بما اننا فى season التخرج بتاع الناس وكله هيبقى بى job hunt الفترة دى، فى التويت دى هكلم عن شويه tips للمرحلة دى اتمنى تبقى مفيدة خصوصا للناس الى هتجرب لأول مرة.
أولا مرحلة التجهيز. فى المرحلة دى المفروض عندك شوية target company profiles كده بتجهز ليها. يعنى ايه company profile، يعنى نوعيات، مثلا فى نوعية شركات ال interviews فيها عبارة عن problem solving بس، فيه نوعية تانية ممكن تسأل design problems حتى لو junior، فى نوعيات بتركز اكتر على تفاصيل stack معين بيبقى فيه مثلا hiring task فى الاول، وهكذا. مهم تبقى عارف الشركة الى عايز تقدم فيها انهى نوع عشان تعرف تحضر بشكل effective. طيب تعرف الكلام منين؟
1.بتسأل الناس الى شاغلين هناك مثلا
2.بتسأل الناس الى دخلت process هناك اقبل كده، ساعات بتلاقى glassdoor reviews لى interviews برضه
3.لو شركات كبيرة زى FAANGs وكده ممكن تلاقى websites كتير عندهم الاسئلة الى الناس شافتها هناك اقبل كده. ده يديك فكرة عن النوعية والمستوى.
4.أخر حاجة، ودى حاجة مش ناس كتير بتفكر فيها، انك تخش مرة تجرب نفسك. ده هيساعدك تعرف الى انت عايزه للمرات الجاية.
ثانيا، مرحلة التقديم. لازم تبقى متابع لما شركة من الشركات الى عايز تشتغل فيها يبقى عندها openings، تعمل كده ازاى؟
1.بتباع مثلا ال career pages بتاعة الشركات دى
2.بتابع ال recruiters الى شاغلين هناك ساعات بى post لما يبقى فيه openings.
3.لو تعرف حد شغال هناك، ممكن يقولك برضه
4.أو انك تبقى بتبعت لناس شاغلين هناك تسألهم.
فى رأى أهم حاجة فى المرحلة دى انك تقدم بدرى جدا. عشان اغلب الشركات ممكن يجيلها volumes كبيرة من ال applications بسرعة جدا، فا دول اول شويه ناس ال recruiters بيكلموهم وبيدخلوا process وساعات ممكن لو فيهم ناس كويسة يتقبلوا على طول وال applications الى جت بعد كده بتبقى frozen خلاص. فعشان كده لازم تبقى جاهز، ال CV بتاعك جاهز و updated ديما.
نقطة كمان مهمة، حاول تطلب referrals. انا كتبت tweet اقبل كده ان غلط ت refer ناس كتير randomly كده، بس انت سيب الشخص ده هى الى يقرر، أطلب referral عادى، لو تجاوب معاك خير وبركة، لو لا خلاص افهم موقفه برضه. وعشان فرصك فى الموضوع ده تزيد، حاول تعرف الناس دى، اتواصل معاهم عادى فى context مختلف، انك بتسأل مثلا على حاجة، بتابعهم وهكذا، فا بيبقوا الى حد ما عرفينك بعد كده. طبعا احسن حاجة برضه لو تتابع صحابك او الناس الى معاك فى الكلية (أكبر منك او دفعتك) وتطلب منهم. المفروض بيبقى عارفين شويه تجربتك ومش بيحسوك totally random كده. موضوع ال referral ده مهم لانه بيعديك ال CV filteration الى ناس كتير بتقع منه ساعات بغلطات كمان من جانب الشركات، وبيخليك متقفش فى طابور الكام ألف واحد الى بيقدم على اى opening. لو معرفتش، خلاص مش مشكلة يعنى، أغلب الناس بيبقى مش معاها referrals كده كده.
حاجة كمان مهمة، محتاج تبقى عارف الشركات عموما بت hire امتى. يعنى شويه الموضوع فى جزء seasonality مش قليل. ابسط مثال ال internships كلها فى الصيف، من أول May لى July مثلا. بس حتى ال fulltime jobs فيها seasons برضه. مثلا اخر وأول السنة، ده بيبقى وقت ناس كتير بتغيير فيه شغل، فا بيبقى فيه backfilling كتير. أو بعد ال raises و ال promotion cycles. كمان اخر السنة شركات كتير بتبقى عملت ال hiring goals بتاعة السنة الجاية وبتبدأ ت hire. انك تبقى عارف الاوقات دى بيساعدك شوية تجهز بدرى. شباب كتير بتلقيهم يسألوا انا عندى interview الاسبوع الجاى، أحضر ازاى. لا المفروض انت محضر من بدرى زى ما اكلمنا فى أول نقطة.
حاجة اخيرة فى المرحلة دى، فى غلطات كتير جدا تافهة بتحصل فى ال applications زى انه حد يعمل upload لى CV قديم. او يقدم ب CV irrelevant لى ال position الى بيقدم عليه، بلاقى اسئلة كتير ديما فى النقطة دى. ركز وخلى ال materials بتاعتك جاهزة وسهل توصلها من غير غلطات. وحاول على قد ما تقدر متبقاش عندك CV واحد فيه كل حاجة من الشرق والغرب وبتقدم بيه فى كل حاجة. لو بتقدم backend قدم ب CV ب highlight ال backend skills ولو بتبقدم frontend اقدم ب CV بى highlight ال frontend skills وهكذا. فى شركات كمان بتهتم ب linkedin فاعمله update برضه ديما … (1/2)

… ثالثا، مرحلة انك دخلت process، المرحلة دى usually بتبدأ يا أما ب task أو test لو حاجة زى internship مثلا فيها applicants كتير، أو screening call الاول. ال screening call بتبقى اسئلة بتدور حوالين ال CV بتاعك وخبرتك وهكذا، فا حضر انك تقدر تكلم عنهم وتقول examples وتعرف ت elaborate كويس. فى شركات كتير كمان بتعملها بال English عشان تقييم مستواك بالمرة، فا حضر الكلام ده بال English برضه. لو fulltime ممكن يتكلموا معاك فى salary expectations فا حضر لده برضه، وممكن اسأله زى تقدر ت join امتى، خليك فاكر ايه ال notice period بتاعتك وهكذا.
أغلب الشركات طالما بعتلك task أو test فا هم كده كده هيبصوا عليها حتى لو حد تانى بعتها اقبلك. فا خد وقتك وحاول تعمل كويس. وفكر فى ال tricks اكتر من انك تعمل الحاجة بالظبط. محدش بيبعتلك task تعرف تروح تنقلها من حتة، ديما بيبقى فيه كام نقطة بيدورا عليهم. أنا ممكن اعمل review لى task فى دقيقتين حرفيا، وهى تاخد مثلا يومين شغل. فا ركز على ال tricks و الحاجات الى مش mentioned explicitly بس بت make sense و expected. بس don’t go down rabbit holes برضه. مع ذلك، لو تقدر تعملها بسرعة يبقى احسن عشان هتكمل فى ال process اسرع برضه.
بعد المرحلة دى، بيبقى فيه بقى series of interviews ممكن تبقى 1 أو 2 أو 3 أو اكتر على حسب ال position و الشركة وحجمها (زمان فى ال internship فى instabug عملت بتاع 4 أو 5 interviews، دلوقتى بنعمل 1 أو 2 بالكتير اوى). هنا ممكن يتكتب كلام كتير اوى tips لى ال interviews نفسها، ممكن نكلم عنها فى وقت تانى.
بس لو حد عنده اسئلة عن نقطة معينة يقولى. وبالتوفيق للجميع. بتبقى مرحلة stressful جدا وساعات ال rejections بتبوظ ثقتك فى نفسك، بس كلنا كده، وده عادى، وحاول تفضل مركز بس عشان متضيعش كل الفرص. (2/2)