🔴 كارثة جديدة | البرلمان يقر قانون حكومي يسمح بتأجير المستشفيات للمستثمرين و وزير الصحة يعلن طرح 160 مستشفى في 22 محافظة !
#ثريد
النهاردة أعلن مجلس النواب موافقتة علي قانون المنشآت الطبية المثير للجدل واللي بيتيح للحكومة طرح المستشفيات الحكومية للإيجار أمام المستثمرين المصريين أو الأجانب .. واللي مش مدرك خطورة القانون دا يتابع الثريد علشان يشوف حجم الكارثة اللي الحكومة بترتكبها في حق المصريين.

2- بموجب مشروع القانون الجديد .. مدة التعاقد بين وزارة الصحة و أي مستثمر يرغب في تأجير أي مستشفي لن تقل عن 3 سنوات ولن تزيد عن 15 سنة فضلا عن إن القانون بينص على إلزام المستثمر باستمرار تشغيل نسبة لا تقل عن 25% من العاملين في المنشأة الصحية أو بصورة أخرى يقدر إنه يستغنى عن 75% ودي كارثة تانية في حد ذاتها ودا اللي إتكلم عنه نقيب أطباء مصر في أحد برامج التوك الشو المصرية وحذر كمان من إن تأجير المستشفيات الحكومية للقطاع الخاص أمر مفيهوش أي ضمانات سواء في تقديم الخدمة أو حتى الحفاظ على حقوق العاملين فيها وطالب الحكومة إنها تتحمل مسؤوليتها على مستشفياتها .

3- الكارثة الأكبر بقى هي فكرة تسليع الخدمة الصحية في مصر ودا لأن مفيش مستثمر هييجي يدفع فلوس علشان يقدم خدمة ببلاش أو بسعر قليل .. و دا اللي هيحط المصريين في مشكلة كبيرة في ظل عدم وجود نظام تأمين صحي جيد يغطي تكاليف الخدمات الصحية المقدمة ليهم وهنا الحكومة بتحط المصريين تحت رحمة المستثمرين .. يعني ببساطة لو معاك فلوس هتتعالج غير كدة ملكش حق تتعالج !

4- د.أحمد حسين عضو مجلس نقابة الأطباء السابق وصف إصرار الحكومة على مشروع القانون بما يتضمنه من تأجير المستشفيات الحكومية بإنه كارثة وتخلي من السلطة عن التزاماتها الدستورية الخاصة بتوفير الرعاية الصحية للمواطنين .

5- النائب في البرمان أحمد الشرقاوي قال النهاردة أثناء مناقشة القانون إن المستشفيات اللي هيتم طرحها للإيجار هتكون المستشفيات المهمة زي ما كل حاجة اتباعت قبل كده .. الحاجات اللي بتكسب واللي عليها إقبال.

6- النائبة مها عبد الناصر قالت إن إقرار القانون هو يوم أسود في تاريخ الصحة في مصر و وجهت سؤالها لوزير الصحة بإن أنهي مواطنين يقدروا على دفع تمن الخدمة اللي هيقدمها القطاع الخاص في المستشفيات و وجهت سؤالها للحكومة
عن الـ15 سنة اللي فيها حق الالتزام هتعالجوا المواطنين
ازاي ؟؟