أيام ثانوي كنت في عرض درجة..كليات الطب في مصر كانت بتاخد من مجاميع مقفلة ١٠٠% من اللي جايين من الخارج فمفيش أي فرصة انك تنقص نص درجة حتى..كان كل امتحان سواء ميد او فاينال له قصة مرعبة شكل
المهم كنت كل ما انقص عند مدرس درجة اروح استسمحه فيها وهو عشان عارف اني مجتهد كان بيقدر
المهم كنت كل ما انقص عند مدرس درجة اروح استسمحه فيها وهو عشان عارف اني مجتهد كان بيقدر
ويزق الدنيا..أحيانا كان المدرس يوافق بسهولة وأحيانا يعصلج شوية وأحيانا يقفل الدنيا في وشي تماما
لما كان يحصل السيناريو التالت ده واحس ان كل الطرق قفلت كنت بستعين على المشكلة دي بركعتين قيام ليل وادعي فيهم انها تتيسر
ومفيش مرة خيبت معايا..وكنت بروح تاني يوم الاقيه وافق انه يمشيها
لما كان يحصل السيناريو التالت ده واحس ان كل الطرق قفلت كنت بستعين على المشكلة دي بركعتين قيام ليل وادعي فيهم انها تتيسر
ومفيش مرة خيبت معايا..وكنت بروح تاني يوم الاقيه وافق انه يمشيها
يوم فاينال الأحياء اتلخبطت وغلطت في سؤال كامل ب٤ درجات..ودي كانت بالنسبالي كارثة
رجعت البيت منهار ومش شايف قدامي وماما الله يرحمها يومها حاولت تهديني بس هي كمان لما عرفت مقدرتش تخبي الزعل ووالدي كذلك
أستاذ المادة دي كان شديد وصعب ومحدش من الطلبة بيحبه
رجعت البيت منهار ومش شايف قدامي وماما الله يرحمها يومها حاولت تهديني بس هي كمان لما عرفت مقدرتش تخبي الزعل ووالدي كذلك
أستاذ المادة دي كان شديد وصعب ومحدش من الطلبة بيحبه
والدي أصر انه ييجي معايا المدرسة بنفسه يكلم المدرس لعل وعسى..وطبعا كانت النتيجة الرفض..خلاص الموضوع منتهي
يومها رجعت وقضيت الليلة ببص للسقف..وفكرت اقوم اصلي الركعتين زي كل مرة بس قلت في نفسي هتعمل ايه الركعتين الموضوع قفل خلاص متحاولش
وفعلا مصليتش ونمت
يومها رجعت وقضيت الليلة ببص للسقف..وفكرت اقوم اصلي الركعتين زي كل مرة بس قلت في نفسي هتعمل ايه الركعتين الموضوع قفل خلاص متحاولش
وفعلا مصليتش ونمت
تاني يوم رحت المدرسة متضايق وقلت اجرب محاولة اخيرة مع المدرس ده وعشان كنت كده كده مبحبوش ومتضايق منه أسلوبي في الكلام فلت مني شوية..لقيته بيقولي تعرف يا عبد الرحمن؟ انت من أحسن وأشطر الطلبة عندي وكنت هزودلك الكام درجة دول بس عشان طريقتك دي مفيش زيادة..وانتهى الموضوع على كده
رجعت يومها البيت وانا مدرك وموقن تمام اليقين ان خلاص الكام درجة دول راحوا..بس لا بسبب المدرس ولا بسبب الأسلوب ولا بسبب أي حاجة...بسبب اني قلت الليلة اللي قبلها : هتعمل ايه الركعتين والدعا؟ وقررت اني اتعامل بنفسي من غير استعانة بربنا
من يومها حرمت..ليك حاجة عند ربنا مهما كانت تبدو صعبة ومستحيلة قوم بليل صلي ركعتين وادعي وتذلل لربنا وملكش دعوة لا بهتتحل ازاي ولا امتى ولا هتتحل ولا لأ اصلا..انت بس سلم أمورك لله واعمل اللي عليك وشكرا خلاص الباقي مش بتاعك ولا ليك يد فيه
عدت السنة والسنة اللي بعدها بسلام وكنت انا الوحيد في المدرسة انا وواحد تاني بس اللي دخلنا طب...وكان حتى ولاد المدرسين بيتمنوا يجيبوا نفس المجموع بس متوفقوش..كل ده بأثر قيام الليل والدعا
ومن بعدها أثر قيام الليل والدعاء ممتد لكل تفصيلة في حياتي وليا معاه قصص اقل ما يقال عنها عجيبة..كل مأزق ربنا نجاني منه..كل اختيار احترت فيه..كل طريق مشيت فيه..كل ضائقة وقعت فيها وقلت خلاص ملهاش حل كنت بفتكر ليلة الأحياء دي واقول قوم..هي ملهاش حل بحساباتك انتا مش بحسابات ربنا
وحتى الآن مخيبتش معايا في ولا حدث كبير في حياتي..حتى الدعوات اللي منعت منها أدركت فيما بعد الحكمة من المنع وكانت واضحة جلية قدامي مفيهاش أي شك
وأي خير انا فيه دلوقتي كل اللي حواليا يعرفوا انه من كام سنة بس كان مستحيل الوصول ليه..بس هي تدابير ربنا وأثر الدعاء
وأي خير انا فيه دلوقتي كل اللي حواليا يعرفوا انه من كام سنة بس كان مستحيل الوصول ليه..بس هي تدابير ربنا وأثر الدعاء
كتبت الثريد ده رد على سؤال كيوريوس جالي من شوية بيقولي اعمل ايه في ثانوية عامة وواضح ان التوتر عامل شغله
انا ده بقا منهجي في الحياة عموما كل ما الدنيا تضيق يعني..ومظنش حد هيتخذ نفس النهج ده ويطلع خسران..أبدا والله
انا ده بقا منهجي في الحياة عموما كل ما الدنيا تضيق يعني..ومظنش حد هيتخذ نفس النهج ده ويطلع خسران..أبدا والله
استغلوا الأوقات المباركة دي ومتنسوش تصلوا ركعتين قيام..ومن كان له عند الله حاجة وكلنا لنا حاجات وحاجات..يقوم ويطلبها ويلح في الطلب
وهيشوف أثر ده على نفسه أولا وأثره على كل المسببات والظروف حواليه ان شاء الله
دعواتكم
وهيشوف أثر ده على نفسه أولا وأثره على كل المسببات والظروف حواليه ان شاء الله
دعواتكم
جاري تحميل الاقتراحات...