الجزء الثاني (2)
|| ثريد مفصل من ولاية الجزيرة كاتبه لي كم يوم محتاج نت كنت عشان انزلو•
من اول يوم دخل فيهو الدعم السريع الحصاحيصا والي اليوم تابع معاي وياريت رتويت لو اتكرمتو🙏🏼 ....
• الجزء الاول موجود في الحساب
*-* نقطة مهمة تاقو حساب رتبها
تابع 👇🏽
#انقذوا_ولاية_الجزيرة
|| ثريد مفصل من ولاية الجزيرة كاتبه لي كم يوم محتاج نت كنت عشان انزلو•
من اول يوم دخل فيهو الدعم السريع الحصاحيصا والي اليوم تابع معاي وياريت رتويت لو اتكرمتو🙏🏼 ....
• الجزء الاول موجود في الحساب
*-* نقطة مهمة تاقو حساب رتبها
تابع 👇🏽
#انقذوا_ولاية_الجزيرة
(1)
ولاية الجزيرة
الحصاحيصا (2)
وريفي الحصاحيصا
تواصلت الأحداث تباعاً : نهب سرقه ترويع من اليوم السابع الي اليوم العاشر.
السوق اصبح عباره خرابات ليس بها شي حتي الأثاث سرق مع السرقه هناك حرايق في بعض المحلات.
المؤسسات و البنوك اصبحت عباره عن اوراق مبعثره فقط.
ولاية الجزيرة
الحصاحيصا (2)
وريفي الحصاحيصا
تواصلت الأحداث تباعاً : نهب سرقه ترويع من اليوم السابع الي اليوم العاشر.
السوق اصبح عباره خرابات ليس بها شي حتي الأثاث سرق مع السرقه هناك حرايق في بعض المحلات.
المؤسسات و البنوك اصبحت عباره عن اوراق مبعثره فقط.
(2)
مداهمه المنازل :
من اسواء ما يفعله الدعمجيه هي مداهمه المنازل بغرض النهب
فكره راسخه في ازهانهم ان كل من يملك منزل جميل فهو كوز و ماله و دمه حلال.
ينكل بصاحب المزل اشد تنكيل و يروع ترويع عنيف
اول دخولهم يبطح كل من في المنزل علي بطونهم و توجه اليهم التهم سريعا.
مداهمه المنازل :
من اسواء ما يفعله الدعمجيه هي مداهمه المنازل بغرض النهب
فكره راسخه في ازهانهم ان كل من يملك منزل جميل فهو كوز و ماله و دمه حلال.
ينكل بصاحب المزل اشد تنكيل و يروع ترويع عنيف
اول دخولهم يبطح كل من في المنزل علي بطونهم و توجه اليهم التهم سريعا.
(3)
يقولو ليك طلع السلاح سريع قالو البيت دا فيو اسلحه
ولا انت ضابط في الجيش
ولا انت استخبارات
البيت دا قالو فيهو مسيرات
المهم اي تهمه عشان يفتشو البيت بعداك ترهب ترهيب عنيف بالسلاح
يقولو ليك طلع السلاح سريع قالو البيت دا فيو اسلحه
ولا انت ضابط في الجيش
ولا انت استخبارات
البيت دا قالو فيهو مسيرات
المهم اي تهمه عشان يفتشو البيت بعداك ترهب ترهيب عنيف بالسلاح
(4)
ح نصفيك اسي حالا و يختو ليك الكلاش في راسك
●انت مسلم
●اي مسلم
●خلاص اتشهد عشان ما تموت كافر
●غمض عيونك
●ادي ولدك دا طلقه عشان اريحك منو
●عايز تموت اول انت ولا الشافع دا
ح نصفيك اسي حالا و يختو ليك الكلاش في راسك
●انت مسلم
●اي مسلم
●خلاص اتشهد عشان ما تموت كافر
●غمض عيونك
●ادي ولدك دا طلقه عشان اريحك منو
●عايز تموت اول انت ولا الشافع دا
(5)
في اللحظه دي انت ما بتكون عارف ح يعمل ليك شنو
●خلاص في دهب و قروش هنا وين
●البضاعه دا ح نرفعه
بعد التهم والتهديد عارفينك ح تضحي بي شقى عمرك عشان تمرق من الموقف دا.
