في تويتة عدت قدامي دلوقتي فكرتني بموقف أيام لما كنت شغال في مدرسة انترناشيونال..
موظف المخزن طلب زيادة بسيطة في مرتبه، صاحب المدرسة قاله افتح الدولاب ده، وبعدين شاورله على رزمة ورق، قاله كل دي طلبات شغل لناس مؤهلهم أعلى منك ومستعدين يشتغلوا من بكرة بمرتب أقل.. وسابه ومشي.....👇👇

غالبية أماكن الشغل عايزة عبيد مش ناس عادية، ولو حد تعب أو حصله مشكلة بيمشوه بلا أي ذرة تعاطف، حتى لو تعبه مش هيؤثر في شغله، هم مش عايزين الاحتمالية أصلا..
في نفس المدرسة كانت الست اللي بتحمل غالبا مبترجعش الشغل بعد الولادة إلا بشروط عجيبة صعبة جدا على أي أم جديدة.....👇👇

فالشاهد من الأمر، متديش شغلك أكتر من المطلوب، ومتجيش على نفسك على حساب اي مكان مبيعملكش أصلا حساب، وبيعتبرك مجرد أداه بتتغير في أي وقت وييجي بدالها، عشان مفيش قانون يضمنلك حقك هنا.
طور نفسك وحاول دايما تترقي ولكن اعمل حساب نفسك اللي لو خسرتها هتخسر كل حاجة في الأساس.