رتبها

الدول الحامية و الدول الحَية!
في تقرير عملته الـCNN عن طريق 3 مصادر مطلعة"مجهولة"!
هرد على أهم اخبارالتقرير وأقدم تحليل للتصنيف الحقيقي لدور مصر في الوساطة من المصادر الموثقة
وعد مش هندخل في زحمة مصطلحات ولا نتعمق في قوانين.
الصورة بعيدا عن التطجين وتقارير المُحرفين
#شيرين_هلال

بتتهم مصادر التقارير "المجهولة" مصر بإنها غيرت بنود وثيقة الاتفاق على الهدنة كانت وقعت عليها إسرائيل بالفعل في وقت سابق، و مع إعلان حماس عن موافقتها من البنود، إكتشفت إسرائيل إن "الاتفاق لم يكن ما تم تقديمه لحماس بحسب قطر و الولايات المتحدة،
-٢تابع

ولم يتم الكشف عن تفاصيلها من قبل وحدثت موجة اتهامات بين قطر و إسرائيل والولايات المتحدة، وتركت اتفاق وقف اطلاق النار في طريق مسدود. تم خداعنا جميعا"
🔹المصدر بيقول إن وليام بيرنز كان في المنطقة لإنقاذ المفاوضات عندما علم بان المصريين قد غيروا الاتفاق
-٣تابع

نفس الشخص قال أن بيرنز" كان غاضبا و محرجا "، معلش المصادر المطلعة متعرفش إن وليام بيرنز كان موجود في مصر
بتاريخ 5 نوفمبر2023
11 فبراير2024
5 ابريل2024
8 مايو2024
و مع كل الوجود دا و هو دبلوماسي مخضرم وخبير بشؤون الشرق الأوسط و الدول العربية منه تحديدا، معرفش يخلص الاتفاقات
-٤تابع

و لا يعمل صفقة تساعد إسرائيل على تحقيق أهدافها من الحرب؟ و مع كل الزيارات و التاريخ الطويل لرئيس الإستخبارات الأمريكية لم يكتشف تلاعب المفاوض المصري!
دا وليام بيرنز اه تاريخ حافل معانا يا قوم!
👇👇
-٥تابع

أنا بس عايزة أفكر حضرتك بإن وليلم بيرنز هو ذاته نفس وليام بيرنز مساعد وزير الخارجية الأمريكي كون كيري، اللي كان مكلف من الإدارة الأمريكية في 2013 بالتفاوض مع مصر (بشكل سري-تلات تربع معلن كدة) على الأزمة السياسية ما بعد الإطاحة بمرسي و حضر للقاهرة في مساء 2 أغسطس
-٦تابع

بعد ما أعلنت السلطات ضرورة إخلاء ميادين الإعتصام، وعلل حضور سيادته بـ
"يخشى المجتمع الدولي من أن يؤدي إلى إراقة المزيد من الدماء وتعميق الأزمة السياسية" وبيرنز هو مسكن للآلام و مداوي للأحزان!
الغريب بقى إن التقرير قال إن CNN معرفتش تاخد تعليق من وليام بيرنز
أقولك ليه معرفتش؟
-٧👇

عشان مستر بيرنز صاحب نظرية إن "التجسس جزء أصيل من فن الحكم" دا مش كلامي، دا كلامه في مقال هو ذات نفسه نشره في يناير 2024 في foreign affairs
و طبعا لا مكتبه رد و لا علق و أي حد حاول يرد على التقرير بعد صدوره!
طيب أثبت لك علاقة وليام بيرنز و نظرياته بالتقرير:
-8تابع

المصادر التلاتة مع بعض المذكورين في التقرير، أشاروا على شخص اللواء أحمد عبدالخالق اللي هو نائب رئيس المخابرات المصرية، نظير وليام بيرنز في قيادة الوساطة المصرية الأمريكية القطرية في المفاوضات ما بين حماس و إسرائيل، أنه هو المسؤول عن التغييرات. هو هو بس هو !!🤔😱
-٩تابع

و في مصدر من التلاتة المجهولين قال إن اللواء عبدالخالق قال لحماس كلام مختلف عن اللي قاله لإسرائيل و إسرائيل وافقت (ضمنيا) علي مطالب كتير لحماس بالفعل عشان تحصل على موافقة حماس، لكن اطراف الوساطة الأخرى (قطر و الولايات المتحدة) وإسرائيل محدش بلغهم بتغييرات مصر لصالح حماس!
-١٠تابع

السيد بيرنز في مقاله إعتمد سياسة جديدة إسمها "رفع السرية الإستراتيجي" ,وبتعني الكشف العلني المدبر عن أسرار معينة (قد تكون محدودة) لتقويض المنافسين أو تدعيم الحلفاء، اللي هو واضح تطبيقه في تقرير الCNN . هو كدة حاول يخف الضعط عن الولايات المتحدة مش إسرائيل لوحدها،
-١٠تابع

لأن العالم بيوجه خطابه للقوى العظمى اللي بتدعم إسرائيل،هيخف الضغط إزاي من غير مايشتت الأطراف القويةحول إسرائيل وبكدة يكسب وقت للإدارة الأمريكية تلاحق على الضربات اللي نازلة ترف بسبب دشملة إسرائيل للقوانين الدولية ومساهمتها الرفيعة في إنهيار منظومة القيم الغربية المشرومية🍄
-١١👇

السيد بيرنز شايف إستخدامه للإسلوب دا في إدارة شؤون الحكم هيمكن أجهزته من أدوات قوية تتقدم لصانعي السياسات الأمريكية،دا غير إن إسلوبه و بحسب تعبيره هيعلي من القيمة المتزايدة لدبلوماسية الإستخبارات،واضح إننا أمام كيسنجر جديد في نسخته الأشرس و الأكثر خطورة تنظيريا واستراتيجيا!
-١٢👇

لو حابب تعرف تحليل لنظريات سيادته من مراكز الأبحاث ممكن تشوف الرابط دا
interregional.com
هتكتشف كمان شوية اكتشافات لطيفة جدا أبسطها إنه تعمد ميذكرش غزة و الحرب فيها في صدر إهتمامات العم سام بالعكس أوكرانيا هي أم المعارك بالنسبة له،
-١٣تابع

interregional.com/article/%D8%B1…

رؤية "بيرنز": دور وكالة المخابرات المركزية في عصر المنافسة الجيوسياسية

دور وكالة المخابرات المركزية في عصر المنافسة الجيوسياسية

بالرغم من إننا تتبعنا زياراته المتعددة اللي بتوضح أد إيه وصل الفشل و القلق للعضم و خلاه مضطر يكون متواجد بنفسه !
طيب مين بقى اللي واقف في وش كل هذه الأهداف و المخططات من ورا الحرب دي اللي مش هنعيد و نزيد فيها؟
مين بيقول لأ للتهجير؟
مين بيقول لأ سيناء للمصريين؟
-١٤تابع

مين بيقول لأ للتنسيق الأمني على معبر رفح مع إسرائيل؟
مين رافض إدارة المعبرمن إسرائيل؟
مين الوحيد اللي بيقدر على حاجات تانية هنقولها كمان شوية!
x.com
-١٥تابع

Loading tweet...

و نرجع للتقرير تاني هنلاقي مصدر تاني مجهول زي الأولاني، قال إن مصر سعت لطمس الخطوط الفاصلة بين الإطار الأصلي و رد حماس عليه
الوثيقة بتاعة حماس (اللي مفروض مصر غيرتها بحسب CNN ومصادرها المخفية)
موجودة مع CNN بس مبتتكشفش في الميديا، بتبرَد أو بتستحي!
-١٥تابع

و بحسب CNN :
الوثيقة اللي كان جواها تحقيق وقف إطلاق النار و "الهدوء المستدام" اللي هنوصله إن شاء الله بعد في المرحلة التانية من الصفقة اللي مكونة من 3 مراحل، بس إسرائيل كانت معارضة مناقشة إنهاء الحرب قبل هزيمة حماس و إطلاق سراح الرهائن!
لحظة واحدة معلش🤔
-١٦تابع

يعني دي مفاوضات هدنةبعد حرب دامت 7 شهور
وفي طرف على الطاولة بيشترط هزيمة الطرف التاني اللي معاه على نفس الطاولة والمفاوضات كملت عادي؟!
طب إزاي؟
هو مش المفاوضات دي معمولة عشان إنهاء حرب،بعد نضج الصراع ودخوله مرحلة الاعودة؟ إزاي إسرائيل رفضت مناقشة إنهاء الحرب وحماس كملت؟!
-١٧