كل اصحاب المنازل ال تم مداهمتهم نزحو تاني يوم طوالي
في اللحظه دي انت ما بتكون عارف ح يعمل ليك شنو
●خلاص في دهب و قروش هنا وين
●البضاعه دا ح نرفعه
بعد التهم والتهديد عارفينك ح تضحي بي شقى عمرك عشان تمرق من الموقف دا.
كل اصحاب المنازل ال تم مداهمتهم نزحو تاني يوم طوالي
(6)
اذا الجماعه ديل جوك تأكد تماما انك تاني يوم بتتخارج من البلد
بعد تم نهب المنازل الراقيه و التجار المعروفين في الحصاحيصا
تاني بقو يعتمدو علي المعلمومه من المتعاونين ( المتعاونين ديل ح نتطرق ليهم فيما بعد).
ست شاي
مره في الحله نفسها ضعيفه
حرامي
سكاري
ديل بدو المعلومه
اذا الجماعه ديل جوك تأكد تماما انك تاني يوم بتتخارج من البلد
بعد تم نهب المنازل الراقيه و التجار المعروفين في الحصاحيصا
تاني بقو يعتمدو علي المعلمومه من المتعاونين ( المتعاونين ديل ح نتطرق ليهم فيما بعد).
ست شاي
مره في الحله نفسها ضعيفه
حرامي
سكاري
ديل بدو المعلومه
(7)
والله حسن داك كان عندو دكان في السوق نقل البضاعه البيت
طوالي تاني يوم بشربو الشاي مع حسن
حمزه دا عندو قروش طوالي بصنفرو لمن يطلع القروش.
حتي طفش جميع التجار و متوسطو الدخل من المدينه.
والله حسن داك كان عندو دكان في السوق نقل البضاعه البيت
طوالي تاني يوم بشربو الشاي مع حسن
حمزه دا عندو قروش طوالي بصنفرو لمن يطلع القروش.
حتي طفش جميع التجار و متوسطو الدخل من المدينه.
(8)
وسائل النقل:
اي شي بشتغل بي بنزين دا ما حقك دا ملك للدعمجيه ما عدا الجننيتر
من اليوم التاني الي يومنا هذا مافي مواطن بركب عربيه او موتر الناس ديل عندهم فهم انو مافي مواطن عندو عربيه
الناس ديل اختصرو العربات و المواتر عليهم فقط بقوليك مافي مواطن بركب عربيه انت مواطن تركب عربية
وسائل النقل:
اي شي بشتغل بي بنزين دا ما حقك دا ملك للدعمجيه ما عدا الجننيتر
من اليوم التاني الي يومنا هذا مافي مواطن بركب عربيه او موتر الناس ديل عندهم فهم انو مافي مواطن عندو عربيه
الناس ديل اختصرو العربات و المواتر عليهم فقط بقوليك مافي مواطن بركب عربيه انت مواطن تركب عربية
(9)
اما العجلات و الكوارو ف دي للمواطن لو عندك زول عيان و ما بقدر يمشي والله الا تودي المستشفي بي درداقه ولا كارو
دي الوسايل المتاحه للنقل عادي ممكن تشوف ليك زول عيان شايلنو بي درداقه
عينك في عربيتك هديك سايقنها و ما تقدر تفتح خشمك
و ياريت لو بسوقو سواقه كويسه سواقه بقمه التهور
اما العجلات و الكوارو ف دي للمواطن لو عندك زول عيان و ما بقدر يمشي والله الا تودي المستشفي بي درداقه ولا كارو
دي الوسايل المتاحه للنقل عادي ممكن تشوف ليك زول عيان شايلنو بي درداقه
عينك في عربيتك هديك سايقنها و ما تقدر تفتح خشمك
و ياريت لو بسوقو سواقه كويسه سواقه بقمه التهور
(10)
الأمن والطمأنينة :
لم ينعم سكان المدينه و قراها بالامن و الطمأنينة منذ دخول تلك القوات الي ديارهم.
القرئ تترقب ترقب حذر من الدخول اليهم يحرسون قراهم ليل نهار ويتوقعون ان تتم مهاجمتهم في اي لحظه.
