دايمًا لما تدعي ربنا ادعيه إنه يثبتك على الطريق المستقيم لأن الثبات ده هو أصعب حاجة ممكن تقابلك في طريق العبادة عكس الذنوب والمعاصي اللي تعتبر منتشرة في كل حتة وسهل إنها تتعمل ، النفس دايمًا امّارة بالسوء يعني لو قدامك إنك تعمل معصية أو إنك تعمل خير ،

نفسك هتاخدك لـ طريق المعصية وتستسهله ، عكس إنك تقوم تتوضي وتنزل تصلي أو تقرألك ورد يومي ، أو تُقوم الليل .. ممكن تحس إن الحاجات دي تقيلة على قلبك إنما أسهل حاجة ممكن تعملها هو إنك تعصي ربنا عشان كدة فِكرة الثبات على الطريق المستقيم

وتنهي فكرة الذنوب والمعاصي دي أصعب شئ ممكن يواجه الإنسان ، بنشوف ناس كانت بتصلي وبتصوم وبتصلي قيام الليل وفي الآخر بتلاقي الحاجات دى مرة واحدة اتقطعت من غير أي سبب ، إنك تفضل محافظ على علاقتك بـ ربنا وتحافظ على الثبات اللي بتوصله يوم بعد يوم ده في ظل

الظروف وكمية المعاصي والذنوب الموجودة حاليًا والمنتشرة دي فا أنت بتعمل إنجاز وله الأجر عند ربنا إن شاء الله ، أدعي ربك دايمًا إنه يثبت قلبك على دينه واسأله الثبات على الطريق المستقيم لأن من أصعب الحاجات اللي ممكن تقابلك هي مُجاهدة النفس ..

فِكرة إنك ممكن تيجي في وقت وتلاقي كل اللي بنيته في علاقتك مع ربنا ده بيروح هباء بسبب الذنوب اللي بتغرق فيها تدريجي يُعتبر فِكرة مرعبة في حد ذاتها ..
اللّهُـم ثبّـت قلـوبنا على دينـك .. اللّهـم أرني ما يرضيـك ، وأسمعـني ما يرضيـك ، وأنـطقني بما يرضيـك.
منقول