بيكمل التقرير اللي مأخوذ عن لسان مصادر منعرفهاش:
الكل بيتساءل عن دوافع مصر اللي عملت كوسيط بين الطرفين لسنين و خصوصا أطراف حماس اللي جوا غزة
في تلميح صريح لإدانة مصر وشيطنتها على أساس عميل مزدوج!
طيب مستر بيرنزو ادارته عشرة معانا ازاي تسمحوا نخدعكم مخابراتكم بعافية؟
ياعيني
-١٨👇

وكان لازم يستشهد بنتنياهو اللي لما أتساءل على مشاعره القلقانة تجاه استكمال مصر للوساطة، رد بإن مصر لازم تفهم ان إسرائيل معندهاش استعداد توافق على شروط ممكن تدي فرصة لحماس بمهاجمة إسرائيل من تاني.
طيب هي مصر معندهاش رئيس وزراء تسأله؟
و لا وزير خارجية؟
-١٩تابع

و لا حتى مكتب لنائب رئيس المخابرات اللواء أحمد عبدالخالق يرد عليك؟ من باب حق الرد المكفول و المهنية؟ إنتوا بتعرفوا تسألوا نتنياهو و تسربوا معلومات مستخبية من ناحية واحدة بس؟
يا سيدي المجهول:
انت مأثبتش لا بالدليل و لا بالإدعاء إن مصر غيرت في الوثيقة
طب مصر ترد على ايه؟
-٢٠تابع

نفهم من دا إن مركب وكالة الأنباء الأشهر و الأضخم محملة على ناحية واحدة فقط، طيب ما هي مش هتعوم، بالعكس هتغرق!
معلش ممكن سؤال صغنون ، هو لازمته إيه مكتبكم في القاهرة؟ ما توفروا مصاريف و تدونا فرصة نرتاح من هذه الأكاذيب؟
-٢١تابع

الحقيقة ركز التقرير على "مدى السخاء غير العادي من جانب إسرائيل" في إطار العمل بحسب أقوال أنتوني بلينكن ، بس محددش السخاء في هدم المنازل بالديناميت و لا الفسفور الأبيض و لا الجرافات اللي بتهد البيوت و تخلع البنية التحتية ، محددش برضو السخاء دا في عدد القتلى و لا عدد الجرحى
-٢٢👇

و لا عدد المشردين، أصله مش معقول يقصد سخاء في التفاوض و هو بيضرب في أخر زاده!
للاسف التقارير كلها بتتكلم عن ان غزة لم تعد صالحة للعيش بسبب سخاء اسرائيل اللي مستر بيرنز قال لبتوع CNN يقولوه!

التقرير و بناءا على المصادر المجهولة برضو قال إن بعد إكتشاف التدخل المصري، قام رئيس الوزراء القطري محمد بن عبدالرحمن بن جاسم آل ثاني بلغ رئيس المخابرات الإسرائيلي بإن مصر إتصرفت من تلقاء نفسها من دون الرجوع إليه و الإتنين رئيس الوزراء القطري و رئيس المخابرات الإسرائيلية
-٢٤تابع

إضطروا يشتغلوا لوحدهم ويوازنوا العناصر لإنجاح المفاوضات ببنود عارفين إن إسرائيل في احتياج لها!
مع إن قطر نفسها نزلت بيان فور نشر تقرير الـCNNصادر عن وزارة الخارجية
دعت فيه لعدم الالتفات للتقارير الإعلامية اللي بتحاول التشكيك وكيل الاتهامات لجهود الوساطة لوقف العدوان على غزة
-٢٥

ودا لأن قطر نالها قبل منا تدُخل وإملاءات وإتهامات بناء على تصريحات من نواب معروفين بالإسم(مش مصادر مجهولة)
ودا ياخدنا للتصريح الخطيراللي ظهر في إبريل الماضي من دولة قطر بتقول فيه إنها محتاجة تراجع دورها كوسيط– التصريح الغريب كان رد على تعليقات للنائب "الديموقراطي"ستيني هوير
-٢٦👇

، دعا فيها الإدارة الأمريكية لـ"إعادة تقييم" علاقاتها مع قطر، لأنه بحسب رؤيته شايف إن قطر لابد تضغط على حماس بـ"التهديد" بوجود تداعيات إذا واصلت حماس عرقلة الإفراج عن الرهاين و التوصل لحل مؤقت!
فكان رد الشيخ محمد آل ثاني بدرس في أصول الوساطة للسيد هوير:
-٢٧👇