اما المدينه فقد فارقت الطمأنينه ديارهم فالمواطن غير آمن في بيته او الشارع
الأمن والطمأنينة :
لم ينعم سكان المدينه و قراها بالامن و الطمأنينة منذ دخول تلك القوات الي ديارهم.
القرئ تترقب ترقب حذر من الدخول اليهم يحرسون قراهم ليل نهار ويتوقعون ان تتم مهاجمتهم في اي لحظه.
اما المدينه فقد فارقت الطمأنينه ديارهم فالمواطن غير آمن في بيته او الشارع
(11)
يتم تفتيش المواطن بشكل دقيق في كل راس شارع او زقاق ويأخذ منه كل ما يحمل حق اللبن حق العيش خمسميه جنيه الف جنيه الف ونص سجارتين كيس صعود اي شي حتي في شوارع الاحياء.
حتي الناس الماشه تجيب دوا بشيلو حق الدوا منك.
يتم تفتيش المواطن بشكل دقيق في كل راس شارع او زقاق ويأخذ منه كل ما يحمل حق اللبن حق العيش خمسميه جنيه الف جنيه الف ونص سجارتين كيس صعود اي شي حتي في شوارع الاحياء.
حتي الناس الماشه تجيب دوا بشيلو حق الدوا منك.
(12)
●تجي ماشي اول بتاع موتر او عربيه لافي بلاقيك:
هي اقيف تعال هنا بسالك سوال اسئله كل مواطن في ولايه الجزيره (انت مواطن ولا عسكري) للان ما عرفنا المغزي من السوال شنو.
شكلك عسكري ايوا اظن عسكري جيش ولا تكون مستنفر
شايل شنو
جيبه هنا
يلا لف
●تجي ماشي اول بتاع موتر او عربيه لافي بلاقيك:
هي اقيف تعال هنا بسالك سوال اسئله كل مواطن في ولايه الجزيره (انت مواطن ولا عسكري) للان ما عرفنا المغزي من السوال شنو.
شكلك عسكري ايوا اظن عسكري جيش ولا تكون مستنفر
شايل شنو
جيبه هنا
يلا لف
(13)
اما اذا حسو انك تحمل كثير من المال فبتم اقتيادك لي حته فاضيه و تسلب ثم تترك فيها.
اما السوق ف دا محل القلع عديل كده عينك يا تاجر.
اما اذا حسو انك تحمل كثير من المال فبتم اقتيادك لي حته فاضيه و تسلب ثم تترك فيها.
اما السوق ف دا محل القلع عديل كده عينك يا تاجر.
(14)
سوق المدينه:
من اكثر الاماكن الغير آمنه
السوق بعد ان عاث سكان الكنابي سرقه و نهب اصبح منطقه خاويه من اي شي عباره عن دكاكين فارغه مفتحه الابواب.
بعد اليوم العاشر بدا بعض فريشه الخضار مزوله عملهم في السوق
سوق المدينه:
من اكثر الاماكن الغير آمنه
السوق بعد ان عاث سكان الكنابي سرقه و نهب اصبح منطقه خاويه من اي شي عباره عن دكاكين فارغه مفتحه الابواب.
بعد اليوم العاشر بدا بعض فريشه الخضار مزوله عملهم في السوق
15)
اختصر التجار من الفريشه السوق في شوارع معينه فقط
هو الملجه وسوق البصل يعني سوق المدينه اصبح عباره عن اربعه شوارع كل شارع ميه متر
شارعين سوق البصل الداخليات و امام بوابه الملجه الشرقيه و البوابه الغربيه.
بدا السوق بدايه جيده في محيطه الضيق كل البضايع تفرش علي الارض
اختصر التجار من الفريشه السوق في شوارع معينه فقط
هو الملجه وسوق البصل يعني سوق المدينه اصبح عباره عن اربعه شوارع كل شارع ميه متر
شارعين سوق البصل الداخليات و امام بوابه الملجه الشرقيه و البوابه الغربيه.
بدا السوق بدايه جيده في محيطه الضيق كل البضايع تفرش علي الارض
(16)
ولكن سرعان ما تحول لمنطقه قتل ونهب مستقلين خلو ٩٠٪ من الشوارع من الماره.
السوق يغلق ابوابه مع اذان المغرب ثم تحول الي اذان العصر و الان اصبح يغلق ابوابه مع اذان الظهر و من المتوقع مع تصاعد وتيره القتل والنهب ان يغلق ابوابه نهائيا.
