رتبها

بما انكم مهتمين خلي اسويلكم ثريد كامل عن الموضوع

اولآ اذا جانت بشرتك دهنية "وهذا الشي الاغلب يعانون منه " اشوف بايوديرما افضل غسول للبشرة دهنية وسعرة مناسب بالنسبة لحجمة ويبقى فترة طويلة وهوه افضل شي تستعملة اذا جنت تستخدم مقشرات مثل الاكرتين والدفرين
"سعرة "20الف"

اما اذا عندك بشرة جافه تكدر تستعمل لاروش او سيتافيل بس اسعارهم مبالغ بيها ونتائجهم مو كلش حلوه وتجربتي وياهم سيئة لكن الأغلب استفاد منهم

اما اذا عندك بشرة مختلطة نيتروجينا هوه افضل شي واني اشوفه احسن من لاروش وسيرافي وسيتافيل وباقي الشركات "وسعرة 10 الف "

اما اذا جنت تعاني من الحبوب اهنا راح يكون عندك خيارين همه البانوكسيل و الاكرتين

البانوكسيل نتائجة سريعة لكن لازم تستعمله بحذر لان قوي على البشرة وهوه حاليا اقوه غسول للحبوب لدرجة حته حبوب الجسم يكدر يشيلهم
"سعرة 30 الف"

"اما #الاكرتين هوه السر الي يستعملو الكل "والي جاب نتيجة مع الكل ( ماعدا الي يعانون من الوردية والاكزمة والبشرة الحساسة) لان يجدد خلاية البشرة و يفتحها ويصفيها لان متكون من مشتقات فيتامين A وبعد فترة طويلة من الاستعمال راح ينطيك بيبي فيس

ويكولون حته يصغر الخشم لان يزيل الدهون الي بي 💀 لكن هوه هم قوي على البشره واله طريقة استعمال لازم تتبعها واهم شي ما تتعرض للشمس وتستعمل واقي و تستخدم مرطب مناسب الك لان هوه يجفف البشره…راح اكتب طريقة استعمالة جوه "سعره اقل من 10 "

مرطبات البشرة 🔻
الدهنيه نيتروجينا رهيب رهيب رهيب
"14 الف تقريباً"
الجافة سيرافي رغم اني اكره هاي الشركة بس مرطبهم حلو "سعره 40"
المختلطة سمبل كلش مناسب واني اشوفه احسن شي تستعمله بكل انواع البشرة لان مو معقد وبسيط على البشره، اغلبكم راح تحبو
"سعره اقل من 10"

بيباثين 👑 شي طبي واكثر الاطباء ينصحون بي واني اشوفه احلا مرطب بيهم واحسن شي تستعمله اذا جنت تستخدم مقشرات مثل الاكرتين والدفرين
"سعرة 7 الف "

بيباثين الوردي 👑 مرطب للشفايف حته لو بيك جفاف راح يسويهم يجننون وهوه أقوى شي بالعالم للشفايف ويسوي بوتوكس بدون اي حقن 💀 هوه بالاساس يستعملو لحروق الاطفال لكن بترطيب الشفايفه لا يعلى عليه

واقي الشمس 🔻
لاروش هوه الاحسن لكن غالي وما يفيد للاستعمال اليومي لان غالي بالنسبة لحجمة
"سعره30 الف تخلصه بأسبوع "
وايفين كلش حلو بس هم سعره مبالغ بي
اكثر من 30 "