"هناك حدود لدور الوسيط ولا يستطيع الوسطاء تقديم أشياء الأطراف نفسها تمتنع عنها" والسفارة في واشنطن إنتقدت تعليقات النائب رسميا وقالت هتراجع دورها كوسيط لأن هناك"إساءة لاستخدام هذه الوساطة في صالح مصالح سياسية ضيقة و هناك مخاوف من تقويض جهودها بفعل ساسة يسعون إلى تحقيق مكاسب"
-٢٨

قطر تأسفت لتأرجح المفاوضات ما بين السير قدما و التعثر و إنها بتبذل مجهود لمعالجة الأمر في وقت يعتبر حساس جدا بالنسبة للمفاوضات.
و بيكمل التقرير الإتهامات لمصر على لسان مصادره المجهولة، و يقول إن المسؤول المصري عمل التغييرات الكبيرة لإقناع حماس بالموافقة
استنى اللي جاي بقى
-٢٩👇

ويناقض نفسه في نفس السطر ويقول مصر أبلغت الـCNN إنها تلقت موافقة حماس وبعتتها للجانب الإسرائيلي اللي إعترض عليها لإنها لم تعطي لإسرائيل أي حاجة من طلباتها
إسرائيل ليه متهمتش مصر مباشر في ساعتها إحنا بنتكلم على تاريخ 6-7 مايو
والتقرير نازل22 مايو
بفرض صحة الإتهامات ساكتين ليه؟
-٣٠

وليه الإتهامات لمصر مجاتش على لسان واحد شجاع زي النائب هوير اللي حاول يملي إملاءاته على قطر؟
ليه يا جماعة محدش بيواجهنا ولو بعرايس ماريونت حتى؟
معقول مصر تواجه مجاهيل مجهولين مُجهلين؟
هنا التقرير واللي كاتبينه بدل ما ينضفوا المسدس الطلقة خرجت بإيديهم إخترقت
دماغهم
-٣١تابع

قالك المصدر التاني المجهول برضو:
لو رجعت المفاوضات هيكون دور قطر أكبر من الأول (إعتمادا على إنهم مارسوا عليها الضغوط و كدة) بس مصر دورها هيكون مركزي نظرا لقربها الأساسي من "حماس"، وتفضيل إسرائيل لمصر على قطر!
التقرير قال كدة فعلا!😵‍💫🥴
-٣٢تابع

يعني منين قطر هتلعب دور أكبر وإسرائيل بتفضل مصر عليها؟
ومنين مصر قريبة من حماس وإسرائيل بتفضل مصر على قطر؟
ومنين هيجيي التفضيل لو بحسب زعم التقرير إن مصر زورت الوثائق على غير صالح إسرائيل؟
حد يوطي سرعة المرجيحة،الاوغاد ابتدت تهزي وهتعترف
الله ينور يا رجالة-ايديكو جامدة😍
-٣٣👇

فين بقى الرد المصري؟
الرد المصري جاء على لسان رئيس الهيئة العامة للإستعلامات المصرية نفى الاكاذيب وهدد بالإنسحاب من المفاوضات لو استمرت هذه الأكاذيب، طب و هي مصر تهدد ليه بالانسحاب لو الكلام دا صدر عن تقرير صحفي بلا أسماء من وكالة أنباء بتاعة الصهيوني روبرت ميردوخ ليييه؟
-٣٤تابع

علما بإن الهيئة لا تنطق عن الهوى يا سادة، دي تابعة مباشرة لمؤسسة الرئاسة يعني هيئة سيادية!واللبيب بالإشارة يفهم
لما نربط تصرف قطر الغاضب الشهر اللي فات وتصعيدها الأمر سياسيا وتهديداتها اللي وصلت لدرجة كشفها عن أسباب رعايتها لحماس على أراضيها بناءا على طلب أمريكي سابق بالأساس
-٣٥

وثورتها العارمة على إنتقادها ومحاوله تشويه وإستغلال دورها في الوساطة مع موقف مصر الغاضب وتهديداتها بالإنسحاب بالتزامن مع محاولة تطبيق نفس سياسة السيد بيرنز و إدارته لؤسسته الإستخبراتية بنظرية "رفع السرية الإستراتيجي" على المملكة العربية السعودية
-٣٦تابع

بإعلان إقتراب اتفاق التطبيع مع إسرائيل بدون تضمين حل الدولتين أو الإيحاء بأن الدول العربية لا تولي غزة إهتمام في الغرف المغلقة ، بالتزامن كمان مع إعلانات حادة من إسرائيل على لسان نتنياهو و جالانت و شلة الحكومة المتطرفة ، اللي بتقول مفيش دولة فلسطينية
-٣٧تابع

فتخرج المملكة على لسان ولي العهد الأمير محمد بن سلمان تكذب إدعاءتهم الباطلة و تقولها واضحة شجاعة :
"لا سلام مع إسرائيل قبل ضمانات لحل الدولتين"
طيب كدة في خلال ساعات مواقف مصر، قطر، السعودية غاضبة و بشدة كان إيه رد فعل إسرائيل و الولايات المتحدة الأمريكية:
-٣٨تابع

على نفس منصة التقرير بتاعنا:
وصف وزير الخارجية الأمريكي أنتوني بلينكن مصر بأنها "شريك مهم" في مفاوضات وقف إطلاق النار بين إسرائيل وحركة "حماس"ومعلقش على تقرير شبكة CNN بأن المخابرات المصرية غيّرت في صمت بنود مقترح وقف إطلاق النار الذي وقعت عليه إسرائيل بالفعل في وقت سابق
-٣٩تابع

وسفيرة أمريكا في القاهرة هبت من على كرسيها و قالت مصر شريك لا غنى عنه في جهودنا من أجل منطقة أكثر إستقرارا!
ايه دا يا ولا مش احنا امبارح كنا نوتي و بنكذب زي كلينتون!!!
What happened!!!🥰🤣
-٤٠تابع

المدهش في الأمر إن شبكة CNNمسحت أسماء الصحفيين اللي كتبو التقرير من النسخة العربي وكأنها بتحمي العملاء!
طب ما احنا بنعرف نقرا انجليزي يا اذكى اجهزة مخابرات في العالم
بس اللواء احمد قاهرك اوى يا واد يا مزيكا 💃
طبيعي بالاداء دا انت مستواك في الاستخبارات خالي من الشغف
-٤١👇

والأغرب إن مكنش في تداول على التقرير من المنصات المنافسة للشبكة زي رويترز أو بي بي سي أو حتى الصحف الأمريكية كأنها تعليمات صدرت للأغلبية بعدم التداول خوفا من تصعيد ما!
طب ممسحتوش التقرير بالمرة ليه طالما مستشعرين سوء تصرفكم!
مكشوف اوى لما تستعمل منصة اعلامية بهذا
-٤٢تابع

الحجم في تنفيذ نظرياتك الاستخباراتية وبرضو تفشل!!
قولنا مصر لا لا لا
دا حتى المعارضة يا راجل مقبلتش منك اللعبة الخايبة دي
طب كنت دخل النظرية المعمل الاول!!
كدة اول ما تجرب تيجي مع مصر!!
جبت لك الخيبة جنب بعضا -اتعلم بقى
نو مخ؟
-٤٣👇

طيب إسرائيل حصل فيها إيه؟
في خلال ساعات كان طلع التصريحات الأتية:
الجيش الإسرائيلي: العلاقة مع مصر مهمة جدا بالنسبة لإسرائيل ونشكر دورها في الوساطة
الله .. مش مصر غيرت البنود بحسب التقرير، أمال عايزها ليه؟ طب مطلعش كذب CNN ليه؟ ببساطة لأنه كان فاكر هياخد نفس يماطل بيه شوية
-٤٤👇

أو يقدر يضغط على مصر عن طريق سياسة بيرنز، فلازم يتعمد عدم التعليق، لكن الشوكرانية اللي من غير سبب على الريق دي من الكيان الصراحة "يكاد المريب أن يقول خذوني"
مجلس الحرب الإسرائيلي:
اللي هو بقيادة بنيامين نتنياهو بالإجماع وجه فريق المفاوضات باستئناف المباحثات لإتمام الهدنة
-٤٥👇

والإفراج عن المحتجزين مع مصر وقطر
مش بس كدة
دا كان في اقتراحات قوية بإن إسرائيل تقدم اقتراحات تتوافق مع المقترح المصري اللي وافقت عليه حماس!
كدة نقرا الفاتحة قبل إعلان موعد دفن سياسة السيد بيرنز في الضغط على دولة بحجم مصر، وفشله كمان في إحداث حلحلة للمواقف العربية المتماسكة
-٤٦👇

