رتبها

الكوميديا الالهية هي من اهم القصائد اللي اتكتبت ايڤر، فيها رؤية تخيلية لما يحدث بعد الموت من وجهة نظر دانتي اليجيري اللي هو يعتبر اهم شاعر في العصور الوسطى. القصيدة متقسمة لثلاث اجزاء؛ انفرنو (الجحيم)، برجاتوري (المطهر)، باراديسو (الجنة)

في منتصف عمره، دانتي بيلاقي نفسه تايه في غابة مظلمة وكثيفة، مش عارف يلاقي طريقه تاني ومش فاكر اصلا هو تاه ازاي. بيمشي شوية لغاية ما بيشوف الشمس بتشرق من على قمة جبل، بيطلع الجبل متجه للنور ولكن فهد بيعترض طريقه فدانتي بيحاول يتفاداه ويغير سكته، بعدين بيهجم عليه-

اسد جعان وشكله مرعب وخطر اكتر من الفهد ولكن ذئبة بتظهر بتدفع دانتي من اعلى الجبل بترجعه تاني للوادي المظلم.
دانتي بيبدأ يحس بيأس شديد لغاية ما شخص او روح او ظل بيبدأ يقرب منه وبيحاول يكلمه بس كلامه غريب وبيطلع بصعوبة شديدة، دانتي طبعا بيخاف ولكن مفيش غيره يقدر يطلب منه مساعدة-

بيبدأ يكلمه وبيعرف انه روح فيرجيل، شاعر الالياذة وملهم جميع شعراء روما خاصة دانتي اللي استلهم معظم اشعاره منه،
فيرجيل بيقوله ان الجبل اللي عنده النور دة وراه الجنة عشان كدة الحيوانات دي هاجمته لانه ميستحقش انه يدخل yet

بعدين بيطلب منه انه يتبعه في رحلتهم عشان يوصلوا للجنة اللي هيشوفوا فيها اللي بيتعذبوا بابشع طرق في الجحيم، الامل في الناس اللي بتطلب الخلاص في المطهر واخيرا النعيم اللي هيبقى معاه مرشد تاني لان فيرجيل مش مسموحله يدخل. دانتي استصعب الرحلة وقلق ومش شايف انه يستحق شئ نبيل زي دة-

ولكن فيرجيل وبخه لقلقه دة وقاله ان في اهتمام كبير جدا بيه وسط الارواح الملائكية وخاصة حبيبته بياتريس اللي هي في الجنة. بياتريس طلبت من فيرجيل انه يساعد دانتي على ايجاد الطريق الصحيح لان دانتي ضل طريقه في الغابة المظلمة
(You see the metaphors here)-

فيرجيل شرحله انه بياترس اترجته عشان ينقذه ف طبعا دانتي اتحمس اوي لان في نهاية الرحلة -بجانب انه هيوصل النعيم- هيقابل حبيبته اللي ماتت قبله، المهم بيمشوا لغاية ما بيوصلوا لبوابة الجحيم، انفرنو وبيلاقوا نقش عليها بيقول الاتي "Abandon every hope, all ye who enter here."-

دانتي اتخض خاصة انهم اول ما دخلوا سمع وشاف الاصوات والمناظر الاولية للجحيم اللي هاجمته، دانتي اترعب وتأثر جدا من شكل الارواح الطايرة في الهوا والمتألمة وبتصرخ بشكل مستمر. فيرجيل قاله ان المكان دة هو شاطئ نهر اكيرون او هو الحدود بين الجحيم والارض، فيه الناس اللي كانوا على-

على الحياد، أرواح اللي ملتزموش بشئ، وعاشوا مترددين، ودايما الحياة اللي بتدفعهم مش هم اللي بياخدوا قرار، عقابهم كان انهم بيجروا ورا سراب، بتسفك دمــاؤهم من اجل اللاشئ لانهم رفضوا من الاول اراقة دمـاؤهم من اجل اي قضية جديرة في الحياة . ومن بين الخطاة الملايكة اللي متمردوش-

على الله ولا حتى كان ولاءهم للشىيطان، ظلوا على الحياد بدون ما يختاروا مع العلم ان عدم اختيارهم دة في حد ذاته اختيار اصلا -واللي بالمناسبة اولى ركائز الفلسفة الوجودية جت من هنا-
النشيد الثالث دانتي بيحط الـ intellectual structure بتاع الانفرنو، الجحيم هو المكان المخصص للذين-

اختاروا بشكل متعمد وواعي انهم يعيشوا حياة شريرة ويكونوا اشخاص مؤذيــة والنعيم او الجنة هي العكس
لذلك كان ضروري وجود مكان للمحايدين وهو مدخل الانفرنو او ردهة الجحيم

دانتي عايز يعرف اكتر عن الارواح دي ولكن فيرجيل بيروح بيه ناحية شاطئ اكيرون عشان يروحوا من شاطئ النهر للجحيم، شارون -الشخص المسئول عن نقل الارواح المعذبة- بيرفض انه ينقل دانتي لان دانتي ما زال حي ولسه عنده فرصة للتوبة ولكن فيرجيل بيقنعه وبيتحركوا بالفعل، اثناء ما هم في النهر-

دانتي بيلاحظ ان الشط بيتملي ارواح مترددة بتحاول تختار حاجة لاول واخر مرة، عبور النهر نحو الجحيم او الجلوس في بهو الجحيم هو الاختيار الاخير اللي ممكن يعملوه، اثناء ما فيرجيل بيشرح لدانتي، زلزال مفاجئ بيضرب النهر مصحوب برياح شديدة ونيران متوهجة ترعب دانتي لدرجة انه بيغمى عليه-

بيفوق دانتي على صوت رعد، بيلاقي نفسه في نهر اكيرون وعلى حافة هاوية عميقة سامع منها رعد صرخة الجحيم الأبدية
فيرجيل بيطلب من دانتي انه يمشي معاه متجهين لدائرة الجحيم الاولى
—
ثريد جديد وهحطه في الريبلايز هنا لانه اطول من اللازم🤨
تنويه: جميع اللوحات المرفقة هي لوحات جوستاڤ دوريه

2

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد