في ناس كتير محتاجة تعرف المعلومات دي.
فيه كتير بيتكلموا عن software بس للاسف 90٪ من المحتوى العربي بيكون كلام فاضي، والـ 10٪ الباقي بيكون مضمونه مفيد بس بيكون صعب توصل لحاجة وبتضيع وقت كبير وتكون النتيجة صفر. يعني محدش بيديك الزيتونة. خصوصآ لو انت لسه معندكش خبره
المقال ده موجه الى كلا من الآتي
١- شخص حاسس ان هو اتاخر عشان يتعلم حاجه في مجال software بغض النظر عن السن يعني لو عندك ٦٠ سنه ممكن تبداء لأن مجال software مش بس برمجه بس لو عايز تبدأ بالبرمجه برضه مفيش مشكله اهم حاجه العزيمة
٢- شخص متخرج من الجامعة ومفيش شغل او شخص بيشتغل في حاجه مش مبسوط وعايز يغير.
٣- أي حد عايز يبدأ ومش عارف يبدأ فين أو يعمل إيه.
طبعًا عشان تبدأ محتاج يكون عندك كمبيوتر كويس وإنترنت كويس
(قصة قصيرة) تسمع عن الهند وباكستان، أنا اشتغلت مع ناس من الهند وباكستان، الإنجليزي بتاعهم بعيدا عن software وكأنك بتتكلم مع حد في كوكب تاني، بس الناس ديه كانت أشطر من الأمريكان في الشغل اللي كانوا بيعملوه.
(العبرة من هنا إنت محتاج بس تبدأ).
الحاجة التانية، انا آخر مرة كتبت مقال عربي كان من ١٦ سنة،خد اللي يفيدك وما تركز كتير مع الكلام الغلط.
مافيش حاجة اسمها سهل وصعب في حاجة اسمها لازم تحط وقت ومجهود عشان توصل لنتيجه.
طبعًا أي حاجة فيها شهادة في المقال ده الشهادة ملهاش أي لازمة خالص. يعني لو إنت اخذت الكورس ده عشان الشهاده الشهاده تمسح بها الزيت اللي بينزل من الفلافل، وفر وقتك ومجهودك احسن.
المعلومات في الكورس هي المهمة. يعني انت تاخذ الكورس عشان تتعلم، مش عشان الشهادة.
المقال ده مقسوم الى قسمين القسم الأول مش هتحتاج برمجه كثير او ممكن مش هتحتاج برمجه خالص
القسم الثاني هو البرمجه
القسم الأول:
Google IT Support Certificates
grow.google
احسن كورس موجوده هو Google IT Support
مدة الكورس حوالي ست شهور بس الكورس كله ممكن يخلص في اقل من كده بس لو محتاج اكثر من ست شهور خذ الوقت اللي انت عايزه لحد ما تخلص
الكورس ده مهم لان مافيش اي شركه متوسطه او كبيره الحجم مافيهاش على الاقل 10 بيشتغلوا في IT Support مهم جدا في كل حاجه وهو اول حاجه تبدأ فيها لو انت عاوز تخش في مجال السايبر سكيورتي ده اول طريق السايبرسكيورتي الشهاده دى تساوى شهادة ثانيه اسمها A+ comptia
مع الكورس ده ممكن تبدا مع @ProfessorMesser احسن حد في المجال وممكن تكمل معاه لحد السايبر سكيورتي
A+ Study Group
youtube.com
A+ Exams - CompTIA A+
youtube.com
Google Project Management Certificate
grow.google
الكورس ده مهم جداً، لأن مافيش أي مشروع بيتعمل في الشركات الكبيرة أو المتوسطة الحجم غير لما يكون في مدير للمشروع، سواء في مجال software أو في اي مجال تاني.
لازم يكون في بروجكت مانجر، أو زي ما إحنا بنسميه مدير المشروع. طبعًا الكورس ده من الكورسات المهمة جداً، والكورس ده هيفتح لك مجال إنك تشوف كل حاجة بالذات لو إنت بتشتغل في software.
Digital Marketing & E-commerce Certificate
grow.google
Google Data Analytics Certificates
grow.google
الكورس بياخد حوالي ثمان شهور، ممكن يخلص في أقل من كده حسب مهارتك الشخصية الكورس ده من لو إنت فعلا بقيت شاطر في المجال ده، تقدر تعمل فلوس كويسة جداً، في مصر وبره مصر.
وممكن بعد ما تخلص تبداء مع @Alex_TheAnalyst احسن حد بيتكلم في Data Analytics
@AlexTheAnalyst/featured" target="_blank" rel="noopener" onclick="event.stopPropagation()">youtube.com
Google UX Design Certificate
grow.google
مجال UX/UI Design مهم جدا
الكورس ده بيطلب إن أنت يكون عندك مهاره عاليه في التفاصيل ويكون عندك حس فني و تبني portfolio كويس
youtube.com
youtu.be
Google Cybersecurity Certificate
grow.google
الكورس ده من الافضل انك تبدأ فيه بعد ما تخلص IT Support ده لو حبيت تكمل في مجال السايبرسكيورتي.
بس قبل الكورس ده لازم تاخذ حاجه اسمها Network Plus اللينك هنا مع Professor Messer
youtu.be
الكورس تقيل شويه وممكن ياخذ وقت بس هتحتاج بعد ما تخلص الكورس ان انت تخلص حاجه اسمها سكيورتي بلس اختبار من comptia.org عشان تعرف تشتغل
اخر حاجه معانا Manual Software Testing
وده اسهل مجال تدخل فيه او تدخل منه للسوفت وير هنا لينك لاحسن كورس موجود على اليوتيوب youtube.com
طبعا الميزه في الكورس ده ان هو مغطي كل حاجه فأنت كل اللي انت محتاج تعمله انك تخلص الكورس ده وتروح platforms زي دي وتبدأ تعمل تست كثير لكل المشاريع اللي عندهم
طبعا ما تركز في انك تعمل فلوس من platforms ركز أكثر في الخطوات لكل test case وازاي تعمل كل خطوه صح وازاي تلاقي
bugs or error or failure in the system
usercrowd.com
utest.com
او تشوف platforms مشابهة وتعمل فيها نفس الكلام
الجزء الثاني
قبل ما نبدأ هنا قصه صغيره : اعرف حد كان بيشتغل أوبر وكان جنب الشغل بيذاكر software وربنا كرمه و شغال في شركه كبيره دلوقتي
قصه ثانيه في حد اعرفه أخذ قرار ان هو لو قدر يعلم اثنين من بbackground مختلفه Python هيبدا Python bootcamp
وبالفعل كان في مطعم واتكلم مع الجرسون في مطعم إن هو جنب الشغل بتاعه يبدأ معاه ساعتين كل يوم ان هو يفهمه Python وبالفعل الجرسون ده النهارده شغال في شركه كبيره
حد ثاني كان سواق اوبر وقدر يقنعه ان هو يحط معاه ساعتين كل يوم وبالفعل الشخص ده النهارده شغال برده في شركه كويسه جدا
الخلاصة هنا انت مش محتاج تسيب شغلك انت محتاج وقت كل يوم للحاجه انت عايز تتعلمها الموضوع مش هيكون سهل بس الاستمرارية هي اللي هتخلي اي حاجه سهله لازم تضع وقت ومجهود عشان توصل انت عايزه
صاحب القصه دي فتح شركة بتعلم كل سنه اكثر من 1000 شخص
العبرة هنا (إنك تكون على أول السلم اللي إنت عايز تطلعه، أحسن ما تكون في آخر السلم اللي إنت مش عايز تطلعه.)
اشتغل اقل حاجه في اي وظيفه انت عاوزها يعني لو المتاح في الوظيفة اللي انت عاوزها هي انك customer support اشتغل customer support
في شويه حاجات لازم تعملها قبل ما تبدأ الجزء الثاني
1- رقم واحد لازم تستبدل الفيسبوك ب github.com
تمسح Facebook, Instagram, tiktok نهائي من حياتك ويكون البديل هو github
2- صديقك في رحلتك هو
- Google
- chat-gpt
- youtube
- stack-overflow
٣- لازم ما تستسلمش حتى لو انت حاسس انك مش فاهم اي حاجه
٤- خرج من حياتك كل حاجه بتشتتك
صحاب بتقعد معاهم بتتكلم في كلام فارغ
أي عادة بتضيع وقتك زي نتفليكس
تتفرج على كلام فارغ على اليوتيوب
تتفرج على افلام
بتتفرج على ماتش كوره
وتخش في نقاشات ما لهاش لازمه مع ناس متخلفه عقليا.
٥-
الاهلي = الزمالك
ابو تريكه = ناديه الجندي
محمد صلاح = حسن شاكوش
عمرو دياب = عمرو اديب
كل الناس اللي فوق دي بتشترك في حاجه واحده وهي كل شغلها انها تضيع وقتك وتسرق تركيزك و كل ده نتيجته صفر بالنسبه ليك
6- تابع كل الناس الشاطره اللي موجوده على تويتر في مجال software
هنبداء اول حاجه ب freecodecamp.org
كل حاجه محتاجها في مكان واحد ده اول الطريق وهتعرف كل حاجه
بس لازم تخلص الكورس كله
وانت شغال اسمع للكتاب ده من @ossia open.spotify.com
او تقرأ الكتاب بتاعه freecodecamp.org
بعد ما تخلص كل حاجه هنا freecodecamp.org
ابداء خلص كل حاجه هنا boot.dev
خلص علي الاقل ١٠ مشاريع مع @jsmasterypro
@javascriptmastery" target="_blank" rel="noopener" onclick="event.stopPropagation()">youtube.com
وبعد كده تبدأ مع @YTCodeAntonio
نفس الكلام خلص علي الاقل ١٠ مشاريع من هنا
@codewithantonio" target="_blank" rel="noopener" onclick="event.stopPropagation()">youtube.com
لما تخلص كل ده هيكون عندك معرفه كافيه انك تاخد القرار التالي
اخيرا
١- ركز على أهداف معنوية واستثمر اهتمامك فيها
٢- عود نفسك على الانضباط .
٣- حافظ على وضوح وترتيب في عقلك.
٤- سد الفجوات في معرفتك أو مهاراتك.
٥- افهم أن الانضباط هو نتيجة طبيعية لمعرفتك.
٦- اعمل صداقات مع ناس يشاركونك أهدافك وطموحاتك.
٧- تقبل الفشل كجزء طبيعي من عملية التعلم
كل اسبوع خلص مشروع جديد من هنا حتي بعد ما تشتغل
@freecodecamp" target="_blank" rel="noopener" onclick="event.stopPropagation()">youtube.com
بالتوفيق
سعد سليم

من الصعب إضافة المزيد من التفاصيل في البوست ده او في التعليقات أو توضيح بعض النقاط بشكل أفضل وأبسط.
هأبدأ في إضافة تفاصيل إضافية لكل موضوع في هذا المقال في اللينك تحت عشان تعم الفائده.
لو لديك أي أسئلة، اتركها في التعليقات، الرد عليها في نهاية الأسبوع. ويرجى تجنب طرح الأسئلة التي يمكن العثورعلى إجاباتها في جوجل، لكي نترك المجال للأسئلة التي قد تفيد الآخرين أكثر