ولكن سرعان ما تحول لمنطقه قتل ونهب مستقلين خلو ٩٠٪ من الشوارع من الماره.
السوق يغلق ابوابه مع اذان المغرب ثم تحول الي اذان العصر و الان اصبح يغلق ابوابه مع اذان الظهر و من المتوقع مع تصاعد وتيره القتل والنهب ان يغلق ابوابه نهائيا.
(17)
يذهب المواطنين الي السوق ال هو الملجه وسوق البصل فقط
بشوراع معينه ناس اركويت و المايقومه بشارع ايلا مرورا بالبنك الفرنسي
ناس حي كريمه و حي العمده والاحياء الغربيه بشارع زين مرورا بالدفع المقدم
الاحياء الشماليه فور الحله الجديده ود الكامل... بشارع فور مرورا ببنك الخرطوم
يذهب المواطنين الي السوق ال هو الملجه وسوق البصل فقط
بشوراع معينه ناس اركويت و المايقومه بشارع ايلا مرورا بالبنك الفرنسي
ناس حي كريمه و حي العمده والاحياء الغربيه بشارع زين مرورا بالدفع المقدم
الاحياء الشماليه فور الحله الجديده ود الكامل... بشارع فور مرورا ببنك الخرطوم
18)
الضقاله المنصوره اربجي ابيد ام دقينه بالشارع الرئسي مرورا بكفتريا سكينه
اذا حاولت ان تختصر الشوارع فلا تلوم الي نفسك
ينتشر الدعمجيه في العديد من الشوارع ل سلب المواطنين
شارع بنك الخرطوم الي مكتبه كمال تثبت في هذا الشارع وبدخلو بيك مكاتب المحامين تفتش و تنهب تحت تهديد السلاح
الضقاله المنصوره اربجي ابيد ام دقينه بالشارع الرئسي مرورا بكفتريا سكينه
اذا حاولت ان تختصر الشوارع فلا تلوم الي نفسك
ينتشر الدعمجيه في العديد من الشوارع ل سلب المواطنين
شارع بنك الخرطوم الي مكتبه كمال تثبت في هذا الشارع وبدخلو بيك مكاتب المحامين تفتش و تنهب تحت تهديد السلاح
(19)
شارع سوق السمك(خطر) بقبضو الجايي من شارع الدفع المقدم وشارع بنك الخرطوم
كذلك شارع زينه كوكتيل
شارع البنك الفرنسي ( خطر)
شارع ايلا
شارع كفتريا سكينه
شارع سوق المبيدات وانت جايي من كفتريا سكينه (خطر جدا)
شارع سوق السمك(خطر) بقبضو الجايي من شارع الدفع المقدم وشارع بنك الخرطوم
كذلك شارع زينه كوكتيل
شارع البنك الفرنسي ( خطر)
شارع ايلا
شارع كفتريا سكينه
شارع سوق المبيدات وانت جايي من كفتريا سكينه (خطر جدا)
(20)
شارع عماره التلفونات وانت ماشي علي الملجه
دي شوارع رئيسيه اما شوارع السوق الداخليه فلا احد يستطيع المرور بها ينهبوك وتضرب ضربا مبرحا و يقفلوك في اقرب دكان و يمشو وانت و حظك بعداك
تفتش تفتيش دقيقا ويوخذ منك اي اموال تحملها وبفتشو اي اكياس شايله مرات بشيلو منك اللحمه العيش
شارع عماره التلفونات وانت ماشي علي الملجه
دي شوارع رئيسيه اما شوارع السوق الداخليه فلا احد يستطيع المرور بها ينهبوك وتضرب ضربا مبرحا و يقفلوك في اقرب دكان و يمشو وانت و حظك بعداك
تفتش تفتيش دقيقا ويوخذ منك اي اموال تحملها وبفتشو اي اكياس شايله مرات بشيلو منك اللحمه العيش
(21)
في بعض المرات يتم النهب داخل الملجه وسوق البصل اذا شافو عندك اي قروش بجوك و بقوليك نحن شاكين فيك انك استخبارات وين بطاقتك ارح معانا الارتكاز طبعا هنا بسوقوك اي شارع جانبي فاضي او بدخلوك اي دكان فاضي بلحسو قروشك و بفكوك واذا قاومت عارف البحصل
