السلام عليكم 👋
للناس المهتمه بالتدريب Residency ب أمريكا 🇺🇸🩺🥼.
بنقلكم تجربتي المتواضعه و ان شاء الله ثريد مفيد و نظرة عامة عن التقديم و المميزات.
بتكلم عن:
- ليه 🇺🇸
- Residency or Fellowship
- متطلبات التقديم.
- المقابلات و برامج التدريب.

• ليه 🇺🇸؟
بدايةً اي طبيب او شخص مثابر، دائما يتحدى نفسه و يطمح يكون على رأس الهرم.
ولا شك شهادة البورد و التدريب في امريكا الشماليه يعتلي الهرم 🇺🇸 🇨🇦.
- يعتمد الموضوع على الوضع الاجتماعي و قدره الماليه و ظروف الشخص، فهو بشكل كبير تفضيل شخصي.
- امريكا فرص القبول فيها اكبر بكثير من كندا خصوصا كمبتعث من الملحقية عدد البرامج مهول و انت كمبتعث سعودي تنافس فقط المبتعثين السعوديين و ممكن بعض الاحيان مبتعثين من دول اخرى، حسب البرنامج.
- البرامج المتعاقده مع الملحقية السعودية بامريكا و وزارة التعليم كثيره و المقاعد احياناً فاضيه لان مافي منافسه ولا في ناس تقدم، فقبولك فرصته عاليه! 👏🏻
لدرجة ان بعض السنوات وقفوا التعاقد مع بعض المستشفيات لان مافي متقدمين 🫠.
المتقدمين على سنتي كانوا 10,000 في كل امريكا بطب الباطنة، انا كنت بس انافس تقريبا ١٥ اللي هم المبتعثين على 8-10 برامج طب باطنة في احد افضل مستشفيات امريكا التعليمية (mayo clinic, john hopkins, university of Utah, university of maryland, Case western)!
و كل برنامج اقل شي ياخذ شخصين مبتعثين يعني مكانك مضمون بإذن الله.
- في فرصه قبولك في تخصصات تنافسية في برامج الملحقية مثل ديرما و فيه تخصصات جراحية.
مو مصدق؟ افتح موقع الملحقية sacm.org و روح affiliation list و شوف التخصص و ادخل موقع التقديم myERAS و دور على البرامج و شوف في خيار مكتوب عليه "international” هذا خاص للمبتعثين 😍 و في منهم مخصصين Saudi applicants!
يبيلك تدور عليهم و مو كلهم يحطون الخيار هذا، يمديك تتواصل معهم ايميل و تسال.
لكن اذا شفت اسم البرنامج موجود على موقع الملحقية فهو معتمد.
- الراتب 💵
انت تستلم نفس راتب الغير مبتعث و زياده 1700$ شهرياً.
و لو حاب تزيد عندك الامكانية تاخذ مناوبات زياده و تاخذ عليها فلوس💰و انت باقي رزدنت!
قد يصل راتبك شهرياً 20,000 ريال سعودي و انت R1.
- Fellowship opportunities
كونك مخلص رزدنسي بامريكا فرص قبولك في اي برنامج بامريكا كلها كبيره و ضف عليه عندك افضليه انك مبتعث فالتنافس اقل لانك بتنافس على مقاعد المبتعثين بس.
- عدد سنوات التدريب
بشكل عام اغلب التخصصات عدد سنوات التدريب اقل بسنه من السعودية.
IM 3 years
Pedia 3 years
Psychiatry 3 years
Neuro 4 years

• هل اروح Residency ولا Fellowship؟
مافيه صح او خطأ، يعتمد على الظروف الشخصية و يعتمد على التخصص (surgical vs medical)
لكن فرصك بالفيلوشيب بتزيد جداً ↖️↖️
لو سويت رزدنسي ب 🇺🇸.
و غير كذا عشان تتعود على النظام و تصقل مهاراتك الاكلينيكية.

🔵 حساب في موقع MyERAS
و هو المنصه اللي تراسل فيه البرامج و ترفع الCV و Recommendation letters و تراسلك البرامج عشان المقابلات.
🔵ضمان المالي المبدئي من المحلقية السعودية بامريكا
و هذا تحتاجه لترفقه للبرامج المتعاقدة مع الملحقية عشان تثبتلهم انك sponsored.
ترسل ايميل للملحقية فيه:
Saudi ID
ECFMG certificate
Sponsoring institute (If available)
🔵 تحتاج مبلغ تقريباً 4000$ =<
تكاليف الاختبارت و شهاده الECFMG و رسوم المقابلات.

• المقابلات و التقديم.
- المقابلات كلها Zoom.
- المقابلة فقط ليتعرفوا على شخصيتك و لغتك الانجليزيه و يعرفونك على برنامجهم.
- اذا سووا معك مقابله بالغالب يبونك.
- ما احتجت اني اروح امريكا او اخذ اللكتف (يختلف حسب البرامج، منهم يطلبون منك مسوي الكتف هناك، يكون مكتوب بموقعهم).
اذا احتجت تسوي اللكتف هناك احرص انه ما يكون observer لانه ما يعترفون فيه.

و هذا كان كل شي بشكل مبسط و سريع.
الموضوع و تفاصيله اكثر بكثير.
حاولت اغطي النقاط الاساسية و اكبر قدر ممكن.
🤍 الدال على الخير كفاعلة 🤍
عز الله يديم العز 🇸🇦🇸🇦🇸🇦
#وزارة_التعليم
#ابتعاث