النقاش حوالين توقيت هجوم أكتوبر وهل اللي بيحصل دلوقتي هو ثمن مناسب للهجوم ده، وغيرها من النقاشات دي باحسها مش مناسبة للسياق الحالي وفي ظل الإبادة اللي شغالة، بس المناسب أكتر، إننا نتكلم تاريخيا عن أكثر حاجة مشابهة حصلت، هجوم تيت 1968 اللي حصل أثناء حرب فيتنام، ثريد .. 🧵
"هجوم تيت 1968"، بيعتبر نقطة التحول لحرب فيتنام. الهجوم ده عملته القوات الفيتنامية الشمالية والفيت كونغ (الجبهة الوطنية للتحرير) ضد القوات الأمريكية وقوات فيتنام الجنوبية.
الهجوم حصل في نهاية يناير 1968، خلال عيد تيت أو الاحتفال بالسنة القمرية الجديدة.
الهجوم حصل في نهاية يناير 1968، خلال عيد تيت أو الاحتفال بالسنة القمرية الجديدة.
الهدف الرئيسي كان عمل صدمة للقوات الأمريكية، ودفع الأمريكان للتفاوض لإنهاء الحرب.
الهجوم حصل بشكل متزامن على أكثر من 100 موقع في فيتنام الجنوبية، بما فيها العاصمة سايغون ومدن كبيرة تانية.
الفيتناميين هاجموا السفارة الأمريكية، قاعدة تان سون نهات الجوية، والمحطات الإذاعية.
الهجوم حصل بشكل متزامن على أكثر من 100 موقع في فيتنام الجنوبية، بما فيها العاصمة سايغون ومدن كبيرة تانية.
الفيتناميين هاجموا السفارة الأمريكية، قاعدة تان سون نهات الجوية، والمحطات الإذاعية.
الفيت كونغ قدروا انهم يسيطروا على عدد من المدن اللي كانت خاضعة للسيطرة الأمريكية وبتدين بالولاء ليها.
الهجوم مكانش مثالي أخلاقياً خالص، بالعكس، الفيت كونغ ارتكبوا مذبحة بشعة في مدينة وي، وعملوا اعدامات جماعية للي كانوا بيعتبروهم خونة لفيتنام وبيتعاونوا مع الأمريكان.
الهجوم مكانش مثالي أخلاقياً خالص، بالعكس، الفيت كونغ ارتكبوا مذبحة بشعة في مدينة وي، وعملوا اعدامات جماعية للي كانوا بيعتبروهم خونة لفيتنام وبيتعاونوا مع الأمريكان.
الفيت كونغ وأنصار المقاومة لحد دلوقتي بينكروا الجرايم دي، وبيقولوا ان الاعدامات اللي عملوها كانت موجهة للمجرمين فقط، واستدلوا على ده ان كلهم كانوا مسؤولين وموظفين حكوميين مفيش أطفال وشيوخ مثلا.
على عكس مذبحة ماي لاي، اللي حصلت بعد شهر من هجوم تيت، في مارس 1968، لما كتيبة من القوات الأمريكية، بقيادة الملازم وليام كالي، قتلت حوالي 500 مدني فيتنامي غير مسلح، معظمهم نساء وأطفال وشيوخ. فقط لانهم اعتبروا ان القرية دي بتدعم الفيت كونغ. " صور المذبحة بشعة، الصورة دي ممكن تشرح"
هجوم تيت، والمعارك اللي تبعته، وصولاً لمذبحة ماي لاي، فجر الشارع الأمريكي، اللي كان في الوقت ده بيسمع تصريحات الرئيس ليندون جونسون كل يومين يقول ان الانتصار في فيتنام قاب قوسين أوأدنى، وان القوات الأمريكية قادرة تنهي قدرات الفيت كونغ "آه والله كان بيقول كده، تحسه كتالوج"
كنتيجة لوصول أخبار مذبحة ماي لاي، والخساير الأمريكية، في مقابل ان الانتقام الأمريكي كان موجه ضد النساء والأطفال، الجامعات في أمريكا ابتدت اعتصامات طلابية، خصوصا في جامعة كولومبيا، "آه وربنا هي".
الطلاب كانوا معترضين على حاجتين بشكل رئيسي، الحاجة الأولى كانت مشكلة محلية خاصة ببناء صالة ألعاب في منطقة هارلم، والحاجة التانية ايه؟ تورط الجامعة في الدعم العسكري للقوات الأمريكية اللي بتشارك في الحرب، سبحان الله والله.
الطلاب ابتدوا مظاهراتهم في أبريل 68، احتلوا مبنى إدارة الجامعة، وطالبوا بشكل واضح ان الجامعة توقف بناء صالة الألعاب، وتقفل برنامج تدريب الضباط الاحتياط اللي كان اسمه ROTC
إدارة الجامعة بعد أسبوع من الاعتصام والمظاهرات طلبت شرطة نيويورك للطلاب، وحصل اشتباكات بين الطلبة وبين البوليس وحصلت اعتقالات ضخمة. الأمر اللي فجر موجة احتجاجية أكبر أدت إلى ايه بقا؟ تعليق برنامج التدريب ووقف بناء صالة الألعاب.
برنامج التدريب فضل متوقف ومارجعش أبداً للعمل غير في 2013 "هي سنة قذرة على كل الأصعدة".
المظاهرات دي كانت واحدة من أهم أسباب تغير السياسة الأمريكية في الحرب بالمناسبة.
المظاهرات دي كانت واحدة من أهم أسباب تغير السياسة الأمريكية في الحرب بالمناسبة.
في مايو 1968 أمريكا لأول مرة قررت تقعد عى طاولة المفاوضات مع الفيت كونغ وقوات فيتنام الشمالية، فيما يعرف بمحادثات باريس للسلام، المفاوضات اللي انتهت في 73 بعد سنين من بدايتها بالتوقيع على اتفاقية باريس للسلام اللي أدت بعد كده للانسحاب الأمريكي من فيتنام.
المقاومة الفيتنامية بالحسابات العسكرية هزمت تماماً في المعركة اللي بدأت بهجوم تيت، بس بكل الحسابات التانية، لولا هجوم تيت، مكانتش فيتنام اتحررت.
وأنا هنا مش باتكلم عن فيتنام ….
وأنا هنا مش باتكلم عن فيتنام ….
جاري تحميل الاقتراحات...