يعني فشل All the way Mr Burns
خلصنا من إتهامات التقرير و نقول شوية حقائق قانونية و تعريفية لشكل الوساطة اللي قدمتها مصر بالتحديد بعيد عن التغطيات الصحفية و الشكل العام اللي مش دايما بيتم تناوله من الزاوية دي:
-٤٧تابع

مصر لعبت دور كبير على مختلف الأصعدة منذ إندلاع طوفان الأقصى x.com
x.com (بخلاف أدوارها الجبارة في الحروب السابقة داخل وخارج قطاع غزة لخدمة القضية الفلسطينية)
هسيب لحضراتكم سردين سابقين لو حابين تعرفوا مصر قدمت ايه في الحروب الحديثة السابقة
-٤٨

Loading tweet...

في الواقع الدور المرة دي اتقسم ما بين التهدئة و التفاوض، إقامة المبادرات و القمم، إستقبال الوفود من رؤساء الدول والحكومات، بالإضافة إلى إطلاع موظفي المنظمات الدولية على أحوال المعبر على الواقع، تخصيص مطار العريش ، بناء منطقة لوجستية خصيصا لخدمة حركة التنقل من و إلى المعبر
-٤٩👇

x.com تقديم المعونات الأكبر 80% تقريبا من اللي أتقدم للقطاع كان من مصر ، الإشراف العسكري و الأمني على عملية التسليم و التسلم للأسرى، و هي جميعها ضمن نطاق أعمال ما يعرفه القانون الدولي باسم "الدولة الحامية" بدون إعطاءها التوصيف القانوني الصحيح على الواقع.
-٥٠👇

Loading tweet...

يعني إيه "الدولة الحامية"
هي الدولة التي تتدخل تدخلاً مشروعاً بقصد حماية ضحايا الحرب من الجرحى والاسرى والمدنيين في أي من الدول او الاطراف المتنازعة انسجاماً مع قواعد القانون الدولي الإنساني. طيب مصر عملت دا ؟
الحقيقة أه عملته✔️✔️
-٥١تابع

اختصاص الدول الحامية بذل المساعي الحميدة في حالة الخلاف بين أطراف النزاع على تطبيق أحكام اتفاقية جنيف
وعهدت المادة87 لهاحق الدعوة لعقد اجتماعات بين أطراف النزاع من أجل حل الخلاف،
وألزم الأطراف بتنفيذ المقترحات التي ترسلها إليها الدول الحامية
مصر عملت دا؟
الحقيقة أه عملته✔️✔️
-٥٢

واتفاقيات جنيف الأربعة لعام 1949خولت للدول الحامية سلطات أوسع: زي التطبيق للاتفاقيات بمعاونة وتحت إشراف الدول الحامية اللي بتتكلف برعاية مصالح أطراف النزاع و يجوز أنها تعين بخلاف موظفيها الدبلوماسيين أو القنصليين مندوبين من رعاياها
مصر عملت دا
الحقيقة آه عملت جزء كبير منه✔️✔️
-٥٢

بيمنح القانون الدولي للدول الحامية سلطة مزدوجة، سلطة الوسيط والحارس، إذ إنها يجب أن تكون وسيطًا محايدًا بين أطراف النزاع وفي ذات الوقت تراقب المسائل المرتبطة بتطبيق القانون الدولي الإنساني. هي مصر عملت دا،
الحقيقة آه و أكتر منه بكتير✔️✔️
-٥٣

ويجوز لكل دولة حامية أن تقدم لأطراف النزاع، بناءً على دعوة أحد الأطراف أو من تلقاء ذاتها، اقتراحًا باجتماع ممثليها، وعلى الأخص ممثلي السلطات المسؤولة عن الجرحى والمرضى (فاكر استدعاء موظفين المنظمات العالمية على بوابة المعبر من أول أمين عام الأمم المتحدة ومدعي الجنائية الدولية
-٥٤

وزير خارجية أيرلندا اللي اعترفت بفلسطين امبارح، وفد الكونجرس الأمريكي، ممثل بعثة الإتحاد الأوروبي وكذلك أفراد من الخدمات الطبية والدينية، عند الاقتضاء على أرض محايدة تُختار بطريقة مناسبة. وتلتزم أطراف النزاع بتنفيذ المقترحات التي تقدم لها.
هي مصر عملت دا؟
الحقيقة آه و أكتر!
-٥٥

