخو خطيبته بالسيارة .. ووقتها بدر سأل فهد عن التجهيزات فقاله فهد ريح بالك كل شئ جاهز وهذا هو بشتك ورا وكل الي عليك انك تلبسه وبس

وفجاءة وهم بالسيارة سوا وقفتهم نقطة تفتيش .. وكان معهم جاهز كشف للبحث عن الأشخاص اللي عليهم سوابق وقضايا وهالأشياء
واي شخص يعدي من نقطة التفتيش يطلبونه هويته او اثباته .. وطلبوا هوية فهد وعطاهم وبعدها طلبوا هوية بدر وعطاهم واول ما عطاهم بدر الهوية راحوا بعيد شوي وبدأوا يتكلمون

واقل من دقيقة الا جاء العسكري وسأل بدر عن اسمه الكامل عشان يتاكد منه .. وبدر جاوبه باسمه الكامل وقاله اي نعم هذا اسمي بدر محمد خالد المطيري !! وش السالفة ليه تبي تتاكد
شوي الا العسكري طلب منه ينزل من السيارة اول ما نزل على طوول جاء عسكري ثاني من وراء بدر ومسكه وحط الكلبشات في يدينه الاثنين 💔
وبدر وقتها ما كان يعرف وش ساير ويسألهم انا وش سويت؟ وش السالفة ؟؟

وسحبوه واخذوه لسيارة الشرطة .. طبعاً على طول فهد نزل وكلم العسكري ويسأله وش فييه وش السالفة ! ويقول بدر كنت اشوف فهد يدينه مرفوعة ومعصب انه ليه ساحبين بدر وفجأة من الصدمة طاحت يده وتغيرت ملامح وجهه 180 درجة .. وفهد وقتها ترك بدر ومشى

وتخليوا ان بدر جالس يشوف هذا المشهد من بعيد بسيارة الشرطة وهو ما يعرف وش مسوي وليه فهد مصدوم ووش قالوله ووش فيييه 💔

وشوي الا طلعوا اثنين من العساكر بالسيارة ومشوا ياخذونه للشرطة .. وفي السيارة بدأ بدر يسأل العسكر ويقولهم انا وش سويت وش فيه ؟
رد عليه واحد منهم وقال خلني احترمك واسكت لان اكره ما عندي اللي يستهبل ! وبدأ بدر يكرر السؤال لأنه صدق مايعرف وش مسوي ! لييين بدأوا العساكر يغلطون عليه وانه لا تستعبط ويسكتونه فيقول قررت احفظ كرامتي واسكت لين نوصل لاني متاكد اني مو مسوي شئ

ولما وصل للشرطة على طووول حطوه في السـ..جن وجلس طول الليل عند الباب وأي احد يمر يسأله انا وش سويت؟ وليه هنا … والله يلوم اللي يلومه 💔💔
واستمر على هالحال لين غفى ونام بدون مايحس على نفسه

وفي اليوم الثاني فجاءة نقلوا بدر لسـ.،جن ثاني وهو سـ.،جن تنفيذ الأحكام !! ولما دخل بدر بدأ يصارخ يبغى بس احد يفهمه وش مسوي هو !!
وقعد يصرخ ويقول انا مو مسوي شئ شلون تحطوني بسـ.،جن تنفيذ الاحكام وانا ما اعرف وش تهمتي حتى !!

وعلى صراخه دخل ضابط ومعه عسكري فسأل الضابط العسكري وهو يأشر على بدر هذا وش مسوي وهنا كانت الصدمة والظلم القوي اللي حس فيه بدر واللي وقع عليه بدون مقدمات 💔💔
العسكري قال للضابط هذا عليه حكم بالسـ.،جن 7 سنوات .. خمس منها لحيازة المخـ،،درات وسنتين بسبب الهروب بعد الضبط القانوني ( يعني هروبه بعد الحكم عليه ! )
وبعد بسبب الضبط عليه في منزل إمرأة تربطه فيه علاقة غير شرعية !

وبدر بعد ما سمع هالكلام قام يصارخ اكثر انهم يطلعونه او على الاقل يسمعون منه لأن كل التُهم اللي قالولها ما حصلت ولا صدرت منه ! ولا يعرف عنها شي ابداً

ووقتها بعد دخل المدير العام وسمع صراخ بدر وسأل عنه فقالوا هذا عليه تهمة كذا وكذا .. ولما التفت عليه شافه يصارخ ويبكي وجسمه كله يرجف ويحلف انه مظلوم وما سوا شئ ، والمدير هنا لمس فيه المصداقية وقال جيبوه مكتبي

ولما راح للمكتب اخذ المدير منه رقم هويته وفتح الكمبيوتر وبعدها سأله عن اسمع الكامل ورقم هويته فجاوب بدر وقاله المدير يعني صحيح انا عليك 7 سنوات سجـ،ن لحيازة المخـ،،دارت والهروب بعد الضبط القانوني وموب مظلوم وراك تصارخ !!

وهنا بدر يقول انه من الصدمة تجمد ولا عرف حتى يتكلم واساساً محد كان يعطيه فرصة يتكلم لما يشوفون الاشياء اللي عليه على طول يعاملونه معاملة سيئة لانهم يحسبونه صدق متهم لأن هذا الحكم كان حكم نهائي وواجب فيه التنفيذ يعني مو تهمة كان حكم ويتفذ وخالصييين

وبعدها انتقل بدر الى السـ..جن وهناك وصى عسكري يتواصل مع اخوه ويشرح له وش سار معه وفعلاً العسكري كلم اخو بدر وقال له عن كل شيء وانه مسـ..جون
وبعد فترة في السـ.،جن بدر قدر يحصل جوال واتصل على اخوه ووصاه ما يقول شئ لأمه وطبعاً وقتها كان منتشر خبر ان بدر حصل له ظرف وسافر وامه كانت مصدقة هالكلام رغم انه ما كان باقي على زواجه الا 4 ايام واعتبروه بالبداية كأنه سافر وترك خطيبته قبل زواجهم 💔

بعد فترة اخوه زاره في السجن وجاب امه معه لأنها عرفت عن كل شئ و اهل خطيبته كلموها ان ولدك كذا كذا وكنسلوا الخطبة لان اصلاً اخو خطيبته هو اللي كان معاه لما انمسك ( فهد كان ساكت على الموضوع شوي لين يتأكد ولما تاكد ان فعلاً التهم مسجلة على بدر قال لاهله)

وبدر ما كان يدري ان امه بتجي .. وامه لما شافت ولدها بدر بلبس السجـ..ن وحالته حالة انهارت من البكاء وتعبت فقام بدر يصارخ على اخوه لما شاف امه تعبت ومو قادرة تتحمل ان ولدها مسـ..جون .. قام بدر قال لاخوه خذ امي واطلعوا من هذا المكان لانه مو مكانكم

و رد عليه اخوه وقاله
يعني هذا مكانك انت يا بدر؟ 💔💔
وهنا بدر قال انه انهار وقام يبكي زي الطفل وحتى في اللقاء وهو يتكلم ماتحمل وبكى 💔💔
وقال ان هذا الموقف من اكثر المواقف اللي اثرت فيه وحس فيها بالقهر على الظلم اللي هو فيه 💔

المهم اخوه قبل يمشي قاله ماعليك بنحطلك محامي وبتطلع باذن الله لا تشيل هم .. وبعدها جاء خبر لبدر ان عنده محاكمة بعد 10 أيام ووقتها بدر انبسط وحس انها راح تفرج عليه وخصوصاً انه تاكد من اخوه ان اهله وكلوا محامي شاطر له
وفي يوم الجلسة انصدم بدر ان المحامي ماجاء وبدأت الجلسة بدونه .. يعني حتى نقطة الامل اللي عنده انه يطلع من الموضوع هذا وان في احد بيدافع عنه وينصفه انطفى هذا الامل 💔💔

ووقتها وقف بدر قدام القاضي والقاضي طلع الملف وسأل بدر قاله انت هربت من المستشفى بعد الضبط القانوني؟
ورد بدر وجلس يحاول يشرحله السالفة من البداية وقاله انا لا هربت من مستشفى ولا اي شئ ولا قد حضرت اي جلسة ولا عندي حكم بشئ !!

هنا القاضي عاد السؤال لبدر وقال جاوب بنعم او لا ولا تتكلم كلمة زياده بس بدر قعد يحاول يبرر ويتكلم والقاضي كان يسكته ويقول جاوب على قد السؤال فقط حسبي الله عليه 💔💔
واستمر القاضي يسكت بدر ولا يعطيه فرصة يتكلم .. وبالنهاية قاله اجلس واسكت ورفض بدر انه يجلس ويسكت وناداله العساكر عشان يجلسونه غصب
وهنا بدر انهار من البكاء وقال للقاضي الملف الي قدامك ملف كبير وانا والله ما تخصني فيه ولا ورقة ولا لي علاقة في اي شئ بالملف هذا " يقصد ملف القضية "

وبعدها رجعوا بدر للسجـ،ن وجلس فيه سنة و8 شهور .. وكانت من اصعب الايام في حياته من الناحية النفسية والجسدية
ووقتها قال ان فكرة الأنتحـ.،،ار كانت تدور في باله أغلب الوقت لانه في مكان ما يعرف ليه جاه وكيف عليه كل هذه التهم وهو بريئ منها وما سواها 💔
وبسبب التفكر الزايد للاسف جاه الضغط والسكر .. وما كان يأخذ ادوية وقتها

وعلى وقت سالفته طلع برنامج اسمه برنامج التائبين بالكويت وهو تقريباً نفس فكرة الأفراج المشروط .. وكان فرصة للأشخاص عشان يتوبون ويحفظون القرآن كامل عشان يفرج عنه افراج مشروط
وفي نفس الوقت كان فيه شرط مع البرنامج وهو ان كل شخص يحترف حرفة ويشتغلها .. وبدر وقتها اختار الكهرباء وسار يشتغل فيها بالسـ،جن مع حفظ القران كاملاً وكان يحاول يجتهد قد مايقدر

وفي البودكاست قال ان حفظه للقرآن واجتهاده ما كان عشان يطلع وبس بالعكس .. قال ان الشعور اللي حس فيه وقت ما اختلى مع القران غَير من شخصيه كثير وابعد عنه فكرة الأنتحـ.،،ار وسار طول الوقت هادي ومطمئن وواثق من فرج الله

وبعدها سمع بدر القرآن لاحد الشيوخ بالداخل واتضح انه حافظ القران كامل وتم العفو عنه من السـ..جن وطلع بس لازم يروح مركز الرعاية يومياً ( عشان كذا هو زي الافراج المشروط )

وحتى لو تم الافراج عنه تماماً ما اثبتت براءته للان وكان يعامل وكانه شخص تائب من التعـ،،اطي وهو بريء!

المهم بعدها دخل مركز الرعاية اللاحقة ومركز بشائر الخير بالكويت وكان لازم يروح كل يوم لمركز الرعاية من الساعة 6ص الى 6 م وبعدها ينتقل لمركز بشائر الخير ويحضر محاضرات حتى ينتهي يومه ويرجع للبيت ينام ( كانها مراكز اصلاح ولكن الزاماً لازم يروحها ) يعني ما كان عفو كلي عنه وطلع وهو معه بطاقة سـ..جين يمشي فيها

ووقتها بدر قال أنه عاش معانة ثانية بسبب (بعض الأشخاص) في مركز الرعاية اللاحقة لأنهم كانوا يتعاملون فقط بالضـ،،رب والشتـ،،م والأهانة له وانه شخص سيئ
اما بالنسبة لحياته بعد ما طلع حاول بدر انه يتواصل مع اهل خطيبته ويشوف وش سار من بعده للي كان خاطبها .. ولما راح وصل للبيت ودق الباب وطلع له اخو خطيبته ( مو صديقه فهد اخوها الثاني )

وبدر بدأ يشرح له وش سار معه وانه مظلوم وبحكم انه كان شخص معروف وله منصب كبير قاطعه وهدده وقاله لو شفتك او لو لمحتك هنا في هذه المنطقة تراني غير مسؤول عن اللي بتشوفه مني
ووقتها بدر عرف ان مافي احد منهم راح يصدقه ومشى وتركهم ..

وبعدها يقول انه راح لديوانية اصحابه اللي كانوا اعز واقرب اصدقاءه قبل اللي حصل له .. ويقول اول ما دخل محد عطاه اي اهتمام والكل تجاهله وحس انه منبوذ بينهم ومحد طايق يشوفه لان الكل مصدق سالفة سجـ..نه وانه له في ذي الخرابيط

ويقول وقتها بدأو يمشون الموجودين واحد وراء الثاني اول ما شافوه دخل 💔💔
ليين بقى بدر وصاحب الديوانية وهم كانوا اصدقاء مقربيييين مره قبل اللي حصل فبدأوا يتكلمون مع بعض .. وبدر بدأ يشرح عن له انه بريء ولكن للاسف صديقه قاله اذا انت بريء ولا لا انا هذه الديوانية مو لي لحالي .. يعني بالعربي هذه طرده محترمة لبدر 🥲

وبعدها سأله بدر عن فهد فقال له حتى فهد ترا موقفه نفس موقف اللي طلعوا فلا تحاول تحتك او تكلمه .. فقاله بدر بس انا كنت بناسبه وصديقي المقرب هذا ! وهنا الصدمة لما قال له خلاص ترا اخت فهد جاها نصيبها وتزوجت من زماااان والكل يعرف انها متزوجة

وهنا بدر ضاقت فيه الدنيا اكثر .. خسر كل اصحابه وخسر خطيبته وخسر سمعته ومكانته وكل شئ حوله ومحد وقف محد ومحد مصدقه انه بريء ولا كأنهم كانوا يعرفونه زين !!

ويقول ان اللي زاد عليه الهم ان حتى اخته كانت ماخذه منه موقف .. وقتها كانت كل ما تشوفه تتحسب عليه وتحمله الغلط انه ترك خطيبته قبل زواجهم بـ 4 ايام وكسر قلبها يقول كانت كل ما تشوفه تدعي وتتحسب عليه
تقهر فوق ما ان اخوها مظلوم ما سمحت لنفسها تسمع منه! وكان كل تفكيرها في مشاعر صديقتها وبس

على العموم بعد كل الاحداث هذه
بدر للان ما يدري مين المتسبب في سجـ،،نه ولا حتى فكر يبحث ويسأل ليه انحطت فيه كل هذه التهم ؟ خلاص كان يبغى السلامة وبس والفكة من السـ.جن
ولكن سبحان الله اللي جعله يبرئ نفسه بنفسه بقولكم وش سار معه 😢💔

في يوم من الايام بدر كان جالس مع واحد في مركز الرعاية اللاحقة وتكلم معه عن قصته وكيف انسجـ،ن ظلم فقال له هذا الشخص ليش انت ساكت عن حقك روح للمحكمة وتكلم مع أي مسؤول واشرح لهم وراح يبرؤونك دامك بريء

وقاله بدر ياكثر ما حاولت اتكلم وقتها ومحد كان يسمع مني او يصدق بس بشوف .. وفي اليوم الثاني بدر استأذن من مركز الرعاية ( لانه يعتبر مُلزم يروحه يومياً من 6 الصباح لـ 6 الليل ) وقال انه راح يروح للمستشفى عشان موعد علاج السكر ولكن في الحقيقة هو كان رايح للمحكمة ولا قال لهم

ولما وصل للمحكمة دخل على مسؤول وبدأ يشرح له السالفة وانه كان مسجون والان بمركز الرعاية بس انه هو انظلم وطبعاً المسؤول اول ما قاله انه كان مسجون قلب 180 درجة وعامله معاملة سيئة وما اعطاه أي فرصة يتكلم

وندم بدر انه فكر يروح .. بس الشئ الوحيد اللي قاله له هذا المسؤول وكان سبب بعد فضل الله في براءة بدر هو شئ واحد
قاله شيك لو لك شي في الأمانات دامك الان بالرعاية خذ اغراضك واطلع ولا تتكلم ولا كلمة زياده وما عندي لك شئ ( الأمانات هو مكان كانوا يحفظون فيه الأغراض اللي تكون مع الأشخاص اول مايتم القبض عليهم وبعد الأفراج يمرون وياخذونها قبل ما يروحون الرعاية او يُفرج عنهم )

وبدر طلع وراح للأمانات وقالت خليني اشيك ويمكن اخذ بطاقتي .. وهناك كانت المسؤولة عن الامانات بنت طلعت له كل الأغراض اللي له وحطتها على الطاولة فجلس بدر يناظر وهو مستغرب !! لأن كل الأغراض الموجودة ما كانت له !

وكان فيها جواز سفر فأخذه وفتحه بدر وطالع بالصورة بس ما كانت صورته ! شوي الا يقرأ المعلومات .. وتطلع هي معلوماته ! اسمه ورقم جوازه وكل شئ له الا الصورة ! الصورة ما كانت صورته صورة شخص ثاني والاغراض الباقية كلها مو له

وهنا بدر وضحت له الصورة وفهم هو ليه انحطت كل هذه التهم فيه .. يقول من قوة الصدمة لان الحقيقة واثبات براءته بين يدينه ما قدر يتكلم ولا ينطق بحرف واحد من الصدمة 💔

تخيلوا صعوبة الموقف بعد ما وضحت له كل الأمور .. ترا فعلاً صدمة له ان الجواز يكون هو السبب في سجـ..نه وهو ولا 1% جا في باله هذا السبب

بعدها راح بدر لوكيل النائب ومن وكيل النائب راح لرئيس النيابة العامة وهناك سارت حالة استنفار بسبب هذه الغلطة اللي تسببت في سجـ،،ن شخص مظلوم ماله اي ذنب !!

واحالوا جواز سفر بدر الى إدارة التزوير في المباحث الجنـ،،ائية واكتشفوا ان الجواز حقيقي ولكن تم استبدال صورة بدر بصورة هذا الشخص والطريقة كانت أحترافة جداً وواضح ان اللي زور الجواز شخص خبير في هذه الأشياء

المُتهم الحقيقي انتحل شخصيته وبياناته واستبدل الصور فقط ! والشرطة لا طابقت بصمات ولا شئ لان اصلاً الحكم كان صادر فليش يطابقون بصمات وهم من الاساس مو راضيين يسمعون من بدر والحكم خالصين منه

طلعت وش السالفة وشلون سار كل هذا ؟؟ الله يسلمكم طلع اللي سرق جواز سفر بدر لما كان مسوي حادث وسيارته بالشارع وجوازه بالدرج كان مـ..روج مخـ.،، درات
وهذا المـ..، روج انمسك بعد ما زور جواز بدر واستبدل الصورة بكم شهر .. ووقتها كان مروج للمخـ،،درات وبنفس الوقت كانت تجمعه علاقة غير شرعية مع وحدة
وتوجه عليه امر بالقبض وهو موجود في بيت هذه المرأة ( وهذا كله سار وهو يحمل بيانات بدر يعني مسكوه على اساس انه بدر المطيري )

وهذه اللي مسكوه في بيتها بعد ما انسـ.،،جن اتفقت معه انه لما ينقلونه لمستشفى على اساس انه مريض تهربه
وراحت للمستشفى لما كان هذا المـ..،روج فيها وهي لابسه عباية ونقاب ودخلت وادعت انها زوجته ولما دخلت عليه في الغرفة عطته عباية ثانية ونقاب وهربته ومشت على الشرطة والدنيا ومحد لاحظ او انتبه ان اللي هرب المسـ..جون وبعد فترة مسكوها هي بس المـ..،روج ما مسكوه ولا حصلوه
وطبعاً كل هالكلام سار وبدر كان متوظف وقتها وعايش حياته وفي عمر الزهور بالعشرينات ومايدري ان كل هذه التهم قاعدة تسير عليه وبأسمه 🥲💔

عشان كذا وقتها في نقطة التفتيش لما كان بدر مع صديقه فهد مسكو بدر .. لانهم يحسبونه هو نفسه المتهم هذا اللي هرب

المهم لما بدأت توضح براءة بدر .. الشرطة استدعوا نفسه ذيك اللي كانت على علاقة بالمـ..،روج وطلعوها من السجن وجابوها لمكتب وكيل النائب وبدر كان موجود هناك ولما دخلت بدأ يسألها الوكيل كم سؤال وبعدها قال لها
هل الشخص اللي هربتيه من المستشفى ذاك الوقت موجود الان معنا في الغرفة؟

طالعت في الكل وقالت لا مو موجود وعاد عليها السؤال اكثر من مره لييين تأكد من إجابتها ..

وبعدها طلع جواز سفر بدر اللي كانت فيه صورة الشخص الهارب والمنتحل لجواز بدر .. ولفه عليها فقالت صح هذا هو نفس الشخص اللي اعرف واسمه بدر محمد المطيري
قام قالها نائب الوكيل .. بدر محمد المطيري هذا هو اللي موجود معنا ودخل السجـ،،.ن بدال ذاك الشخص بالغلط ( يعني المـ.،،روج لاعب عليها حتى هي وقايلها اسمي بدر المطيري )

وخروج بدر من القضية كان صعب واخذ وقت طويل وفي عام 2007 تم استبعاده من القضية بعد ما قضى سنة و8 شهور بالسجـ،ن و6 سنوات في الرعاية اللاحقة اجباراً 💔

وبدر كان يقول ان السجـ،ن افضل وارحم من الأشياء اللي كان يشوفها بالرعاية اللاحقة من ضـ،رب وأهـ،انة وشتـ،م بشكل يومي

يعني من 1998 الى 2007 وهو كان تحت وقع ظلم كبير وتدمرت حياته وتشوهت سمعته وخسر كثييير اشياء اذا مو كل شئ 💔💔

ووقتها بعد ما اثبت براءته تماماً الدولة عوضت بدر بمبلغ 200 الف دينار كويتي يعني تقريباً 2 مليون ريال سعودي ..
ووقتها أنتشر خبر التعويض في المجلات والأعلام والكل عرف وتأكد ان بدر بريء من هذه التهم

ولكن للأسف بعد ثلاث سنوات من استلام بدر للمبلغ .. في قاضي سوا أستئناف لانهم شافوا ان المبلغ اللي اخذه بدر كان إسراف على الدولة وكان من المفترض انه ياخذ 50 الف دينار فقط وفعلاً طالبوه انه يرجع لهم 150 الف دينار ورجعها .. شئ مو طبيعي اللي يمر فيه حتى بعد براءته

تدرون وش اكثر شئ وجع قلبي ؟ انه قالهم برجع لكم كل شئ خذوا كل ما املك ما ابي التعويض ولا ابي الفلوس كلها .. احتاج منكم انكم ترجعون حياتي الى نقطة التفتيش اللي انمسكت فيها بس ! بس رجعولي حياتها الى ذاك الوقت ولا تخلون العسكري يمسكني وانا راضي بدون تعويض وبدون ولا شئ 💔💔

لانه من نقطة التفتيش انقلبت حياته من واحد مبسوط ان زواجه بعد 4 ايام وحياته وعمله وكل شئ بافضل حال الى شخص تعرض لابشع انواع الظلم واسوأ معاملة 💔💔

وبالنسبة للشخص اللي تسبب في سجـ،ن بدر يقول بدر ان اسمه الحقيقي عيفان وبدر قال ان في اشخاص تواصلوا معه وقالوا انهم شافوه بالسعودية في ذيك الفترة وكان وقتها يغسل كلى وتعب كثير لين حصلوه فجأة طايح في الشارع ومتـ،،وفي … وطبعاً مافي شئ مسجل باسمه كتُهم عشان كذا دخل المملكة وقدر يطلع من الكويت .. لانه حط كل البلا باسم بدر

وبدر يقول اذا فعلاً هو متـ.. وفي وحصله كذا .. فانا مسامحه دنيا واخرة لأن جزاه اللي اخذه في الدنيا يكفيه
ياطيبة قلبه قليل اللي يقدرون يسامحون مثله خصوصاً انه هالشخص هو اللي دمر كل حياته 💔

اللقاء كامل موجود على محفوف في اليـ..وتيـ.وب .. حاولت اختصر لكم الأحداث قدر المستطاع لان البودكاست جزئين ومدته 6 ساعات تقريباً مو قصير ابداً

و المواقف اللي ذكرها كانت كثيرة جداً ومليانة تفاصيل توجع القلب .. وشوفوا مشاهدات اللقاء حقه كم وصلت في 12 يوم 2 مليون

سبحان الله بعد ما كان يطالب بأن يسمعه او شخص واحد لمدة ثواني بس !! سمعوه الحين حوالي مليونين شخص وسمعوه لمدة 6 ساعات مو ثواني وبدون نقطة ملل

طبعاً كل اللي ما صدقوه انه بريء غصب عنهم صدقوه بعد ما انتشر انه بريء بس الى وقتها كان يعتبر نفسه كسب براءته ولكن خسر اشخاص كان يحبهم ويعزهم وخسر كثييير كان يتمنى انه يكونون اصدقاء العمر .. وانا اشوف خسارتهم مكسب لانهم ما وقفوا مع صديقهم وكذبوه وهم يعرفونه عز المعرفة 🥲

بس سبحانه ربي حتى وبراءته اثبتت من 2007 الا ان ربي بعد كل هالسنين اراد ان هالملايين كلهم يشهدون على براءته ويدعون له بالعوض عن اللي مر فيه .. كل التعليقات له بكل مكان تتثلج الصدر
وطبعاً اول ما انسجن كان عمره تقريباً 26 سنة والحين عمره 47 سنة ولو شفتوا البودكاست وكلامه بتلاحظون انه يتكلم عن المواقف وكانه يتكلم عن سالفة سارت له أمس مو كأنها قبل اكثر من 20 سنة