بعداك بتتفكفك بيتكم طوالي
في بعض المرات يتم النهب داخل الملجه وسوق البصل اذا شافو عندك اي قروش بجوك و بقوليك نحن شاكين فيك انك استخبارات وين بطاقتك ارح معانا الارتكاز طبعا هنا بسوقوك اي شارع جانبي فاضي او بدخلوك اي دكان فاضي بلحسو قروشك و بفكوك واذا قاومت عارف البحصل
بعداك بتتفكفك بيتكم طوالي
(22)
رفاعه رافع الطهطاوي:
محليه شرق الجزيره مدينه رفاعه
نالت محليه الحصاحيصا و قرإها السواد الاعظم من الظلم
عكس شرق الجزيره و مدينه رفاعه التي نعمت بالامن في الأحياء والاسواق و الشوارع
فلا يوجد قتل او نهب او سلب في رفاعه والمواصلات تعمل و المستشفيات والسوق و حتي عربات المواطنين
رفاعه رافع الطهطاوي:
محليه شرق الجزيره مدينه رفاعه
نالت محليه الحصاحيصا و قرإها السواد الاعظم من الظلم
عكس شرق الجزيره و مدينه رفاعه التي نعمت بالامن في الأحياء والاسواق و الشوارع
فلا يوجد قتل او نهب او سلب في رفاعه والمواصلات تعمل و المستشفيات والسوق و حتي عربات المواطنين
(23)
والسبب مع دخول الدعم السريع للولايه سرعان ما شكل كيكل قوه تأمين للاسواق و الأحياء والشوارع بقوانين صارمه لانها مسقط رأسه و كلها أهلو وترك فلاتة تلس والمسيريه والرزيقات يعوثون فسادا في باقي الولايه
من أسوا قوات الدعم السريع القوات المنتشره في محليه الحصاحيصا و اريافها
والسبب مع دخول الدعم السريع للولايه سرعان ما شكل كيكل قوه تأمين للاسواق و الأحياء والشوارع بقوانين صارمه لانها مسقط رأسه و كلها أهلو وترك فلاتة تلس والمسيريه والرزيقات يعوثون فسادا في باقي الولايه
من أسوا قوات الدعم السريع القوات المنتشره في محليه الحصاحيصا و اريافها
(24)
حاولت هذه القوات التسلل الي رفاعه بغرض النهب فتصدت لها قوات كيكل ودارت معركه سريعه فتراجعت الي الحصاحيصا وطلب منهم كيكل النهب بعيدا عن منطقته يعني بالواضح كده امشو اركبو ناس الحصاحيصا مع انو كيكل مسؤل عن ولايه الجزيره كلها لكن مختصر الحمايه علي أهلو بس وترك باقي الجزيره
حاولت هذه القوات التسلل الي رفاعه بغرض النهب فتصدت لها قوات كيكل ودارت معركه سريعه فتراجعت الي الحصاحيصا وطلب منهم كيكل النهب بعيدا عن منطقته يعني بالواضح كده امشو اركبو ناس الحصاحيصا مع انو كيكل مسؤل عن ولايه الجزيره كلها لكن مختصر الحمايه علي أهلو بس وترك باقي الجزيره
(25)
قري الحصاحيصا مالا عين سمعت ولا اذن رأت
اي عين سمعت لانو لو شفت الحصل في قري الحصاحيصا تاني ح تشوف بي اضانك و تسمع بي عينك
في السرد رقم" 3"
سوف نعرج علي قري وارياف الحصاحيصا
الرتويت مهم
لكم كل الاحترام
قري الحصاحيصا مالا عين سمعت ولا اذن رأت
اي عين سمعت لانو لو شفت الحصل في قري الحصاحيصا تاني ح تشوف بي اضانك و تسمع بي عينك
في السرد رقم" 3"
سوف نعرج علي قري وارياف الحصاحيصا
الرتويت مهم
لكم كل الاحترام
للمعلومة يااخوانا انا الكلام ده كاتبو وانا في الحصاحيصا شبر م طلعتا منها شاهد علي كل التنكيل💔
جاري تحميل الاقتراحات...