أنا كمحلل سياسي برفض إن يتقال على مصر وسيط و تتساوى بأي دولة دخلت طرف ، مش شوفونية و لا تنظير، الواقع و القانون و الدور اللي حضراتكم شفتوه بعينيكم لايف بيقول كدة. أنا بتمسك بما يليق بمجهود هذا البلد اللي مش متشاف لاسباب كتيرة خسرنا بسببها جزء من وعي ولادنا بتحدياتنا الحالية!
-٥٦

و بمناسبة الآلية دي اطبقت في1956 على سبيل المثال في حرب السويس قامت سويسرا بدور الدولة الحامية لمصالح كل من بريطانيا وفرنسا في مصر و قامت الهند برعاية مصالح مصر لدى بريطانيا وفرنسا، نظرًا لرفض مصر قيام أي اتصالات مع إسرائيل.
-٥٧تابع

مبقولش إن مصر كان مفروض تاخد اللقب ، لكن بقول إنها مش بتدور على لقطة و لا بتعتمد على سياسة ممكن أطراف أخرى ترسمها أو تفرضها عليها. مصر فرضت إرادتها بحكم قدرتها و ثقلها الإستراتيجي. دولة ميزان و مقام لها كل الإحترام. الإمكانيات في السياسة مش بتتقاس بس بالمقدرات المالية للدول
-٥٨👇

لها حسابات أعقد و أشمل بكتير، لكن الأكيد أكيد إن القوة لها حسابات أهم و أشمل.
طيب بعيدا عن كل دا نطلع بإيه
أولا إنهم فشلوا في تحقيق كل أهدافهم باعترافهم و كان من أهم الأهداف دي نقل الفلسطينيين لسيناء قولا واحدا، حتى الخسارة اللي احنا اتحملناها في قناة السويس
-٥٩تابع

فشلوا إنهم يضغطوا بيها عليها ، لا ترهيب نفع و لا ترغيب شفع.
ثانيا ميقدروش يستغنوا عن الوساطة المصرية مين الدولة اللي تقدر تعمل الدور اللي مصر بتعمله هنتكلم فيها في باستفاضة السرد الجاي
-٦٠تابع

ثالثا واضح إن السيد اللواء أحمد عبدالخالق و الجهاز اللي معاه داس على ديلهم جامد، وبرضو مبيتعلموش الدروس ، كل ما تقربوا من رجالتنا المصريين هياكلوك بأسنانهم، بالعكس مش هتعرف تستغل ضغوطنا عشان تتمكن مننا. عاش يا فندم كمل عليهم كمان و كمان.
-٦١تابع

رابعا: الفاشل في الحرب و السياسة ملقاش حاجة يعملها إلا إنه يكذب و دا جون جابه في نفسه، و هنشرح دا في السرد اللي جاي، هيكون فيه كشف حساب من النوع التقيل أوي.
وطلع ان معبر رفح طول عمره مفتوح باعترافه برضو و اتزنق لما مصر رفضت تنسق معاه!
-٦٢تابع

بعيدا عن هذا الدور العظيم في تمن غالي أوي مصر بتدفعه و هتدفعه في الفترة الجاية ومع ذلك لا كلت و لا ملت و لا اتخلت عن مسؤولياتها برغم أعبائها المضنية.
شهادة إحترام و تقدير للدور البطولي اللي قامت بيه مصر و رجالتها المخلصين في حروب إتفرضت عليها و كفاح خاضته
-٦٣تابع

من أول القيادة السياسية الشجاعة لحد قادة الجيش المصري الأبطال لحد كل جندي إتحمل اللي ميتحملوش بشر من ضغوط نفسية قبل تحمل أعباء الجندية. تحية كبيرة أوي للشعب المصري الجامد الرائع المتحمل الفاهم. إجمد يا بطل هانت.
استنوني السرد الجاي✍️🇪🇬
بقلم
#شيرين_هلال

رؤية "بيرنز": دور وكالة المخابرات المركزية في عصر المنافسة الجيوسياسية

التصنيفات

المزيد من هذا الكاتب

مواضيع ذات صلة

الأكثر اعجابا

رؤية "بيرنز": دور وكالة المخابرات المركزية في عصر المنافسة الجيوسياسية

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد